2009年4月10日星期五

本地銀行 (4)


基於前一篇所提到的各項條件,大口仔投資本地銀行股的首選不是恆生、不是中銀,答案係工銀亞洲!

銀行要Back to Basic,貸款在未來幾年都會是銀行收入的主力,銀行間的同業拆息長期保持低企,使中小型銀行的利息支出大幅減少,若銀行本身持有的貸款主要貸給客戶,息差在2009年的改善幅度可以好驚人,收入的增速將可抵消壞賬上升的幅度。相反,大型銀行因為資金苦無出路,一部分又要在同業拆放收取微不足道的利息,2009年將會處於弱勢。

投資相關收入佔營業收入要盡量少唔需要再詳細解釋,越少越好,中小型銀行本來的投資相關收益本來就唔高,相比起大型銀行投資相關收入佔營業收接近10%,中小型銀行的費用收入下跌幅度將比想像中細。

工銀亞洲2008年的營業收入比2007年增長18.5%,是一眾同業中最好的,歷史股息率有4.84%,貸存比率高達99%,2008年的息差是1.55%,單計淨利息收入一來一回可以好到你唔信,投資相關收益只佔營業收入的3%,2009年完全消失又如何?

在母公司的支持下,工銀亞洲近年接收了不少內地來港的客戶,又積極參與本地的銀團貸款,收入增長在未來幾年將可保持。之前一眾大行輪流唱淡本地銀行股,工銀亞洲以PB 0.7倍大平賣,但市場好聰明,工銀亞洲好快就炒上到PB 0.9倍,如果之後因市況轉壞再度大平賣,大家可以考慮下。

PS. 若你相信東亞的中國貸款風險不高,東亞會是一眾本地銀行中的次選。

2 則留言:

匿名 說...

多謝分享~

東亞08年大手瘦身去毒,今年收入很大可能比08年可觀。

r

Jay 說...

同大口兄有唔同觀點,我認為係富邦銀行

1. 雖然息差無工銀亞洲咁低(代表反彈力無咁驚人),但係佢嘅貸存比率只有64%,係來年加息時可以多d buffer 佢放貸,變相cover左佢息差嘅上升動力,簡單嚟講,以量補質。

2. trade緊歷史pb 嘅0.54,若同工亞一樣被重估,升幅潛力驚人。

3. 有台灣背景/概念。

4. 唯一係歷史pe相對高,股息率並不吸引。

係同一質地中,大新銀行可能係一隻黑馬!

Related Posts with Thumbnails