2009年4月4日星期六

新一頁

有網友問大口仔工作上的"新一頁"係咪升職,我只能夠話工作上的責任比從前大了很多,管理的人數多了三倍,但人工就一蚊都無得加,仲要去到一個百廢待舉的地方從新建立新秩序,結果可以非常吃力不討好,但我仍願意一試。

當我的新動向在公司公布後,有唔少老友話大口仔傻得可以,唔明白點解我要接受一個吃力不討好,金錢上又未必有即時得益的任命。聽到幾位老友的"意見",大口仔一笑置之,因為我好清楚自己的事業路線圖該如何走。現階段對我來說,金錢並非一切,Exposure才是重點。公司俾機會我接掌一個我從未做過的部門,從中獲取新的工作經驗,我唔覺得有需要考慮。

有得必有失,新崗位的工作令大口仔這幾星期忙得喘不過氣,不停的與同事面談、無間斷的見客、檢討第一季業績及制定新的工作計劃等工作幾乎已消耗了大口仔所有時間,之後的情況可能會更壞,希望大口BB第日唔好唔認得我。

之前同大家提過可以留意下本地銀行股,在一眾大行"一致"不看好的情況下"逆市投資"。唔知大家最後有無參與呢?趕唔切在大升市前同大家詳細分析(享)原因,覺得有點可惜,之後有時間會再講。

各位的留言大口仔一定會睇,但未必一定有時間覆,請見諒!

9 則留言:

若缺齋老人 說...

"工作上的責任比從前大了很多,管理的人數多了三倍,但人工就一蚊都無得加" <- 嘻嘻我最鍾意第三句! XD

恭喜大口兄升職先!

pisces 說...

congratulations.
look at the long term, what you did not gain now (by taking a new job with more responsibility but same money) will pay back handsomely.

N/A 說...

今日俾機會你去做呢個位,將來大口兄必有得益 !

imak 說...

啱既, 無今日既因, 何來明日既果呢? 做左自己拿了經驗無浪費既!

Cory 說...

老兄, 工作至上, 今天付出係為將來既回報, 職場上, 有幾多人係願意蝕底? 往往成功人仕既motto 都係不計付出

匿名 說...

大口兄,

Just make sure you can do a good balance between the career and family life, espeically you are a father now.

Best wishes!

Zgokli

EonLabs 說...

我經商了好幾年,才正式為別人打工。在打工之前,我看了一本受益匪淺的書,The Rules of Work. 書中有一個章節就有談及你這種情況:加工不加薪。那個 section 的名字叫 "Act One Step Ahead"。
其實,要在待遇上得到提升,基本上全部人都是需要 Act One Step Ahead 才能有機會得到更優秀待遇。關鍵詞就是 Act,則是做了才有機會有。

柴娃娃 說...

和你的看法很相似. 已於早前入了些中銀香港. :-)

安諾勿斯 說...

小弟最近係工作上都有類似o既挑戰,工作繁重o左好多,要做埋我老闆o個份。作為管理新鮮人o既小弟,工作成日碰壁,真係有啲力有不從。唔知大口兄會唔會寫吓啲管理心得,好等小弟哩啲管理新鮮人可以從中偷吓師?

Related Posts with Thumbnails