2008年4月20日星期日

懷才不遇 vs 公公

多謝隨笈的薦文-公公,令大口仔筆記最近人流急升。大口仔只係銀行二打六,離精英距離尚遠,見笑了。

不過隨笈在"公公"一文中形容的"眾公公",確實於職場上大有人在,亦發揮住龐大的影響力,值得再深入探討。不過討論公公之前,大口仔先要講在職場上更多的"懷才不遇"人士 (可能係講緊你同我)。

你有冇成日聽朋友講,"我都唔明阿邊個邊個有乜叻,老細要咁睇佢。公司上下大小有乜唔係我負責做得妥妥貼貼,點解唔睇我要睇佢?"。我相信如果你做過兩三年野,唔多唔少一定聽過類似說話。講既人覺得懷才不遇,被人講o個個係咪就係所謂公公?

公公都有分有能力同無能力的,隨笈所講的是指無能力的一群。但如果你同某人能力接近,但老細三番四次都對你視若無睹,但又對你心目中的所謂死敵委已重任,如果係咁你到應該都幾心酸....

但原因呢?大口仔覺得好多有能力的人都死於一個字 - "Marketing"。

唔係幫公司做Marketing喎,係幫自己做....下次再續!

4 則留言:

匿名 說...

公公最為人詬病的是他一身的「無骨氣」, 有無料反而是其次。因為一個人無論有料或無料都可以有骨氣, 只要知道自己的位置係邊就得。但係無料偏要扮有料, 又喜跟在真正有料的人身後做應聲蟲, 便以為這叫「物以類聚」, 以抬高自己身價, 狐假虎威。

匿名 說...

(續上)公公的種種行為, 重點不在可恥, 而在可笑。可笑在他根本不能有骨氣、獨立地生存, 但仍陶醉於自己的「名」與「權」當中。

此外, 認同在職場上的確需要為自己做MARKETING, 否則光有能力, 而無人賞識, 最後難發揮所長。所以打工仔應該把握時候, 表現自己, 讓老闆看到你的能力, 從而更上一層樓, 才是對自己、對公司「盡責」。

大口仔 說...

秋:大口仔以新文回應您的留言,歡迎分享意見。

匿名 說...

懷才不遇 vs 公公,名字很特別!!看下!!公公都有分有能力同無能力的,隨笈所講的是指無能力的一群。??

-

Related Posts with Thumbnails