2008年2月21日星期四

收風站@台灣股市

心水清的朋友可能會留意到大口仔筆記的收風站,設定了收集匯豐、宏利金融、華能國電、台灣股市、太平洋恩利呢幾個投資相關項目的消息。

收得風,當然對其有興趣。當中有穩陣亦有高風險,投資理由從後再講,不過千其唔好睇完未了解就走去隨便買入。記住大口仔講,任何投資項目(包括匯豐),你唔清楚就千其唔好去買去送死。

其中台灣股票係大口仔近期最有興趣o既投資項目,亦o係USD19.72同USD14.1買入兩注JF台灣基金 (平均買入價USD16.91)。買入係因為大口仔認為台灣政局即將變天,大量資金因為看好兩岸政局緩和而由慢至快地流入台灣股市及樓市。

轉捩點會由國民黨重新執政開始....

2008年2月19日星期二

啟示?

匯豐渣打相繼為免旗下SIV賤賣優質資產而為其提供資金?

巴菲特趁火打劫債保公司,想以低價買入公債?但債保公司斷然拒絕?

債保公司拒絕巴菲特打救,但同時希望分柝公債上市,以反映其價值?

李國寶於業績宣佈會上提到,佢有信心東亞手持的優質CDO價值在兩年內會升值,可以有回撥?

美國、歐洲的公司甚至政府都舉債困難,發債息口需達20厘以上?

以上問題對你有冇啟示?

金融界人士對次按、債券市場隱約有一個共識,但市場人士(或投資者)並未察覺。公司或政府舉債困難,請問邊個最著數?狂印銀紙時代結束,請問邊個最著數?請問有冇可能大部公司、公營機構都破產?

請問生意仲需唔需要繼續做落去? 如果要做,佢地仲有乜選擇?

勝者為王,一場金融界的大型整合即將開始,銀行生態又有一場翻天地覆的轉變。走著瞧!

2008年2月13日星期三

巴菲特都趁火打劫!

巴菲特今次絕對不是"救"債保公司,佢係趁火打劫債保公司先真!

其實債券市場的定價由最原始的"供求"決定,依家因為市場上無人願意買入次按相關債券,在"需求"不多的情況下令相關投資產品定價超低。呢個由次按帶出o既金融危機波及所有債券產品,當中包括政府債券這類優質資產,連債保公司都自身難保。巴老以超筍價買入"無得輸"的政府債券,絕對係趁火打劫行為。

大家細心想想巴老的趁火打劫行動,之後詳細閱讀有關新聞,就會更加明白點解大口仔當日話匯豐為旗下管理o既兩間SIV提供350億美元融資不會血本無歸。我希望大家可以用少少時間去了解何謂CDO、何謂次按、何謂債券,為何匯豐同渣打願意為旗下管理o既SIV提供融資,以避免賤賣資產....

股神救債保歐美市彈 《東方日報

股 神 巴 菲 特 願 意 接 手 MBIA 、 Ambac 和 FGIC 三 家 美 國 債 券 保 險 商 承 保 的 多 達 8,000 億 美 元 巿 政 債 券 ( municipal liabilities ) , 加 上 美 國 新 一 輪 拯 救 按 揭 業 主 措 施 公 布 在 即 , 消 息 刺 激 美 股 急 漲 , 道 指 早 段 升 221 點 , 高 見 12,461 點 ; 納 指 升 27 點 , 高 見 2,347 點 。

巴 菲 特 提 出 接 手 巿 政 債 券 的 消 息 , 亦 帶 動 歐 洲 股 巿 升 幅 擴 大 , 英 、 法 、 德 股 巿 最 多 升 達 3% 。

涵 蓋 巿 債 不 包 次 按

巴 菲 特 透 過 CNBC 財 經 台 表 示 , 今 次 建 議 只 涵 蓋 巿 政 債 券 , 不 包 括 次 按 相 關 證 券 , 有 關 建 議 上 周 已 提 交 上 述 債 保 商 , 但 被 其 中 一 家 債 保 商 拒 絕 , 正 等 待 另 外 兩 家 的 回 應 。 該 3 家 債 保 商 受 到 次 按 打 擊 , 現 時 瀕 臨 喪 失 其 AAA 最 高 信 貸 評 級 。 巴 菲 特 指 出 , 倘 這 一 批 巿 政 債 券 最 終 獲 其 投 資 旗 艦 巴 郡 接 手 , 就 有 望 保 住 最 高 評 級 。 他 早 前 表 示 , 不 打 算 購 買 現 有 債 保 商 的 債 券 , 而 自 行 成 立 了 一 家 債 保 公 司 。

宏利CDO不涉及次按

大口仔另一心頭好宏利金融今日表示手持的CDO信貸評級良好,當中不涉及美國次按。大家如果對CDO認識不深的可能好奇怪,乜CDO唔係等如次按咩?其實所謂有債務抵押債券涉及好多種不同的債務次產,次按只係其中一種,但好多一知半解的投資者將兩者混淆,認為CDO等同次按債券。宏利金融今日的披露正好解釋兩者的不同之處。

匯豐同渣打願意為旗下管理SIV提供資金,以避免其賤賣所持優質債務抵押債券,不可能是無的放矢。

宏利CDO不涉及次按東方日報

宏 利 金 融 ( 0945 ) 亞 洲 區 高 級 行 政 副 總 裁 兼 總 經 理 雷 柏 剛 表 示 , 集 團 雖 持 有 債 務 抵 押 債 券 ( CDO ) , 但 當 中 不 涉 及 美 國 次 按 。 他 又 稱 , 集 團 持 有 的 CDO 信 貸 評 級 良 好 , 未 有 計 劃 改 變 旗 下 投 資 策 略 。

2008年2月11日星期一

收購法興?出售一半法國零售分行?

大口仔於2月2日講市場有關匯豐收購消息混淆。一時話匯豐收購法興,一時又話匯豐出售法國業務。今日"市場"又傳匯豐已委任高盛為顧問,檢討在法國市場的發展策略,可能把法國300間零售分行放售,市場對匯豐收購法興的揣測已經降溫。

大口仔對匯豐收購法興消息不以為然,但究竟匯豐會唔會出售法國分行一半網絡呢?要知答案,大家不妨再响2007年中期業績報告搵。匯控集團行政總裁紀勤於報告指出匯豐法國期內表現良好,業績比2006年同期盈利增長2.61億 (美元,下同),其中以企業銀行、投資銀行及資本市場的貢獻最顯著

再細閱法國業務盈利分佈,總盈利有7.21億,當中個人銀行業務佔0.97億、工商業務佔1.19億、企業銀行、投資銀行及資本市場業務佔4.61億、私人銀行佔0.09億,其他收入佔0.26億。大家睇到法國業務於2007年其實唔錯,但主要由企業銀行、投資銀行及資本市場業務貢獻。個人銀行業務對整體業務貢獻有限(13%),於年報內對個人銀行業務落墨不多,只提到貸款增長20%,但收入被貸款息差收窄抵消。

如果匯豐因為法國個人銀行業務回報率有限而決定出售法國零售銀行分行一半網絡,大口仔覺得有咁o既可能性。因為匯豐法國業務做得最好o既係工商業務同企業銀行、投資銀行及資本市場業務,而經營上述業務根本唔需要維持太大o既分行網絡。如果回報率乎合理想,出售法國一半分行網絡亦無可口非,亦比較合理。

至於收購法興,隨住出售一半法國分行網絡傳出,可以話不攻自破。

匯控傳售法業務 涉303億11/02/2008 《東方日報》

備 受 次 按 問 題 困 擾 的 匯 豐 控 股 ( 0005 ) , 盛 傳 擬 出 售 部 分 法 國 零 售 銀 行 業 務 , 並 正 尋 覓 買 家 , 涉 額 料 達 20 億 英 鎊 , 相 當 於 約 303.5 億 港 元 。 據 英 國 報 章 報 道 , 有 關 行 動 或 反 映 匯 豐 回 應 反 叛 投 資 者 Eric Knight 的 訴 求 , 更 專 注 新 興 市 場 的 發 展 。 然 而 , 匯 豐 發 言 人 回 應 , 該 集 團 仍 然 重 視 法 國 市 場 。

佔 五 成 零 售 銀 行

匯 豐 正 檢 討 法 國 業 務 。 英 國 《 星 期 日 電 訊 報 》 報 道 , 匯 豐 計 劃 出 售 約 一 半 法 國 零 售 銀 行 的 分 行 , 估 計 市 值 約 20 億 英 鎊 。 匯 豐 於 八 年 前 , 斥 資 約 125 億 美 元 收 購 法 國 商 業 銀 行 ( CCF ) , 是 次 擬 出 售 的 分 行 , 為 當 年 收 購 的 部 分 資 產 。 據 了 解 , 匯 豐 已 委 任 高 盛 證 券 , 重 新 審 視 其 於 法 國 的 業 務 網 絡 。

法 國 匯 豐 業 務 多 元 化 , 除 零 售 銀 行 外 , 尚 包 括 企 業 及 投 資 銀 行 、 資 產 管 理 、 保 險 及 私 人 銀 行 等 。 法 國 豐 零 售 銀 行 共 有 774 家 分 行 。

競 購 法 興 機 會 降

早 前 市 場 揣 測 , 匯 豐 將 參 與 競 購 法 國 興 業 銀 行 , 上 周 美 林 認 為 控 有 力 收 購 法 興 , 但 匯 豐 出 售 法 國 資 產 的 計 劃 , 料 會 淡 化 市 場 對 其 購 法 興 的 揣 測 。 接 近 匯 豐 的 消 息 人 士 指 出 , 該 集 團 研 究 出 售 法 國 資 產 的 方 案 , 已 進 行 一 段 時 間 。

出 售 業 務 或 為 回 應 投 資 者 的 訴 求 。 於 過 去 兩 周 , 匯 豐 主 席 葛 霖 曾 與 Eric Knight 會 晤 , 但 市 場 仍 未 知 曉 雙 方 討 論 的 細 節 。 Eric Knight 自 去 年 中 開 始 炮 轟 控 企 業 管 治 , 並 促 請 匯 豐 應 更 集 中 拓 展 新 興 市 場 , 同 時 減 少 成 熟 市 場 的 投 資 比 例 。 報 道 亦 指 出 , 葛 霖 正 檢 討 該 集 團 行 政 高 層 的 薪 酬 支 付 結 構 , 其 中 一 項 建 議 是 與 表 現 掛 ; 日 後 除 參 考 英 美 同 業 如 花 旗 的 表 現 外 , 亦 會 傾 向 參 考 更 多 亞 洲 銀 行 的 表 現 。

2008年2月10日星期日

農曆新年、鏗鏘集、綜援

農曆新年,大口仔一連五日紅假節目都排得密密麻麻。


年三十:食團年飯、行年銷。

年初一:拜年、睇"長江七號"。

年初二:去車公廟、食開年飯、睇"理髮師"。

年初三:入馬場、團拜。

年初四:飲茶、一家大細打麻雀。

我諗大口仔呢個過年方式同好多香港人都好類似。特別係香港呢兩年好似好好景,股升樓升人工升,香港人今年過年都有返七八分昔日o既豪氣。兩萬蚊一圍團年飯、萬五蚊一個日本團、利是已經好少見到十蚊紙。

不過,o係繁榮背後,香港社會其實存在住好多隱憂....

夜晚睇鏗鏘集,提到香港進入通脹時代,豬貴牛貴菜更貴。以前賣開兩蚊一斤菜依家賣兩個八、以前賣十蚊o既豬肉份量依家要廿蚊先買到、叉燒十蚊無交易要廿蚊先有得買。好多拎緊綜援o既家庭生活得足襟見爪。

舊年政府宣佈拎取綜援人士可以有多一個月綜援。當時大口仔反應好大,認為如果綜援都可以有"雙糧",仲成世界o既?但頭先睇完鏗鏘集,睇到受訪家庭原來個細路連九百蚊o既交流團都去唔到,屋企部人地送o既電腦壞左都無錢整,個老豆就係等緊o個份"雙糧"俾個仔去整電腦。睇到呢道,大口仔個心都幾"up",幾唔舒服,對之前一竹篙打一船人o既諗法好內疚。

香港似乎走左入一個死胡同,貧富懸殊好嚴重,如果你未能進入個別前境比較好o既行業,你將來想過比較中產o既生活都幾困難。就算你收入還可以,但老婆、仔女、屋仔、車仔、照顧兩老都已經會消耗哂你大部份o既現金流。仲有交稅呢?你o既工作收入大部分都要秤稅納稅,人o既收入高峰期應該o係30至45歲,咁....之後點?

朋友,"理財"呢兩個字對於我地黎講都太重要喇!老套講句,你不理財、財不理你。點樣管理自己o既現金收入"人工",去令自己達至財務自由呢?大口仔唔敢話自己好叻,但黎緊有機會希望有機會同大家分享下自己呢方面o既睇法。

同上市公司"夾份"做生意,似乎係一個幾好o既選擇....

2008年2月8日星期五

收風站

感謝BLOG友鋒人語指導,大口仔筆記新設"收風站"方便各位讀者搜尋有關"匯豐"新聞。大口仔亦會不時將自己特別留意o既股票或基金加入收風站內。

另於新年期間嘗試改善版面設計,現加入GOOGLE廣告GOOGLE搜尋器RSS訂閱器於筆記內,讀者可按各自喜好使用。謝謝!

2008年2月7日星期四

匯豐 (7)

保險服務


匯豐自2000年起開始發展保險業務 (包括壽險、一般保險及強積金產品),經過幾年努力,到近年開始對整個集團盈利有顯著貢獻。特別係香港市場,唔講大家未必知,匯豐加埋恆生o既壽險市場佔有率,於2005年已經超越傳統保險市場強者友邦 (AIA)。2006及2007年匯豐保險仍然勢如破竹,單計匯豐保險o既市場佔有率,已經同友邦並駕齊驅。

短短5年,匯豐同恆生憑乜野後發先至,將保險同業比下去呢?大口仔認為同匯豐o既環球網絡平台不無關係。無錯,最大優勢都係呢個"理財產品超級市場"!大家仲記得呢個超級市場係點樣運作嘛?

龐大客戶群 + 統一客戶服務 + 全面產品選擇 + 超級網上平台 = 匯豐理財產品超級市場

客戶o係呢個超級市場裡面,除左買基金、股票、供強積金之外,又點少得個人理財計劃裡面不可缺少o既保險產品呢?匯豐o係發展保險市場之初,從零開始,面對住一個超級龐大o既客戶組合,一個一個咁嘗試去銷售保險產品。因為呢個龐大o既客戶組合"全部"都未向匯豐購買保險產品,再加上匯豐商譽好,有好多保守客戶都因為信得過匯豐而向匯豐購買人壽產品,所以銷售機會多的是。

雖然匯豐保險最初推出o既產品都係最傳統o既儲蓄壽險產品,但仍然一開始就賣個滿堂紅。唔知大家有冇朋友做過匯豐o既FPM (FINANCIAL PLANNING MANAGER)?如果有,你可以試下問佢地匯豐一開始賣保險產品o既"盛況"。當然,空有龐大客戶群,但如果無好o既服務配合都無用。匯豐由最初向自己龐大客戶群埋手外,除後兩三年續一發展不同o既銷售保險工具,一步一步創造出銀行銷售保險o既"獨有優勢"。

呢個獨有優勢點黎呢?唔知大家有冇幫襯過保險經紀買保險o既經驗呢?大口仔好多朋友曾經幫襯過經紀買人壽保險,買之前經紀服務態度非常好,但當幫襯經紀購買保險之後,好多時服務質素就會每況愈下。因為經紀本身係靠佣金收入維生,而保險公司俾經紀o既佣金方法係客戶購買保單的第一年最高,之後就會越來越少,直接影響左保險經紀o係客戶購買保單前後服務質素o既變化 (其實都係人之常情)。再加上無人可以保證個別保險經紀會一直o係同一間公司,或者繼續做保險行業,令到好多已經購買保單的客戶無經紀再提供跟進服務,行內人稱為"孤兒單"。

相對地,銀行銷售保險前後o既服務水準同保險公司就好唔同。由於銀行(特別係匯豐)非常注重商譽,銀行本身絕對唔容許服務質素有任何得失客戶之處。就算銷售保單俾客戶o既銀行職員轉職或離職,客戶仍然可以憑一個電話,或者去到任何一間匯豐分行,搵到相關同事為其提供跟進服務。呢種統一o既服務質素吸引到好多本來對保險經紀有壞印象o既客戶轉而向銀行購買保單。而本身已經向保險經紀購買保單的客戶,加單時亦會優先考慮到銀行購買。

除此之外,匯豐亦係首家為客戶提供網上"直接"購買保險產品服務o既銀行。大口仔就試過星期一要出發去旅行,星期日先記得要買旅行保險。當時大口仔有諗過找保險經紀購買,但心諗星期日打俾保險經紀都應該買唔到保險,最後決定都係幫襯匯豐,於網上銀行直接購買旅行保險。匯豐一個電話都唔需要接聽、一張表格都唔需要幫我填、大口仔亦無到過匯豐分行,佢就將大口仔o既保費袋袋平安了。

除左旅行保險,匯豐網上銀行仲提供家居保險、人壽保險等等其他保險產品。呢個網上平台令匯豐呢個超級市場可以一星期7日、一日24小時開門營業,幫客戶處理保險事務。至於客戶如果於網上購買保險,由於銀行慳左銷售行政費,慳到o既成本可以透過折扣方式回饋客戶,客戶得到折扣、銀行做到生意,一家平宜兩家著。

最後一點,可能係大口仔主觀意見,我覺得客戶普遍喜歡將個人名下資產統一管理。如果有得選擇,客戶(特別係後生一代)會喜歡將保險資產放在銀行管理。透過網上銀行,對自己名下投資、存款、強積金同保險資產一目了然,方便管理。

以上種種都係銀行銷售保險產品時o既優勢,呢D優勢係匯豐身上體現得更加明顯。大口仔提到匯豐自2000年起,保險業務發展得如火箭般快,咁開始飽和未呢?匯控行政總裁紀勤於2007年中期業績提到有關保險業務o既發展。佢提到於匯豐客戶群中,只有約15%有向匯豐購買保險產品,佢期望保險業務於5年內可以佔集團盈利25% 。你無聽錯,只係15%。大家可想而知保險業務於匯豐o既發展空間有幾大。

大口仔深信銀行銷售保險產品相對傳統保險公司有相當優勢。匯豐於云云競爭者當中,透過龐大客戶群 + 統一客戶服務 + 全面產品選擇 + 超級網上平台 (WINNING FORMULA),一定可以脫穎而出。

近年投資者對保險公司趨之若鶩,但有幾多人睇到匯豐於保險市場上o既龐大潛力?

2008年2月6日星期三

恭賀新禧

大口仔祝大家....

身體健康

心想事成

股馬亨通

家庭和睦

(初一啟市)

2008年2月5日星期二

年廿九,早D抖!

年廿九,成班同事仔都無心機做野等放工....

Nancy:老闆,聽日年三十有冇得早收呀?要食團年飯喎....

大口仔:應該有掛,等我問下阿姐先 (你個死女包,開會叫你俾意見又唔見你咁主動,早收工呢家野就咁鬼死主動問....)。

Nancy:咁你聽朝一早問丫,好心急呀!

大口仔:好呀....好 (高音),等我聽日一有機會就問 (問鬼問馬咩,一個唔覺意俾阿姐覺得我好想早收工咪中招?咪喇....)。

Nancy:老闆你有冇上網睇"明星相"呀?阿Edison原來咁架jar....阿嬌同柏芝好慘喎....XYZ^%$# (下刪一千字)。

大口仔:係囉....D差佬真係....呀話時話,我叫你交條數你做到未?咁得閒睇報紙o既?有冇Call下阿陳生上去見下佢呀?

Nancy:呢排過年邊有客俾我地上去見丫....呀話時話,你估下第四個受害者係咪Stephy呢?聽日記得問下有冇得早放呀....XYZ#$%^

大口仔:-_-"

2008年2月4日星期一

火上加油

終於都睇唔過眼,要發下火鬧下負責有關藝人淫褻照片案件o既警察!

大口仔想問下阿SIR你地有冇COMMON SENSE?有冇考慮過受害人o既感受?

你o係新聞透露有關相片係有人修理電腦意外流出,係咪等如話"D相係堅架!一定要信!"?
你o係新聞透露有關相片唔止幾百張,係咪等如話"仲有好多有得睇呀!繼續上網SEARCH啦!"?
你o係新聞透露有關相片同六個女人有關,係咪等如話"唔止阿嬌、張柏芝同BOBO,仲有其他女星受害,大家繼續八啦,唔好停呀!"?

阿SIR你講D野完全係為呢件事火上加油,對查案又全無幫助,我想問你地可唔可以用一句無可奉告應付傳媒?可唔可以用下個腦講野?

防風措施

當大家都擔心匯豐英國業務出問題時,匯豐管理層已經開始對症下藥。大口仔答網友問題時曾經講過,經營銀行的信貨風險等如中石油的油價風險、中人壽的理賠風險、工業股的源材料價格風險。經營風險係要管理,唔係坐o係道話驚出問題,或者出左問題唔同股東講就可以。我覺得匯豐呢方面做得一貫出色。

匯豐延長英國地部分定息按揭的定息期最多五年。表面睇呢個安排好似好蝕低,但由於行內預期英國開始進入減息週期,延長定息期又可以保持資產穩定,係一個除笨有精同先知先覺o既做法。再加上定息期多數係還息唔還本的,即係延長定息期並無減少匯豐資產規模,做法正面。

另外,匯豐開始重組旗下兩間SIV公司,為其提供資金以防賤賣資產。如果大家唔善忘,應該記得呢個做法亦係匯豐帶頭做的。仲有,最先向市場預警次按問題o既都係匯豐 (2006年10月發盈警)。

風暴需要預防,唔係收收埋埋唔講做可以當無件事....


東方日報:匯控延英樓按定息期04/02/2008

正 受 美 國 次 按 風 暴 吹 襲 的 匯 控 ( 0005 ) , 為 英 國 逐 漸 形 成 的 另 一 波 次 按 風 暴 做 好 防 風 措 施 。 隨 當 地 大 量 低 息 按 揭 逐 步 在 本 年 到 期 ,匯 控 決 定 延 長 當 地 部 分 定 息 按 揭 的 定 息 期 最 多 五 年 。

據 英 國 《 獨 立 報 》 報 道 ,匯 豐 容 許 當 地 二 、 三 或 五 年 樓 按 定 息 期 快 將 完 結 的 貸 款 人 , 繼 續 按 目 前 的 定 息 息 率 繳 交 利 息 , 定 息 期 最 多 延 長 五 年 。

組 2 公 司 重 整 SIV

事 實 上 , 英 國 樓 市 近 月 開 始 下 挫 , 不 少 低 息 按 揭 亦 逐 步 於 今 年 到 期 , 加 上 去 年 七 月 前 英 國 曾 數 度 加 息 , 定 息 期 快 將 完 結 的 供 樓 人 將 要 面 臨 繳 付 高 息 壓 力 。

匯 控 亦 公 布 重 組 旗 下 結 構 性 投 資 公 司 ( SIV ) Cullinan , 該 行 將 成 立 兩 間 新 公 司 Mazarin 及 Barion , 其 中 Mazarin 融 資 將 由 匯 控 全 數 提 供 。 匯控 將 向 Cullinan 的 收 益 票 據 投 資 者 提 供 機 會 , 將 其 持 有 的 票 據 轉 至 新 公 司 , 以 交 換 後 者 的 收 入 票 據 , 而 Cullinan 部 分 資 產 亦 會 轉 至 新 公 司 。

此 外 , 該 報 亦 引 述 消 息 指 , 雖 然 「 反 叛 股 東 」 Eric Knight 與 控 主 席 葛 霖 上 周 會 面 氣 氛 友 好 及 有 益 , 但 Eric Knight 旗 下 資 產 管 理 公 司 Knight Vinke , 仍 會 在 其 最 大 投 資 基 金 CaLPERS 的 鼓 動 下 , 繼 續 抨 擊 控 。

2008年2月3日星期日

爪皇凌雨退役

爪皇凌雨退役喇!


呢匹香港長途馬王為香港賽馬界立下好多輝煌o既成績、贏盡香港中長途大賽、包括長途三冠大賽 (分開勝出)、女皇盃、香港盃、香港打吡等等,競賽生涯贏得獎金超過75,000,000港元。最重要係爪皇凌雨舊年贏出杜拜司馬經典賽冠軍 (2400米),證明香港馬主只要願意投資,香港一樣可以出一匹極佳o既長途馬王!

隨往爪皇凌雨o既退役,代表住香港一個賽馬時代o既結束。精英大師、爪皇凌雨、星運爵士....



前馬王「爪皇凌雨」昨日出爭百周年紀念銀瓶,該駒自起步後便一直居後,入直路時更愈墮愈後以及不願展步,而騎師杜鵬志亦沒有加以催策座騎,最後馬兒包尾大敗而回。  賽後馬主周漢文感到非常緊張,並表示只知道馬兒有明顯的問題,但不知道哪兒出了毛病,於是便立即向練馬師查詢。賽後,「爪皇凌雨」被獸醫驗出心律不正,而馬主亦決定讓馬兒退役。

2008年2月2日星期六

恭喜鄭大班成為匯控執董

恭喜鄭大班成為匯控執董,實至名歸!希望鄭大班可以將亞洲業務經驗帶入董事局,令匯豐於新興市場發展得更加出色!

新聞引用自新華網
據香港大公報報道,匯豐控股1月31日宣布,委任鄭海泉為匯控執行董事,並于2月1日起生效。這是該行創辦143年來,首位華人擔任有關職位。匯控近年備受美國次按問題困擾,這次委任鄭海泉入董事局參與最高層決策,反映該行力攻亞太區新興市場的決心。

鄭海泉繼接替前匯豐亞太區主席艾爾敦成為首位華人大班後,這次獲委任入匯控董事局,是該行創辦143年來,首位華人擔任執行董事 。

入董事局早有先例

其實雖然華人獲委任入匯控董事局早有先例,如過去有包玉剛、李嘉誠和錢果豐等,現在則有鄧蓮如、馮國綸,其中包玉剛、李嘉誠和鄧蓮如更獲委任為匯控副主席一職。但有關人士均是以非執行董事身份進身匯控董事局,不會參與匯控的業務運作。但鄭海泉這次以執行董事加入董事局,是首個華人出任執行董事,即可參與該行高層決策。

事實上,匯控主席葛霖在通告裏表示,亞洲一直是匯控的命脈所在,以及新興市場策略的動力來源。因此,集團在最高的管理層次,即控股公司的董事會內任命一位直接代表亞洲的人選,是最適當的事。

匯控命脈係于亞洲

葛霖歡迎鄭海泉加入匯控董事會。他說,鄭海泉將為集團帶來寶貴的專長和對亞洲的深入了解;鄭海泉以亞太區主席身份執掌19個國家和地區的業務,鞏固了匯控作為亞洲首屈一指的國際銀行的地位。

有關鄭海泉的任命尚須得到2008年股東周年大會通過重選。根據鄭海泉的服務合約,他每年的底薪為750萬港元,並有資格每年收取特別現金花紅和長期獎勵。

通告中透露,鄭海泉現持有匯控普通股241469股,又根據有限制股份計劃和匯豐股份計劃,獲授予有條件的長期獎勵,共408022股業績表現獎勵股份。他並根據匯豐控股儲蓄優先認股計劃(國際部分)持有3070股的認股權。底薪750萬元

鄭海泉于1978年加入匯豐集團,其後平步青雲。他于1995年獲委為香港上海匯豐銀行有限公司董事,2005年接替退休的艾爾敦,出任匯豐銀行亞太區主席,成為匯豐集團創立以來首位擔任此職務的華人。他同時是匯豐銀行(中國)有限公司董事長、匯豐投資管理(香港)有限公司主席,以及澳洲匯豐銀行的董事。

匯豐收購法興?

市場有關匯豐既消息有時真係好奇怪....

一時又話匯豐唔夠一級資本於2007年度派息(大約60億美元),要減派息比率。
一時又話匯豐有意出售法國7間分行資產,逐步退出法國業務。
一時又話匯豐有興趣收購因為出現問題交易而股價大跌o既法興。

兩段消息根本自相矛盾。如果因為美國業務蝕錢而唔夠錢派息,又點會呢個時候動用資金去收購一間出現問題o既公司呢?如果匯豐要逐步退出法國業務,又點會有興趣收購"法"興呢?再加上集團主席葛霖於2007年以來,已經多次強調未來來收購會主力集中發展新興市場 (南韓、台灣收購已或正在進行中),大口仔認為有關收購法興o既新聞都係吹水居多 (有關吹水消息由匯豐競爭對手花旗提供)。

好消息係,花旗"應該"都認為匯豐有足夠資本處理美國業務問題,因為佢地都覺得匯豐仲有資金去收購發興丫嘛!

有時覺得有關匯豐收購合併o既新聞同當年油王入股車路士後收購球星差不多,總之,一有買賣就梗有份俾人話有興趣。不可盡信呀....

匯豐 (6)

工商貿易業務

匯豐工商貿易業務分貿易服務 (進口、出口貿易、貿易融資、應收賬貨款)、工商貸款 (資產融資、按揭、機器貸款)、投資及保險 (基金、一般保險、要員保險)、資金管理 (信用卡、匯款)等等。一個環球網絡平台令匯豐o係個人財務管理業務有絕對既競爭優勢,咁工商業務又如何呢?

答案同個人財務管理業務一樣,都係絕對優勢。試想像你經營緊一盤貿易生意,從中國買貨然後賣去歐洲同美國。如果你要選擇一間銀行幫你開出信用證到中國、從歐美收款或匯款到歐美,你會揀咩銀行呢?如果有得選擇,你當然會選擇一間國際知名、而且於上述三個地區都有較多經營點既銀行啦!匯豐似乎係一個幾好既選擇。

你會問,咁花旗、美國銀行唔好咩?無錯,論市值 (次按之前),花旗同美國銀行比匯豐都要大,但市值大唔代表佢地可以貫通各地業務。其實花旗同美國銀行於國內分行網絡發展得唔算快、甚至落後於同業,於歐洲亦遠遠追唔上匯豐既發展規模。花旗同美國銀行早兩年市值大,主要得力於美國既發展,如果講環球網絡,仲係匯豐優勝得多。

於世界各地有經營點有乜好處呢?其實好處好多,例如匯款快,遇到問題當地o既職員可以提供適當協助,如果供應商同買家對於你所選用o既銀行有所認識,亦可以提高彼此o既信任。若果大家都係用匯豐銀行做主要往來銀行,交易起上黎就更加係又快又方便。如果你無做開生意,你就咁聽我講D好處會幾抽像,但如果你係生意人,你一定會明白固中理由。

銀行界工商業務圈內,對匯豐工商業務部真係又愛又恨。愛者,因為匯豐工商部一向好少用價錢去搶客人,同業間o既價格競爭唔算太激烈。恨者,匯豐o既客人一向出名忠心,同業間要競爭搶客,要從匯豐手中搶走一個客人真係難過登天。理由好簡單,客人如果用開匯豐o既貿易、銀行服務,佢地都幾難從新適應其他銀行相對落後既網上銀行、分行網絡同產品質素等等。如果係用開匯豐開支票、開信用證,但突然間停用或用第二間銀行,你o既供應商一定有意無意咁問你公司係咪出現左問題....

如果我地將匯豐個人理財業務同工商業務o既優勢結合,你會更加了解點解我會話呢個環球網絡平台對於匯豐黎講個咁值錢、你會了解點解咁多公司o既老闆都選用匯豐。如果你有間翻查香港上市公司o既主要往來銀行,你會發覺匯豐好多時都榜上有名。除此之外,唔知你有冇發覺好多大中小型公司都鍾意選用匯豐做出糧戶口呢?點解?因為好多時公司既老闆本身都用匯豐o既個人銀行服務、因為大部分打工仔都有一個匯豐個人戶口囉!用返匯豐做出糧戶口就可以省卻公司好多行政上既麻煩。

行內人都知,匯豐o既收費一定唔會最平、息口又唔會最優惠,而銀行同業亦樂於以匯豐為馬首是瞻 (你平我就平過你,唔係點搶你D客?)。其他銀行平過匯豐,點解多數客戶仍然以匯豐為第一選擇呢?點解客戶一邊話匯豐收費貴、分行又成日打蛇餅,又一邊鬧一邊繼續用匯豐呢?我諗上述提到既環球網絡平台、個人理財服務同工商業務o既結合優勢都發揮緊一個良性循環o既影響。

大口仔會話呢個係"匯豐溢價"!

Related Posts with Thumbnails