輸完又黎賭過

事隔一年，投資市場又再次變得熱鬧....

有人話過銀行業已死，因為投資市場變得死寂，失去客戶的信任，賺錢途徑只剩貸款一途。但事實呢？大部分投資者抱著輸完又黎賭過的心情，又再樂透地重投市場懷抱，各式各樣的投資工具又再應運而生。

大口仔看不到銀行業將會死去，相反，我看到數家大銀行因競爭對手退場，盈利在2009上半年創季度新高，而這個新高好有機會在一兩年後繼續高下去。

這次金融海嘯，大贏家當然係能夠睇準市況低買高沽的專業投資者，至於能堅持長期持有優質股的長線投資者，即使未能及時撈底，到今天的損失亦早已大幅收窄，兼享持股未來的升值潛力，算是輸少當贏的一群小贏家吧！

至於輸家，要數一眾對持股所知不多，但卻聽信明燈饞言而急急將優質股割價求售的一眾散戶。

不過，最可悲(惡)的大輸家，還是那些對投資一知半解，卻又言之鑿鑿地向別人作出投資建議的個別人士。說他們可悲(惡)，不單純因為他們的投資建議不準確，事實上世上亦無人可以百發百中，但請問有需要不誠實地向外發布人工製造的"投資組合"嗎？有需要因市況轉變而刪除已刊登的文章嗎？

真是可悲、可惡，亦可笑....