2010年9月11日星期六

信事實!不要迷信....

大口仔放在投資論壇的格言是:集合散戶智慧,發揮平民資本家力量,賺錢才是硬道理!


這格言說易行難,首先要集合有智慧的散戶已經不易,還要有資本家的魄力、膽識與創業家精神,真係如大海撈針,難過中六合彩。就算好彩搵齊人腳,聚首研究絕世好股,但小弟認為還有最後一關要過,接受事實,勇於改變!

人人都有自己一套以為可以打遍天下無敵手的心法,要我信你果套?講下可以,但要越過心中那楝高樓接受別人果套就不是凡人可以做到。更甚者,有不少散戶像教徒般盲目接受一些看似約定俗成的觀念,實在令人擔心。

要破除不良觀念,無野好得過"事實擺在眼前":

上面兩幅圖是939、272、2628、3998及2005的股價比較,最上那幅是本年迄今、下面那幅是一年比較,大口仔不詳述數字了,總之一年前市場上有不少投資者認為內房內銀內保抵買、今年年頭仍然大聲納喊,高呼買進,但到頭來,當日的一股3998或2005,今日差不多可以買進兩股939或272,當然,是否值得換是後話。

少數敏感人士可能會鬧大口仔寫這篇文章太過野火,但事實係大口仔今年在宏利及中人壽身上都交了學費 (所以引用埋2628),投資沒有絕對的對與錯,只有賺與蝕及機會成本。作為投資者,可以做的是盡量放開懷抱,嘗試接受合理的新事物。

真正的價值投資者不一定不看TA,看TA的亦不代表不會長持股票,只有盲目的信徒才最危險。

慎之戒之!

9 則留言:

Lisa 說...

講得好 !
好多人唔自己去做功課, 只睇人地放出來的盈利表就盲目去追隨 !

徹之進 說...

同意你的睇法.

其實好多人包括本人在內,選擇股票唔多唔少受週圍環境資訊影響. 例如由舊年到依家,不論散戶明星陸東或惠理基金經理,每次在傳媒出聲皆大大聲話內銀好抵買,散戶好難話完全唔信.

匿名 說...

在資訊爆炸的年代, 功課愈做得多, 投資愈沒有把握, 心大心細, 更容易進退失據, 輸多贏少. 投資成敗, 三分努力, 七分運氣.

匿名 說...

其實除了看回報,也要看風險既。

匿名 說...

=.=,話你膚淺,呢度實會變成筆戰場.

只可以說你或者好聰明,但係投資真係不適合你的性格.

正如你所說,只有盲目的信徒才是最危險的.

你呢篇文章真係暴露了你對投資真係唔多懂.只不過你係比普通人多的智識而已.如果你繼續用你咁既想法去投資.你係呢方面的成就絶對好有限.

匿名 說...

市場先生果邊俾人日鬧夜鬧,真係慘無人道 XD 我都唔明點解買賣股票都會攪到有咁多罵戰!

"先要集合有智慧的散戶已經不易,還要有資本家的魄力、膽識與創業家精神,真係如大海撈針,難過中六合彩。就算好彩搵齊人腳,聚首研究絕世好股,但小弟認為還有最後一關要過,接受事實,勇於改變!"

呢幾句已經總結佐我過去幾年攪基金所遇到既挑戰。

匿名 說...

點解你認為價值投資人長抱了宏利多年後,一直不放呢?

股神月月調整組合,卡夫收購吉百利,股神認為出價過高引致卡夫價值下跌(多少他自已知),他便放一些,如果他不放,有日跑輸了,那是價值投資的錯,還是他自已個人的錯呢?

價值投資人肯定不會TA,做TA的不會是價值投資人,也不應稱自已是!

匿名 說...

大口仔放在投資論壇的格言是:集合散戶智慧,發揮平民資本家力量,賺錢才是硬道理!
++++++++++++++++++++++++++++++++
非常難, 我都寫過唔少文章, 將唔少研究心得 post 過, 分析很花時間,公開 publish 的資料不少是嚴重錯誤, 不少3線股更有 CB 隱藏, 嚴重扭曲數據, 認識不少會計中人, 真是天生孤寒,小家, 好聽d難合群, 唔好聽d就係自已冇份都唔益人. 想在牛3前起個 database 作分析, 搵成年都係大把有興趣分享成果, 冇人有興趣參與.

匿名 說...

先要集合有智慧的散戶已經不易,還要有資本家的魄力、膽識與創業家精神,真係如大海撈針,難過中六合彩。就算好彩搵齊人腳,聚首研究絕世好股,但小弟認為還有最後一關要過,接受事實,勇於改變!"

呢幾句已經總結佐我過去幾年攪基金所遇到既挑戰。
+++++++++++++++++++++++++++++
I am small investor, 有智慧,有資本家的魄力、膽識與創業家精神, 剛剛又第6次創業失敗, 所以now資本少, 有 time 咪出來吹水囉~!
(carbononetwo@ymail.com)

Related Posts with Thumbnails