2011年5月27日星期五

未來不是這樣準備的....

鏗鏘集:等待安居的日子


其他文章:利字當頭:平反八萬五



在我們對內地新移民喊打喊殺,大叫人家是煌蟲的同時,大口仔更憂慮本地年輕高學歷寄生蟲應運而生,而且有上升之勢。

執輸行頭慘過敗家?

大學未畢業就覺得自己第日搵唔到錢?

為了搬出黎唔同屋企人住或抽居屋而"提早"申請公屋?

年輕人,未來不是這樣準備的.....

33 則留言:

Leo Chan 說...

閣下是有資產(有樓)人士, 當然就可以很輕鬆的說, 「人生不是這樣的準備。」 但是在沒有資產(樓)的一群, 就不同。連住的地方也沒有, 相信真的很難令女方家長放心交他們掌上明珠給沒有樓的人照顧。所以, 大學生齊齊準備申請公屋一事是可以理解。

匿名 說...

睇你收入如何。好多top-up degree 大學生出來做五年野,人工得萬五左右。還loan, 俾家用, 邊有錢淨。當然有d 大學生(直升) 五年已經收入二萬幾三萬有多, 生活可以安排更好。而家大學生個range 太大...

Kelvin 說...

又是一d自以為是高見的想法,跟正苦的高官的精英心態相差無幾.

匿名 說...

"當然有d 大學生(直升) 五年已經收入二萬幾三萬有多" Sorry, 你講緊呢d只係少數, 出面咁多大學畢業, 做左5年野大部份都仲係0係2萬樓下!

要知道好多年輕人一出黎做野就話要萬五, 萬六先肯做, 做起上黎兩下又話冇得升睇唔倒前景...大佬, 究竟你有冇俾心機去做? 你幫公司add左幾多value? 你自己又有冇自我增值? 都未開始做野就先放棄, 抵你冇前途啦!

b

匿名 說...

但係現在樓價真係吾係一般打工仔可以供,二來而家向上爬的機會真係吾多,所以d人一早申請定,起碼都有個居所,如果吾係凈係被租都去左你份人工五六成,又要供養父母又要返工食飯榙車,重邊有錢淨儲首期,現在好多人人工都係好低

匿名 說...

他們無發白日夢,又唔得.
他們唔想做供樓奴隸,又唔得.
blog主,其實你想點?

lazy guy 說...

人越大, 有時真係不自覺將自己嘅一套價值觀套落後輩度, 但事實上係咪後來者一定要跟自己成功的步伐黎行先至係「正確」?
香港嘅年青人係咪唔可以有夢想?
寫 Harry Potter 嘅 J. K. Rowling 未成名前係咪一個「蛀米大蟲」?
香港係咪完全冇空間去養一D「蛀米大蟲」?
人人都應該好似樓主咁勤力工作, 努力搵錢, 然後得到財務自由, 咁先係正確嘅人生?

匿名 說...

首先,好感謝大口仔的敢言, 畢竟這話題好敏感, 不論我支持你的觀點與否, 我都支持你

我絕不同意大口仔所言
或許由於我都是做銀行, 所以見過好多不同成功與失敗的人, 不能否認大口仔準備人生的方法, 在我眼中可算是某一種有最大機會成功的方法, 但我亦見過能夠在成就驚世大业的人用的方法, 相信大口仔一定會願意冒這種的風險, 講得白些, 成功的人走的路一定不是你或者我願意走, 但你又會否对那班最後成功, 但走一條特殊的路的人說:"人生不是這樣的準備"? 樓上所說JK ROWLING可算一例, LIVING ON BENEFITS, 講得殘忍些, 如果她本著作沒人PUBLISH, 她在大家眼中也不過是一個只會發夢的傻女人, 而且要是她不是住在英式公屋, 整天擔心自己下個月有沒錢交租, 我相信HARRY POTTER可能已胎死腹中, 到底我們是否要去到如此跟紅頂白呢? 成功就話一定準備得好, 暫時看似失敗,你就同他們講, 路不是如此走的呢?

另一題就是,如果依大口仔的想法,或者如此說這是較接近香港一般人的想法, 難怪香港如此少的RISK-TAKER, 難怪香港向金融和REAL ESTATE 傾鈄, 舉個例, 朱伯格在最後一年大學不讀 , 全心搞FACEBOOK, 難聽此講句, 失敗了, 都會LIVE ON SOCIAL BENEFITS,哪 又是否"人生不是這樣的準備"呢? 這個思想亦導致了為何香港沒自家的MICROSOFT, 沒P&G, 沒自家可以引以為豪的BUSINESS

他們又不是做一些傷天害理的事, 他們只是想獨立起來,我自問為何要年青人過我們以前個套呢?

WILLIAM

You'll Never Walk Alone 說...

你好,很久沒有上來留言了。今時今日在職場裡,遇上不少畢業不久,並來自國內的同事;他們在工作能力及態度上普遍都不差。以今天部份香港年青人的心態,面對淘汰壓力會更大。隨著中港一體化,本土香港人面對的競爭只會越來越大。香港人一是加把勁競爭;不願面對這種壓力的,長遠而言其實須考慮往其他地方住

You'll Never Walk Alone 說...

又或者咁講,其實大學畢業做五、六年,要求有15-16k工資並不過份。兩公婆近三十結婚,收入約30k。即使目前的樓價貴,但租一些平的私樓也應無問題。所以我片中部份人的想份,也認為傳媒報導有誇張之嫌

yamworld: 說...

我覺得做人最重要有希望。以前打工,剛好經濟起飛,打工仔知道你努力將來有好回報,而且當時唔會有咁多抄人,外判, contract 工,加薪都比較為合理。
而家上位機會細左,多人爭位(對內對外),係人都無晒希望。
其實香港人做野已經好博, OT多工時長。係外地其實好多人都唔鐘意OT, 要OT有extra工時。還有,從外地來本地做野的人, 通常都係比較條件好個一批。
我識的朋友, 都無一個對香港係樂觀。

閒人 說...

我都對香港唔多樂觀,因為香港人質素差了,政府只懂食老本,年輕人又...唉!

魔術師 說...

William:

我同意人人都不同的生活方式,年輕人有權去追逐夢想,唔去搵錢,去住公屋.

我唔認為佢地申請公屋有錯,因為這是「唔去搵錢」的必然後果.

不過佢地就唔好怨社會無機會俾佢地,而係佢地心理上都不願意去爭取機會.同人去爭公屋,係佢地的自由意志選擇下的後果,而輪得耐的原因,係政府要將公屋資料優先權俾更有需要的人士,年輕人不應怪責政府.

匿名 說...

申請公屋,又不是申請綜援
學懂包容,做人應該會快樂一點吧?

匿名 說...

懂得利用公屋再上居屋的方法,有什麼問題?
六十後覺得八十後唔得,七十後又覺得九十後唔得,講來講去究竟有什麼結論?覺得自己好威好醒,叻過班靚仔?

匿名 說...

各人頭上一片天, 不宜對有別於你自己的人指指點點, 除非, 你已有一把年紀, 並且有廣泛的人生閱歷, 以及練就深邃的智慧.

匿名 說...

邊一代人生活是容易? 我呀爺個代要去行船, 我老豆個代讀到中学要靠自修先至叫做揾到餐安樂茶飯, 我自己好彩啲叫做唔洗經歷日本仔打中國, 香港. 但都要努力工作, 学做人架. 做人就要有目標, 為目標努力, 响處怨天怨地, 無人欠咗你架!

匿名 說...

"J. K. Rowling 未成名前係咪一個「蛀米大蟲」?"

唔係, 連人地生平都無好好研究過就引來做例子... 難怪你可以理所當然 gum 覺得 hea 住去享用他人辛勞工作既成果係合理既行為.

http://www.biographyonline.net/writers/j_k_rowling.html

匿名 說...

時勢唔同左。
80後,90後,生不逄時。
依家嘅香港,人越來越多,競爭越來越激烈。
佢地得不到想要的,真的好慘。

匿名 說...

唔知自己的能力係一種悲哀

匿名 說...

想要係要努力附出的, 不是伸大手問人攞的!

眼下 說...

一分耕耘, 富人得到十分收穫, 而窮人可能連十分之一分都沒有, 這就是現實的殘酷之處.

匿名 說...

點解你做唔到李+X
年輕人,未來不是這樣準備的..... ka ka ka !!!

匿名 說...

計較附出, 一丁点收獲都唔會有...+世都係窮!

匿名 說...

80後大學生,讀大學嘅學費幾萬元一年,
如果讀埋個碩士,分分鐘一畢業,就要欠政府二十萬。(假設所有學費都是LOAN,無GRANT。)

你我如果係80後的話,都可想已知仍地有排頭痕。(搵得唔多或失業果D,其實真係好慘情。)

匿名 說...

莫講話80後大學生, 即使係70後, 很多人都仲係捱得好辛苦. 已經付出咗十多廿年辛勞, 做大財團或中小企的廉價勞工, 半生人過去了, 下半生仍然前路茫茫, 還要聽到一些甚麼不要計較付出的風涼話, 內心的痛苦, 有誰共鳴?

匿名 說...

当青年人一边滥用社会福利资源,一边抱怨社会没有向上机会的时候,香港的未来正在被慢慢蛀空。而吾等勤力工作的纳税人,亦因此难以对未来感到乐观,更对吾等缴纳的税款被如此滥用感到愤怒。

楼价有波动,现在的高楼价并非常态。耐心等待勤力工作自我增值,才能在楼价大调整机会到来时上到车。

匿名 說...

你有得交稅,係因為你嘅收入去到要交稅的水平,交稅是你的社會責任。
至於是否你有交稅,就可以將年青人的難處忽略。
年青人身處的環境是一個只有涼薄,處處算盡的環境,你怪他們濫用福利?你怪他們抱怨,
除了怪責,你可以指點一下他們迷津嗎?
一味的說勤力勤力同耐心等待,你認為年青人沒有勤力過沒有耐心等待過嗎?
年青人有他們的一套生存方法。
個社會唔同左,機會少左好多,人又多左好多,佢地唔用公屋駁居屋,你認為他們真的可以上到樓嗎?
大口哥說未來不是這樣準備,
大口哥又可知道年青人眼中的未來是多麼的迷濛,他們大多都看不見前景,
香港人,機關算盡。
年青人,申請公屋,只要他們合資格(入息唔過額),為何要說他們不是呢(人各有志)?

匿名 說...

簡單講, 真係吾生好過生, 未來一代面對食物問題, 前途問題, 生計問題, 住屋問題......人可以越來越老, 將來仲話要靠呢班人? 各位有仔女既除非屋企大把, 或者將來佢成為尖子, 吾係你有心理準備要養埋佢...

匿名 說...

咁多後生仔咁唔爭氣, 真係失望...同英美班福利主義大食懶一模一樣。香港將來靠佢哋真係兇多吉少! > <

瞎子 說...

未來非如此。

時勢使然,供樓買樓已為上一代之事,已非亦不該為下一代所追所求。

每個年代之歷史意義與人之所求皆不同,下一代有其獨特要追尋之路。

匿名 說...

以前做乜有手有腳買到樓應該不難, 但現在80後兩手空空, 肯定100%冇可能只靠自己買樓

順便話埋比你地聽, 大陸樓價崩盤, 極可能在今年內, 而且股市已進入熊市, 不自量力買樓買股肯定會後悔一世!

大懶蟲 說...

人人的經歴都唔同,你可以喺blog大大聲講自己睇法同人生經驗係因為你可能覺得自己成功(不過係香港呢段時間嘅價值觀)。但人生可預定同估計得到的嗎?今日你健健康康,聽日發生嘅事可能改變你一生呢!

我應該比你年長,但當然冇你咁叻......雖然我都有所謂「正」資產同生活上尚算充裕,但年青時我都係窮光蛋一名,靠的是自己嘗試創業,但人人生活環境、際遇、學識甚至基因都唔同,為何要將自己當作一面鏡子反射其他人呢?!如果真的關心下一代,真的關心社會,請多些鼓勵,小些諷刺!

你我年紀都會大,但慎妨自己變成「老屎忽」。

Related Posts with Thumbnails