2008年4月30日星期三

高盛升匯控評級至「買入」,目標價升至150元

短短個多月,"市場人士"對匯豐由極度悲觀變為極度樂觀,呢個多月發生過咩事呢?有冇人可以確實咁話俾大口仔知?

高盛話匯豐次按問題最壞情況在今年首季出現,個多月前你唔知架咩?唔好當所有散戶 (如我)係傻仔....

仍然認為2008年係匯豐股東低位收集愛股的最後一年,之後幾多錢?木羊宰 (套用曹生金句)!

《經濟通通訊社30日專訊》高盛發表報告,將匯豐控股(00005)的投資評級由「沽售」調升至「買入」,並將12個月目標價,由128元調升至150元,升幅達17%。 高盛指,因次按損失帶來的艱難時期即將過去,而中國及亞洲區的業務發展也會為集團提供增長動力。 報告指出,匯豐控股因美國次級債券問題而遭受的損失可能一直會延續到2010年,但相信最壞的影響將在今年首季的業績中體現,此後損失會逐步減少。 該行又指出,匯豐控股有望成為首批在中國A股登陸的外國企業之一、美國政府對房屋市場的支持以及收入多樣化等,都成為集團發展的有利因素。(eh)

2008年4月29日星期二

一百萬人的故事

本來唔想講,因為講出黎一定會有人覺得大口仔冷血或不近人情,但噚晚睇完"一百萬人的故事 - 全民開講",實在有D不吐不快的感覺。

根本成個節目似聲討大會多過討論會,主持人不斷煽動在場人士將生活中的不如意事大講特講,跟住又問好多引導性問題,根本不似大學教授所為。

你問一大班因為種種原因月入不過HKD5,000的人立法實行最低工資好唔好?梗好啦!有著數喎!最好最低工資定於HKD24,000.....

人窮並不可怕,最可怕係當事人不明白自己貧窮原因....

大口仔細個屋企環境都唔好,但親眼睇住老豆老媽子如何憑一雙手,白手興家建立左一個相對良好的環境俾大口仔成長。我亦由細開始不斷提醒自己,要努力將呢個環璄進一步改善。經過兩代人努力,終於都脫離左所謂貧窮o既行列。

o係香港,就算窮人都一樣有機會接受良好教育、讀大學....只要你肯努力、有良好的理財觀,要脫貧比起世界上好多國家都容易。

大口仔老婆亦有感而發(佢係band 3中學教師),佢見到好多學生平時上堂只係識訓覺、學習態度係零,將來除左做$16一個鐘的M記或者保安清潔,都好難搵到其他工....

好多時貧窮係"果",人的心態及行為先至係"因".....

你今日要求就最低工資立法,有冇諗過聽日連$4,000一份清潔都會無埋,或者商人用$8,000請一個"年青人"做兩個"相對老年"人士的工作?試問問題有冇解決過?

2008年4月22日星期二

匯豐Green信用卡


大口仔一向支持環保,今日留意到匯豐創新推出鼓勵環保意識的Green Card。作為匯豐小股東兼環保人士,大口仔立即義不容辭於Blog內免費幫匯豐宣傳,向各位讀者推介此新產品,為環保(同匯豐)出一分力,希望大家踴躍支持。

匯豐Green信用卡特點

- 每次以green信用卡簽賬消費,匯豐便會捐出相等於簽賬額0.1%的款項給匯豐「綠化學校屋頂」計劃,以推動環保。

- 信用卡採用環保物料生產。

- 採用電子月結單,減少紙張使用量。

- 提供特選環保產品供持卡人換領。

- 成功申請「意外萬全保」並使用green信用卡繳交保費,匯豐保險(亞洲)有限公司將額外捐出港幣10元以支持匯豐「綠化學校屋頂」計劃。

2008年4月21日星期一

再談公公 (回應"秋")

公公最為人詬病的是他一身的「無骨氣」, 有無料反而是其次。因為一個人無論有料或無料都可以有骨氣, 只要知道自己的位置係邊就得。但係無料偏要扮有料, 又喜跟在真正有料的人身後做應聲蟲, 便以為這叫「物以類聚」, 以抬高自己身價, 狐假虎威。公公的種種行為, 重點不在可恥, 而在可笑。可笑在他根本不能有骨氣、獨立地生存, 但仍陶醉於自己的「名」與「權」當中。
此外, 認同在職場上的確需要為自己做MARKETING, 否則光有能力, 而無人賞識, 最後難發揮所長。所以打工仔應該把握時候, 表現自己, 讓老闆看到你的能力, 從而更上一層樓, 才是對自己、對公司「盡責」。

"秋"精要地點出無能力無骨氣的公公為何令人討厭,無料扮有料兼狐假虎威的確大有人在。

無料的人因為懂得說討好老闆的話而得其歡心,繼而沾沾自喜,當然可笑。我相信每間公司或部門內唔多唔少都會有一至兩個呢類人存在。點解佢地會得權呢?好大機會係因為老闆需要人對其絕對服從,從而提高自己於公司內的威信有關。事實係可悲同可笑,但我地又唔能夠否認呢類公公因為成功幫自己於公司內找到"市場定位"(無料但老闆需要)而生存到....

另一方面,大口仔覺得有料但同時又得老闆歡心的不可歸類為公公,但有好多人會將兩者渾為一談。如果一個人有料有能力同時又甚懂"管理老闆",我相信呢個人有朝一日,好大機會可以一人之下萬人之上,我會稱之為公司內的"大紅人"。

大紅人與公公的分別,重點在"管理"呢兩個字上,不是盲目討好。

你身邊有冇呢種人呢?你又會點為自己在公司或團隊內"定位"呢?

有能力但別人看不見,何止對不起公司,最對不起的,其實是你自己!

好書推介 - 分析員告白

Well....作為好朋友兼忠實讀者,一定要出薦文推介非常高級的Albert兄出新書之喜!
內容未讀,不過大口仔相信呢個分析員絕不戲場....


2008年4月20日星期日

懷才不遇 vs 公公

多謝隨笈的薦文-公公,令大口仔筆記最近人流急升。大口仔只係銀行二打六,離精英距離尚遠,見笑了。

不過隨笈在"公公"一文中形容的"眾公公",確實於職場上大有人在,亦發揮住龐大的影響力,值得再深入探討。不過討論公公之前,大口仔先要講在職場上更多的"懷才不遇"人士 (可能係講緊你同我)。

你有冇成日聽朋友講,"我都唔明阿邊個邊個有乜叻,老細要咁睇佢。公司上下大小有乜唔係我負責做得妥妥貼貼,點解唔睇我要睇佢?"。我相信如果你做過兩三年野,唔多唔少一定聽過類似說話。講既人覺得懷才不遇,被人講o個個係咪就係所謂公公?

公公都有分有能力同無能力的,隨笈所講的是指無能力的一群。但如果你同某人能力接近,但老細三番四次都對你視若無睹,但又對你心目中的所謂死敵委已重任,如果係咁你到應該都幾心酸....

但原因呢?大口仔覺得好多有能力的人都死於一個字 - "Marketing"。

唔係幫公司做Marketing喎,係幫自己做....下次再續!

2008年4月19日星期六

接近完成

經過一個星期斷斷續續的艱苦作戰,搬屋計劃終於都接近完成。經過今次之後,大口仔短期內應該都唔會買新屋住,因為都幾勞民傷財。今次如果唔係想完全享受樓市升浪,又短期內計劃生BB,我一定唔會咁快就住咁大間屋,寧願加大月供匯豐計劃好過。

有個安樂窩俾老婆同將來個BB就可以了,唔需要太奢侈。

聽日會開始繼續寫職場心得分享,執埋個書房先....

2008年4月17日星期四

報到

終於都重光....

呢兩日搬屋搬到心力交瘁,身心疲累。夜晚實在無精力寫一些關於市況的文章。

不過就住搬屋呢一點,大口仔先申報自己於去年初開始成為樓市大好友,不繼叫身邊同事朋友盡快入市置業或投資。自己亦身體力行地與家人一起買入兩個位於沙田區的單位,一作自住,另一作出租之用。幸運地,市況發展在大口仔預期之內,投資的物業為我帶來剩現金流,自住物業的買入價亦在可負擔之水平 (即使利率加3-5%)。

較詳細的分析往後補上,但大口仔個人主觀預期,香港樓市會較微調到本年7-8月,過後於2008年尾會再有一次較大升幅,想置業人仕可以留意入市。

2008年4月15日星期二

大口仔搬家了!

大口仔呢兩日將會細屋搬大屋,多左幾籮穀。兩日後再會....

(其實係唔記得申請轉寬頻地址 :P)

2008年4月13日星期日

自已靠自己

公司從來都唔重視你.....咁邊個會重視你呢?

答覆,就係你自己!

你要成功,你要得到老闆重視,第一件事要做的,就是你自己都要重視你的事業。公司內根本無人可以(會)幫你,包括你老闆。或者咁講,其實老闆的心態應該都同我地一樣,因為佢都係要為自己而戰。

BLOG友們話公司係一個互惠互利的場所,呢個講法真係再正確不過。你要老闆升你職,咁你有冇諗過老闆點解要升你?佢升你職對於佢黎講有冇好處呢?今時今日,大口仔覺得除左政府部門仲會將年資納入升職條件之外,其他絕大部份公司都唔會再將資歷視作先決條件。

老闆要升你....不外乎因為以下幾點:

1. 你的能力不可替代
2. 你的升職對其他人有鼓舞作用
3. 你可以鞏固老闆的權力
4. 你於團隊的影響力較大
5. 你表現優異,但有離心
6. 最後一點比較特別,就係老闆唔鍾意你,想"升"你去第二個部門或團隊

如果呢一刻你覺得懷才不遇,不妨諗諗你符唔符合以上任何一個條件?

你一定要諗清諗楚,因為公司無人會重視你,除左你自己!

2008年4月11日星期五

事實係....

要在職場上盡情發揮,有一個事實大家係一定要知道....

事實係....公司從來都唔重視你!

好多初出茅廬的熱血青年(包括當年的大口仔),都會不自覺"認為"自己對公司好重要,公司無左自己唔得。當有機會轉工、轉部門的時候,會經常覺得自己對公司、團隊唔住,唔想做二五仔云云。

你以為自己好叻?公司無左你唔得?SORRY,呢個只係一個美麗o既誤會!

朋友,唔好傻啦!雖然大部分公司都強調自己重視人材,但實情係大部分公司都只是志在達標。老闆最關心的是盈利能力、生產力,而不是你自我陶醉的"懷才不遇"或"義氣"。重視人材,係管理層創造出來穩定人心的"口號"而已。

大口仔想問,如果你唔能夠幫助公司達標,又或者公司認為其他人可以輕易取代你,將你投閒置散都無所謂的話,你估公司會唔會因為開除你而有一絲內疚?

希望大家明白,如果你同老闆無親無故,又無特別背境,百份之99%以上的老闆都唔會將你個人的事業發展放在第一位 (甚至係第二、三、四、五位....下刪一百字)。佢地只會關心你幫唔幫到佢,而唔會關心你的事業。如果佢地要提拔你,一定係因為你的升級在某程度上會幫助到佢達到某種目標,或者有某種象徵義意佢先會咁做....

大家千萬唔好對自己老闆有不設實際的遐想、假設(例如老闆會照顧我、幫我等),唔該!

2008年4月10日星期四

人棄我取@匯豐

當英國同業開始擔心資本不足,停止向市場提供按揭貸款或瘋狂加息,以"有效地"趕走顧客....

匯豐在市場上反其道而行,向為數140萬戶將於今年結束低廉定息的業主,提供低至4.54厘息率的定息按揭貸款以吸納這批客戶,但客戶須要繳付最高近一千鎊的手續費。

有人可能會覺得匯豐傻了,在即將崩潰的市場上大舉放貸,但大家可以放心,大口仔相信匯豐的貸款是有限制的。據報,匯豐要求借款人的貸款金額最高只可達樓價的80%,同時亦會以嚴謹的標準批核貸額。

簡單講,匯豐以本傷人地去"揀"最優質的客戶去擴大自己在英國的客戶基礎,希望按揭市佔率從原來的3%基礎上倍增。

你擔心利息太低嗎?4.54厘一定係GIMMICK ONLY!只有好少部分的客戶可以用呢個最低息口去借,加上英國於去年第四季已進入減息週期,在同業拆息趨跌的大勢下,定息4.54厘一定唔係蝕本生意。

大家於今年好大機會繼續睇住匯豐上演一幕幕類似的"以本傷人"行動,包括收購、擴大市場佔有率等商業行動 (紀勤同葛霖在2007年年報早已透露呢點),各位股東等睇好戲。

2008年4月9日星期三

職場新人類

你係咪30出頭的職場新人類?

你有冇諗過點樣先可以於短期內令自己的事業更上一層樓?

你會唔會覺得自己空有一身好武功,但唔知點解老闆總係鍾情於所謂"擦鞋仔",懷才不遇?

無可否認,事業要成功,個人能力係非常重要的。但同時,"際遇"兩個字亦玩死好多我輩等待發揮的熱血青年。記得幾年前大口仔初出茅廬,被當時的老闆形容為一匹脫繮野馬,傻得可愛。其後在佢老人家的教導下才初嘗何謂職場的生存之道,之後所遇到"際遇"才比較順利。

我諗如果大家同大口仔差不多年紀(或者年輕過我少許),心裡都少不免"有團火",但係o個團火係乜呢?則人人不同....有些人會被自己o個團火燒死,但有些人因為o個團火先俾老闆覺得"有heart",平步青雲。但,兩者有何分別呢?

您....自問又屬於邊一類?

大口仔之後會同大家分享自己在職場的親身經歷,講下我如何選擇公司、進修課程、專業考試、與老闆及同事的相處之道等等,希望藉此拋磚引玉,同大家交流下職場心得。

2008年4月7日星期一

匯豐保險業務的增長空間

其他人話匯豐係大笨象,增長空間有限....

但混業經營策略令匯豐可以將不同的金融產品銷售給本身客戶群。以保險業務為例,匯豐到今日先至得10%銀行客戶幫襯埋買保險 (包括埋一般保般喇喎),未來發揮空間可以係無限大。 只要將客戶的保單留在銀行內,其他的銀行服務產品好大機會都會手到拿來。

大口仔話匯豐最輝煌的日子才剛剛開始....

專訪﹕匯豐控股計劃將保險業務利潤貢獻率提高一倍 《華爾街日報》

匯豐控股有限公司(HSBC Holdings PLC , HBC, 簡稱﹕匯豐控股)仍有望實現將保險業務的利潤貢獻率提高一倍的目標﹐儘管自己規定的任務完成時間已經過去了一半﹐該公司負責保險業務的集團董事總經理Clive Bannister在接受道瓊斯通訊社(Dow Jones Newswires)採訪時表示。

該公司曾於2006年10月份表示﹐上述目標須要在差不多1,000天之內完成﹐即需要在2009年年底前完成。該公司保險業務2006年利潤在集團總利潤中所佔的比例為10%﹐去年保險業務利潤對集團稅前利潤的貢獻率為13%﹐合31億美元﹐而該公司最終希望完成的貢獻率目標為20%。

匯豐控股的市值達1,010億英鎊﹐是歐洲最大的銀行﹐其規模也超過了任何一家美國競爭對手。該公司直到最近一直都沒有一個堅實的保險業務戰略﹐而且也不像許多同行那樣深諳向銀行客戶銷售保險之道。

一直以來﹐匯豐控股都主要專注於在銀行業務方面實現內生和外生增長﹐而並不足夠重視保險業務。

Bannister稱﹐該公司經常會收購銀行﹐但很少收購保險公司。然而從現在開始﹐該公司的目標是要將保險業務對集團利潤的貢獻率提高一倍。匯豐控股重新關注保險業務﹐組建保險合資公司﹐並且在世界各地的成長性市場當中有計划的收購了一些保險業務。匯豐控股上月通過與Hana Financial組建合資公司擴展了在韓國的保險業務。

Bannister解釋道﹐人們尤其願意在退休金保障方面支付大筆費用﹐匯豐控股絕對不能失去這一豐厚的收入來源。他還稱﹐公司必須抓住這筆財富﹐如若不然﹐這些財富就會被資產經理、經紀商和其他銀行收入囊中。匯豐控股必須利用客戶基礎的優勢﹔目前匯豐控股在全球範圍內已擁有約1.25億名客戶﹐但只有約十分之一的客戶購買了該行的保險產品。

按2007年的稅前利潤計算﹐匯豐控股是全球第11大保險提供商。該公司保險產品的優先戰略合作夥伴包括安聯保險公司(Allianz SE, ALV.XE)、美國國際集團(American International Group Inc., AIG)、安盛(AXA S.A., AXA)以及荷蘭國際集團(ING Groep N.V., ING)等全球規模最大的保險商。Bannister強調﹐匯豐控股不打算涉足為大型企業或基礎設施承保的業務﹐而只專注於為私人客戶以及中小型企業提供保險。

2008年4月5日星期六

金融業的混業經營

非常高級的Albert兄昨晚談到平保的混業經營模式,閱畢大口仔想多嘴補多一兩句....

何謂金融混業經營?大口仔假設意思係指金融集團旗下有數間子公司經營不同o既金融業務,當中可以包括銀行、保險、基金、強積金服務等等。基本上我覺得同"管理錢"有關的生意都可以屬於金融業混業經營o既目標範疇。

作為銀行人,大口仔深深感受到金融業混業經營的龐大商機,亦相信大部份金融產品的互通性非常高。舉個例子,如果你o既出糧戶口係某銀行,你會唔會想自己o既強積金戶口同時o係o個間銀行呢?仲有信用卡呢?又如果自己份人壽保險又o係o個間銀行供,出完糧一站式找信用卡數,供埋保單,唔駛d錢成日轉黎轉去咁煩喎,都真係幾方便!係咪?

如果大口仔再話你聽,若果你份人壽保險同強積金o係o個間銀行,你問銀行做按揭時可以申請到比其他人平半厘貸借利息,借錢交稅可以借做6個月又平息,會唔會更加吸引到你集中哂所有有關"管理錢"的產品去同一間"銀行"?又如果你自己係老闆,又可以憑藉自己o係個人銀行o既產品記錄無低押咁申請到貿易信貸額,仲有平息,你又點睇?

上述係幾個簡單例子,具體去講金融產品的戶通性,當中o既可能性可以係無限大的,只要有人諗得到,金融機構有心有力地去實行就可以推行。當然,當中涉及好多科技上、政治上(金融機構內部的)同法規上的限制,唔係一時三刻可以解決,甚至根本解決唔到。但大口仔相信金融業要做大做強、要拋離同業,混業經營絕對係一個可行的方向。

混業經營要成功,關鍵在於金融機構如果有效運用自己的客戶基礎、網絡同品牌優勢。要數現今最成功的金融混業經營者,大口仔相信自己的愛股匯豐 (其實應該叫匯豐金融控股,不過大口仔有情意結,見諒)一定榜上有名。之前寫過匯豐如何利用本身的分行優勢同客戶基礎去拓展保險業(見另文匯豐 (7) ),呢個例子就正正係金融業發揮混業經營優勢的真實例子。記住,匯豐在香港的保險業係由零開始的,到今日如果匯豐將旗下保險公司分柝出去,你估價幾多錢?

大口仔唔敢話匯豐的混業經營最終一定會前無古人地成功,但至少佢已經證明左,如果金融機構能夠衝破科技上、政治上同法制上的障礙,之後所發揮到的威力係可以好驚人的。

市場上似乎有唔少投資者質疑平安保險提倡的金融混業經營模式,認為此舉不可行,是搵命搏行為。但有冇人留意到平保為其混業經營模式做左大量工夫,包括引入匯豐做策略性股東,收購富通及富通投資等等。如果投資者單純地將平保收購富通當作一項普通投資,咁未免太睇少平保管理層喇!

大口仔大膽講句,今日大陸金融相關市場仍然百廢待興,退休產品、財富管理產品同銀行相關產品都有著龐大商機。但因為分行網絡同法律o既限制,外資要爭奪呢幾個市場根本唔可能,只有各內地金融機構可以去競爭。如果o係開始階段唔努力去建立自已的品牌、去收購相關的配套,只係靠國家"私人醒"的投資機會去增長,呢種增長會持久嗎?

"平安"兩個字會唔會係將來中國版的"HSBC",大口仔會密切留意,伺機增持....

2008年4月4日星期五

世界第一@匯豐

"HSBC"繼上次獲得最有價值品牌,昨天更進一步榮登全球最佳企業的寶座。

如果將兩者加在一起去想,其意義相當深遠....

作為匯豐股東,大口仔樂見匯豐一步一步成為"全球最佳最出名,盈利能力最好的環球銀行"。

大口仔仍然相信2008年係低位收集匯豐股票的最後一年,匯豐的潛力將於2至3年後完全展現人前。

福 布 斯 :  控 全 球 NO.1 《星島日報》  

(星島日報報道)豐控股榮登全球最大上市公司寶座!美國《福布斯》雜誌發表二○○八年「全球二千大」企業排行榜,趁次按危機及經濟衰退,多家美國企業巨擘盈利及股價江河日下之際,受惠新興市場表現的控漁人得利,力壓美國通用電氣名列排行榜第一,去年排行榜首的花旗集團今年一落千丈,勁跌至排名第二十四。 

對於控首嘗全球第一滋味,控董事兼豐銀行主席鄭海泉表示歡迎,認為是對控的政策的一種肯定。控昨日股價報升贈興,升三角或百分之零點二三,收報一百三十一元八角。以昨日股價計算,控市值達到一萬五千六百億港元。 

《福布斯》每年都會根據營業額、盈利、資產值及市值四項指標綜合評審,選出全球最大二千家上市企業,今年上榜公司從六十個國家選出,合共坐擁資產高達一百一十九萬億美元(九百二十八萬億港元),全部市值更達到三十九萬億美元(三百零四萬億港元),僱員多達七千二百萬人。 
 
雖然控在各個評審指標都並非居首,例如資產值及市值分別排名第四及第十九,分別為二萬三千四百八十九億美元及一千八百零八億美元,盈利及營業額分別排名第七及第十六,整體表現仍十分理想,綜合排名終於壓過通用電氣登上第一寶座,較去年排名第三躍升兩級。

控得此殊榮,除了自身努力經營外,一般相信與次按風暴吹塌不少美國企業的盈利與股價不無關係,特別是花旗集團等金融巨無霸,去年排行榜首的花旗集團,受第四季表現拖累去年盈利跌至只有三十六億二千萬美元,盈利排名低至第一百五十三,股價大跌下市值排名也只有第四十六,結果綜合排名由去年第一急跌至今年第二十四。

同樣活在次按陰霾的控卻因新興市場表現強勁,去年盈利續創新高,保住排行榜實力。鄭海泉便指出,去年美國銀行經營出現問題時,控仍錄得兩成一盈利增長,反映集團全球營運健全,過去一年表現十分理想。被問到對明年排名的期望,他笑言不知道,因為排名有升有降不足為奇。  

今年排行榜仍然是美國公司的天下,佔五百九十八家,不過已經比去年減少六十一家,相反中國、印度及巴西等發展中國家在排名榜內迅速崛起,共有七十家中國公司上榜,至於本港公司(包括紅籌公司)榜上有名的共有三十九家,但《福布斯》將豐控股歸入為英國公司,所以排名最高的本港公司是中移動。  

儘管美企業佔有排行榜最多席位,美國企業的平均回報卻是最低,據《福布斯》統計,美國企業過去五年平均年回報只有百分之十一,與中國企業百分之三十八比較,可謂瞠乎其後。要數回報最高是巴西企業,過去五年平均年回報高達百分之六十。  

《福布斯》讚揚控是一隻會跳舞的大笨象,指出其過去五年的收入及盈利年均增長,分別達到百分之二十六及三十一,形容控「這樣的成績更似是一家增長中的地區銀行,多於一間在八十三個國家經營了一萬間分行,擁有二萬三千億美元資產的巨擘。」

2008年4月2日星期三

強者匯豐

今日有兩則有關匯豐的新聞吸引到大口仔注意:

1. 匯豐行政總裁紀勤話匯豐絕不會徹出美國次按市場,現正按其三年計劃處理有關問題,次按問題已經大致處理妥當,正等待機會在美國收購規模較小,但有西班牙裔或亞洲社區業務聯繫的同業,但無意收購大型銀行。紀勤預計3年計劃後匯豐將以更佳姿態「重返市場」,匯控融資的資產規模會維持1,000億美金左右。

2. 匯控在英國的子公司First Direct宣布,將暫停向非客戶提供樓宇按揭。First Direct指出,由於多間金融機構退出樓按業務或者調高利率,令客戶轉向較小型的銀行及金融機構做按揭,公司近期的樓按申請,相等於平日的五倍。First Direct行政總裁表示,與其大幅調高利率,以減少樓按申請,公司決定,暫時不向非客戶提供服務,直至完成處理目前囤積的樓按申請為止。

當其他金融機構為增加第一級資本而四處張羅,匯豐已經按部就班,井然有序地將有關問題處理好,仲有餘力去收購心頭好。金融市場從來都係汰弱留強的競爭地,今日你退出競爭,他日強者已經可以將你的地位完全取代。紀勤話3年後匯豐將以更佳姿態「重返市場」,應該有相當把握。

第二則新聞則證實英國信貸市場,包括同業、大中小型公司及按揭貸款同時收緊。匯控o係英國已經可以"揀"生意做。撥備風險當然有,但匯豐於2月份已經著手處理英國按揭貸款問題 (見另文"防風措施"),我信匯豐可又一次快同業一步將問題處理好,5年後又以更佳姿態「重返市場」。

完全係強者所為....都係繼續以股代息吧啦,諗咁多仲乜?

2008年4月1日星期二

馬王八達通


大口仔為抗通脹同負利率,一於繼續減持現金增持"心頭好"....

當然,除左匯豐、宏利、華能同JF台灣,"心頭好"亦包括大口仔醉心的香港名驅精品....

今日以$238購進精英大師同爪皇凌雨八達通連靚NUMBER。:)


搏升值10倍....哈!

Related Posts with Thumbnails