未來不是這樣準備的....

2011年5月27日星期五

未來不是這樣準備的....

在我們對內地新移民喊打喊殺，大叫人家是煌蟲的同時，大口仔更憂慮本地年輕高學歷寄生蟲應運而生，而且有上升之勢。

執輸行頭慘過敗家？

大學未畢業就覺得自己第日搵唔到錢？

為了搬出黎唔同屋企人住或抽居屋而"提早"申請公屋？

年輕人，未來不是這樣準備的.....

33 則留言:

Leo Chan 說...: 閣下是有資產(有樓)人士, 當然就可以很輕鬆的說, 「人生不是這樣的準備。」但是在沒有資產(樓)的一群, 就不同。連住的地方也沒有, 相信真的很難令女方家長放心交他們掌上明珠給沒有樓的人照顧。所以, 大學生齊齊準備申請公屋一事是可以理解。; 2011年5月27日下午4:33
匿名說...: 睇你收入如何。好多top-up degree 大學生出來做五年野，人工得萬五左右。還loan, 俾家用, 邊有錢淨。當然有d 大學生(直升) 五年已經收入二萬幾三萬有多, 生活可以安排更好。而家大學生個range 太大...; 2011年5月27日下午4:59
Kelvin 說...: 又是一d自以為是高見的想法,跟正苦的高官的精英心態相差無幾.; 2011年5月27日下午5:06
匿名說...: "當然有d 大學生(直升) 五年已經收入二萬幾三萬有多" Sorry, 你講緊呢d只係少數, 出面咁多大學畢業, 做左5年野大部份都仲係0係2萬樓下!

要知道好多年輕人一出黎做野就話要萬五, 萬六先肯做, 做起上黎兩下又話冇得升睇唔倒前景...大佬, 究竟你有冇俾心機去做? 你幫公司add左幾多value? 你自己又有冇自我增值? 都未開始做野就先放棄, 抵你冇前途啦!

b; 2011年5月27日下午6:51
匿名說...: 但係現在樓價真係吾係一般打工仔可以供，二來而家向上爬的機會真係吾多，所以d人一早申請定，起碼都有個居所，如果吾係凈係被租都去左你份人工五六成，又要供養父母又要返工食飯榙車，重邊有錢淨儲首期，現在好多人人工都係好低; 2011年5月27日下午8:50
匿名說...: 他們無發白日夢,又唔得.
他們唔想做供樓奴隸,又唔得.
blog主,其實你想點?; 2011年5月27日下午9:24
lazy guy 說...: 人越大, 有時真係不自覺將自己嘅一套價值觀套落後輩度, 但事實上係咪後來者一定要跟自己成功的步伐黎行先至係「正確」?
香港嘅年青人係咪唔可以有夢想?
寫 Harry Potter 嘅 J. K. Rowling 未成名前係咪一個「蛀米大蟲」?
香港係咪完全冇空間去養一D「蛀米大蟲」?
人人都應該好似樓主咁勤力工作, 努力搵錢, 然後得到財務自由, 咁先係正確嘅人生?; 2011年5月27日下午10:58
匿名說...: 首先,好感謝大口仔的敢言, 畢竟這話題好敏感, 不論我支持你的觀點與否, 我都支持你

我絕不同意大口仔所言
或許由於我都是做銀行, 所以見過好多不同成功與失敗的人, 不能否認大口仔準備人生的方法, 在我眼中可算是某一種有最大機會成功的方法, 但我亦見過能夠在成就驚世大业的人用的方法, 相信大口仔一定會願意冒這種的風險, 講得白些, 成功的人走的路一定不是你或者我願意走, 但你又會否对那班最後成功, 但走一條特殊的路的人說:"人生不是這樣的準備"? 樓上所說JK ROWLING可算一例, LIVING ON BENEFITS, 講得殘忍些, 如果她本著作沒人PUBLISH, 她在大家眼中也不過是一個只會發夢的傻女人, 而且要是她不是住在英式公屋, 整天擔心自己下個月有沒錢交租, 我相信HARRY POTTER可能已胎死腹中, 到底我們是否要去到如此跟紅頂白呢? 成功就話一定準備得好, 暫時看似失敗,你就同他們講, 路不是如此走的呢?

另一題就是,如果依大口仔的想法,或者如此說這是較接近香港一般人的想法, 難怪香港如此少的RISK-TAKER, 難怪香港向金融和REAL ESTATE 傾鈄, 舉個例, 朱伯格在最後一年大學不讀 , 全心搞FACEBOOK, 難聽此講句, 失敗了, 都會LIVE ON SOCIAL BENEFITS,哪又是否"人生不是這樣的準備"呢? 這個思想亦導致了為何香港沒自家的MICROSOFT, 沒P&G, 沒自家可以引以為豪的BUSINESS

他們又不是做一些傷天害理的事, 他們只是想獨立起來,我自問為何要年青人過我們以前個套呢?

WILLIAM; 2011年5月27日下午11:27
You'll Never Walk Alone 說...: 你好，很久沒有上來留言了。今時今日在職場裡，遇上不少畢業不久，並來自國內的同事；他們在工作能力及態度上普遍都不差。以今天部份香港年青人的心態，面對淘汰壓力會更大。隨著中港一體化，本土香港人面對的競爭只會越來越大。香港人一是加把勁競爭；不願面對這種壓力的，長遠而言其實須考慮往其他地方住; 2011年5月27日下午11:50
You'll Never Walk Alone 說...: 又或者咁講，其實大學畢業做五、六年，要求有１５－１６k工資並不過份。兩公婆近三十結婚，收入約３０k。即使目前的樓價貴，但租一些平的私樓也應無問題。所以我片中部份人的想份，也認為傳媒報導有誇張之嫌; 2011年5月28日上午12:01
yamworld: 說...: 我覺得做人最重要有希望。以前打工，剛好經濟起飛，打工仔知道你努力將來有好回報，而且當時唔會有咁多抄人，外判, contract 工，加薪都比較為合理。
而家上位機會細左，多人爭位(對內對外),係人都無晒希望。
其實香港人做野已經好博, OT多工時長。係外地其實好多人都唔鐘意OT, 要OT有extra工時。還有,從外地來本地做野的人, 通常都係比較條件好個一批。
我識的朋友, 都無一個對香港係樂觀。; 2011年5月28日上午12:44
閒人說...: 我都對香港唔多樂觀，因為香港人質素差了，政府只懂食老本，年輕人又...唉！; 2011年5月28日上午2:15
魔術師說...: William:

我同意人人都不同的生活方式,年輕人有權去追逐夢想,唔去搵錢,去住公屋.

我唔認為佢地申請公屋有錯,因為這是「唔去搵錢」的必然後果.

不過佢地就唔好怨社會無機會俾佢地,而係佢地心理上都不願意去爭取機會.同人去爭公屋,係佢地的自由意志選擇下的後果,而輪得耐的原因,係政府要將公屋資料優先權俾更有需要的人士,年輕人不應怪責政府.; 2011年5月28日下午9:25
匿名說...: 申請公屋，又不是申請綜援
學懂包容，做人應該會快樂一點吧？; 2011年5月28日下午10:52
匿名說...: 懂得利用公屋再上居屋的方法，有什麼問題？
六十後覺得八十後唔得，七十後又覺得九十後唔得，講來講去究竟有什麼結論？覺得自己好威好醒，叻過班靚仔？; 2011年5月29日上午10:25
匿名說...: 各人頭上一片天, 不宜對有別於你自己的人指指點點, 除非, 你已有一把年紀, 並且有廣泛的人生閱歷, 以及練就深邃的智慧.; 2011年5月29日下午12:55
匿名說...: 邊一代人生活是容易? 我呀爺個代要去行船, 我老豆個代讀到中学要靠自修先至叫做揾到餐安樂茶飯, 我自己好彩啲叫做唔洗經歷日本仔打中國, 香港. 但都要努力工作, 学做人架. 做人就要有目標, 為目標努力, 响處怨天怨地, 無人欠咗你架!; 2011年5月29日下午11:09
匿名說...: "J. K. Rowling 未成名前係咪一個「蛀米大蟲」?"

唔係, 連人地生平都無好好研究過就引來做例子... 難怪你可以理所當然 gum 覺得 hea 住去享用他人辛勞工作既成果係合理既行為.

http://www.biographyonline.net/writers/j_k_rowling.html; 2011年5月30日下午1:22
匿名說...: 時勢唔同左。
80後，90後，生不逄時。
依家嘅香港，人越來越多，競爭越來越激烈。
佢地得不到想要的，真的好慘。; 2011年5月30日下午3:31
匿名說...: 唔知自己的能力係一種悲哀; 2011年5月30日下午11:09
匿名說...: 想要係要努力附出的, 不是伸大手問人攞的!; 2011年5月31日上午10:58
眼下說...: 一分耕耘, 富人得到十分收穫, 而窮人可能連十分之一分都沒有, 這就是現實的殘酷之處.; 2011年5月31日下午3:51
匿名說...: 點解你做唔到李+X
年輕人，未來不是這樣準備的..... ka ka ka !!!; 2011年5月31日下午9:26
匿名說...: 計較附出, 一丁点收獲都唔會有...＋世都係窮!; 2011年5月31日下午10:28
匿名說...: 80後大學生，讀大學嘅學費幾萬元一年，
如果讀埋個碩士，分分鐘一畢業，就要欠政府二十萬。(假設所有學費都是LOAN，無GRANT。)

你我如果係80後的話，都可想已知仍地有排頭痕。(搵得唔多或失業果D，其實真係好慘情。); 2011年6月1日上午10:17
匿名說...: 莫講話80後大學生, 即使係70後, 很多人都仲係捱得好辛苦. 已經付出咗十多廿年辛勞, 做大財團或中小企的廉價勞工, 半生人過去了, 下半生仍然前路茫茫, 還要聽到一些甚麼不要計較付出的風涼話, 內心的痛苦, 有誰共鳴?; 2011年6月1日上午10:27
匿名說...: 当青年人一边滥用社会福利资源，一边抱怨社会没有向上机会的时候，香港的未来正在被慢慢蛀空。而吾等勤力工作的纳税人，亦因此难以对未来感到乐观，更对吾等缴纳的税款被如此滥用感到愤怒。

楼价有波动，现在的高楼价并非常态。耐心等待勤力工作自我增值，才能在楼价大调整机会到来时上到车。; 2011年6月2日上午2:36
匿名說...: 你有得交稅，係因為你嘅收入去到要交稅的水平，交稅是你的社會責任。
至於是否你有交稅，就可以將年青人的難處忽略。
年青人身處的環境是一個只有涼薄，處處算盡的環境，你怪他們濫用福利?你怪他們抱怨，
除了怪責，你可以指點一下他們迷津嗎?
一味的說勤力勤力同耐心等待，你認為年青人沒有勤力過沒有耐心等待過嗎?
年青人有他們的一套生存方法。
個社會唔同左，機會少左好多，人又多左好多，佢地唔用公屋駁居屋，你認為他們真的可以上到樓嗎?
大口哥說未來不是這樣準備，
大口哥又可知道年青人眼中的未來是多麼的迷濛，他們大多都看不見前景，
香港人，機關算盡。
年青人，申請公屋，只要他們合資格(入息唔過額)，為何要說他們不是呢(人各有志)?; 2011年6月2日上午3:33
匿名說...: 簡單講, 真係吾生好過生, 未來一代面對食物問題, 前途問題, 生計問題, 住屋問題......人可以越來越老, 將來仲話要靠呢班人? 各位有仔女既除非屋企大把, 或者將來佢成為尖子, 吾係你有心理準備要養埋佢...; 2011年6月2日上午10:13
匿名說...: 咁多後生仔咁唔爭氣, 真係失望...同英美班福利主義大食懶一模一樣。香港將來靠佢哋真係兇多吉少! > <; 2011年6月2日下午10:29
瞎子說...: 未來非如此。

時勢使然，供樓買樓已為上一代之事，已非亦不該為下一代所追所求。

每個年代之歷史意義與人之所求皆不同，下一代有其獨特要追尋之路。; 2011年6月3日上午6:27
匿名說...: 以前做乜有手有腳買到樓應該不難, 但現在80後兩手空空, 肯定100%冇可能只靠自己買樓

順便話埋比你地聽, 大陸樓價崩盤, 極可能在今年內, 而且股市已進入熊市, 不自量力買樓買股肯定會後悔一世!; 2011年6月4日上午3:52
大懶蟲說...: 人人的經歴都唔同，你可以喺blog大大聲講自己睇法同人生經驗係因為你可能覺得自己成功（不過係香港呢段時間嘅價值觀）。但人生可預定同估計得到的嗎？今日你健健康康，聽日發生嘅事可能改變你一生呢！

我應該比你年長，但當然冇你咁叻......雖然我都有所謂「正」資產同生活上尚算充裕，但年青時我都係窮光蛋一名，靠的是自己嘗試創業，但人人生活環境、際遇、學識甚至基因都唔同，為何要將自己當作一面鏡子反射其他人呢？！如果真的關心下一代，真的關心社會，請多些鼓勵，小些諷刺！

你我年紀都會大，但慎妨自己變成「老屎忽」。; 2011年6月13日下午4:03