加薪潮

富士康應該同大客們講掂數，一係唔加，一加就加66%，一個正常工人的薪金將會加到2,000人民幣....

之後各地都聽到零星的加薪聲音，富士康是龍頭廠，人工出到2,000其他廠多數都要出2,000以上先請到質素較好的員工，加上歐洲事件打擊內地出口，人民幣升值等不利因素，A股最近仍然低沉。

這情況實在是非常有趣，在一遍看好的聲音中A股一浪低於一浪，曹Sir話A股進入牛市大約在第二季，但第二季完了，A股卻正在創新低，係咪有趣？

大口仔唔識睇呢一局，唔識就只買一些認識的公司，老套D學誠哥話齋，睇PE啦！

有幾個趨勢留意到想提一提讀者....

拆息一如預期正穩定上升中....
人民幣存款在香港正急速上升中，主力來自企業存款....
中國工人加人工，錢多了正路會多消費，得益的是內需股....
何文田"地王"以109億俾新地投得，樓市兩極化只會越來越嚴重....