2009年6月16日星期二

點解?

我想問....

點解梅窩居民咁反對正生書院搬入?係咪連一個改過自新的機會都唔可以俾小朋友?

點解政府高級公務員要減人工但中初級公務員可以凍薪,不過享有增薪點?

點解商品、地產股跌得咁急?點解三十年長息跌得咁急?點解短息郁都唔郁?

點解新樓盤要以"低價"出售?點解無發展商勾地但又係咁賣樓?

8 則留言:

匿名 說...

點解政府高級公務員要減人工但中初級公務員可以凍薪,不過享有增薪點?
點解前兩三年...高級公務員加人工幅度次次都高過中初級公務員???
點解高級公務員減五點幾巴仙人工...但都可以好似中初級公務員咁樣有point跳?
大口仔你咁問...講到好似跳point係中初級公務員獨有的! 仲有...跳point可以同加薪減薪有關連的嗎? 政府工有point跳係簽contract0個時已經定下來! 唔到話到經濟唔好...就無得跳point! 唔通話而家經濟差...0個d 舊制公務員就要囉少d長俸?退休金又要少d?

匿名 說...

經濟好時無人願做公務員, 因為無得發圍. 經濟差時又則話公務員好, 要人減薪. 事實有75%公務員已經到頂薪,無得每年增薪.97前話公務員優秀, 97後話公務員無用. 已經見怪不怪了.憎人富貴厭人貧.

匿名 說...

經濟好時無人願做公務員, 因為無得發圍. 經濟差時又則話公務員好, 要人減薪. 事實有75%公務員已經到頂薪,無得每年增薪.97前話公務員優秀, 97後話公務員無用. 已經見怪不怪了.憎人富貴厭人貧.

閒人 說...

十幾廿年前公務員工作穩定,但無得發圍,所以收入比私人工差。

而家公務員工作同樣穩定,但私人工工作不穩定又無得發圍,可是公務員人工就比私人高。你話公唔公平。

點解97前話公務員優秀, 97後話公務員無用,因為個世界已經變咗,我哋而家要付出超六星級價錢,但公務員的服務最多比四星半,呢 D 叫 not value for the money。

bittermelon 說...

1)自私,假道學!
2)和市民共渡時艱喎!
3)關唔關實質經濟未有改善?
4)同上

匿名 說...

政府高級公務員要減人工但中初級公務員可以凍薪, 大細超, 厚此薄彼, 不按本子辦事; 特區政府倒行逆施, 自毀公信力, 自壞權威, 特首民望下滑, 咎由自取.

青山院友 說...

** 點解梅窩居民咁反對正生書院搬入?係咪連一個改過自新的機會都唔可以俾小朋友?

正生書院遷校風波【二】:被忽略的極關鍵片段

http://hkgal-today.blogspot.com/2009/06/blog-post_17.html#9178780775785005691

Quality Alchemist 說...

點解梅窩居民咁反對正生書院搬入?係咪連一個改過自新的機會都唔可以俾小朋友?

今天明報 – 副刊 的嘰嘰格格漫畫是梅窩居民對曾特首說對正生的感受.
如下:
我好尊重佢哋架, 但我覺得我哋嘅意見重要啲囉.
我無歧視佢哋架, 但我始終覺得佢哋有問題囉.
我好同情佢哋架, 但我覺得唔應該要我哋付出啲咩囉.
我好體諒佢哋架, 但我想大家體諒咗我先囉.
我好支持佢哋架, 佢哋唔搬入嚟我咪支持囉…

真是到肉!

Related Posts with Thumbnails