2009年12月21日星期一

調整....

終於有個似樣少少的調整,相信今個浪跌穿上次杜拜低位的機會不少....

內房股被"超人"一聲喝退,早幾日唔醒水走鬼的投資者眼白白看著今年升幅化為烏有,今次故事教訓投資者,係人家的場玩就要識睇眉頭眼額,特別係呢個叫"中國"既場。唔想咁?唔好係佢地個場玩囉!話分兩頭,今次內房股調整為大口仔日後建倉提供了良好機遇....

金融股跌還跌,但仲係有譜的,就算中人壽今日尾市跌得深,都係因為之前太硬淨之過,中人壽係大口仔心目中係納入"越跌越快樂"一類,其餘匯控、渣打隨大市升跌,民行則開始跌入吸引水平。消費股則異常硬淨,相比大市應屬強勢一族,都係那句,要入貨需要多點運氣。

感覺好變態,跌市見到身家縮水反而感到開心....

2 則留言:

匿名 說...

如果巿場上, 多D人係咁就好la....可惜呢

Peter 說...

大口兄, 你認為於什麼價位, 中人壽你會開始越跌越買?

1988呢?

Related Posts with Thumbnails