終於都睇唔過眼，要發下火鬧下負責有關藝人淫褻照片案件o既警察！
大口仔想問下阿SIR你地有冇COMMON SENSE？有冇考慮過受害人o既感受？
你o係新聞透露有關相片係有人修理電腦意外流出，係咪等如話"D相係堅架！一定要信！"？
你o係新聞透露有關相片唔止幾百張，係咪等如話"仲有好多有得睇呀！繼續上網SEARCH啦！"？
你o係新聞透露有關相片同六個女人有關，係咪等如話"唔止阿嬌、張柏芝同BOBO，仲有其他女星受害，大家繼續八啦，唔好停呀！"？
阿SIR你講D野完全係為呢件事火上加油，對查案又全無幫助，我想問你地可唔可以用一句無可奉告應付傳媒？可唔可以用下個腦講野？
2008年2月4日星期一
火上加油
訂閱：
發佈留言 (Atom)
![[Most Recent Quotes from www.kitco.com]](http://www.kitconet.com/images/quote.gif)
5 則留言:
我可以好肯定的說，阿sir是用腦說話的。但很可惜，他的腦是受屁股指揮的，所以臭不可擋！如此惡臭，是人都會怒火中燒。
唉，今朝同事仔仲引述副處長一句經典說話：如果大家覺得"正"，SEND俾朋友就唔算犯法，UPLOAD上網俾唔識o既人先算。
咁都得？無眼睇。
其实我觉得呢件事最大罪嘅系个嗰影像嘅人.
你说他们系受害者??山芭佬不大认同.我觉得全部都系自己囖来嘅.既然要比人影D咁嘅相,多多少少都要预左会流出来.吾通真系当艺术相甘收藏??
最冇普既係由差佬發言人講出「好正喎」3個字
TO山芭佬：大口仔唔覺得藝人影呢D相就要預左俾人睇。藝人都係人，都需要應有o既私隠。本來男歡女愛，個人喜好其他人根本無權干涉。今次怪就怪在有人找蠢到加零一，明知自己係明人都唔識好好保護自己o既資料。
TO會計仔：o個位"助理副處長"好明顯同佢d"好同事加朋友"一齊"欣賞"完，覺得"好正"，之後轉寄俾"朋友"啦。唔犯法家嘛。
真係超低能，勁攪笑。水準之低劣令人咋舌！
發佈留言