2009年9月19日星期六

少隻鬼

剛過去一個星期有關銀行業最Eye Catching的新聞,大口仔認為是英國萊斯銀行籌唔夠期還錢俾政府,變相要受政府制肘一段更長時間,要俾高昂的保護費、優先股息、被迫放貸等等。

說他矚目,不是認為銀行倒閉潮會再來,事實係今天大型銀行要倒閉政府都唔會俾。相反,大口仔認為事件可以充分反映市場上的投資者比大部分人想像的聰明,識得區分那些銀行是金融海嘯的輸家或贏家,我亦一段時間無聽到有人話受政府資助的銀行比保持獨立的銀行更好的廢話。

匯控的歐智華早兩星期前層經講過,金融海嘯後僅存的"國際"大行只餘四家,包括摩根大通、法巴、匯控及渣打,其餘不是規模較少就是接受了政府注資,納稅人不願看到受助銀行發展國際業務,將國家的錢用在海外。我認為make sense,如果當日東亞擠提接受政府資助,然後一個"屈尾十"話要去中東拓展業務,情況都幾好笑。當然,事實係呢種情況一定唔會發生。

要經營國際業務的難度亦比一般人想像的高,看不懂的更會說那些是炒賣收入,但競爭減少了只會帶來兩個結果,市佔率及邊際利潤上升。

人說多隻香爐多隻鬼,幾時都係越少人競爭越好....

投資銀行如是....
商業銀行如是....
中國乳業如是....

買乜?你話呢?

3 則留言:

tony 說...

商業銀行如是....005 , 2888 ?
中國乳業如是....2319 ?

am i right?

匿名 說...

005 for long term

會計仔 說...

我收到風, 美國financial industry 就黎出d 仲衰過SOX既新requirements, 要所有有做美國客既bank 都執行, 搞到d 銀行想exit 哂美國客, 是否真有其事?

Related Posts with Thumbnails