2009年5月2日星期六

中資六行2008年的貸款質量

意猶未盡,今日比較一下中資六行2007年及2008年的貸款質量變化。

圖的上半部分係2008年數據,紅字代表數字比2007年有所上升,因為大口仔引用的都是問題貸款數字,所以越多紅字越唔好。

值得一提的是逾期貸款及不良貸款的分別,有趣地不同銀行兩者的總額分別可以好大,以工行為例,不良貸款只有1,045億(人民幣,下同),但逾期貸款則達1,418億,當中的差距工行的管理層是否有信心一定收到賬?圖中的(B)/(A)數字越高,代表上述的差距越大。

此外,建行、中行、交行及招行都有大量逾期貸款年期達3年以上,當中交行逾期三年以上的總額更佔損失減值準備總額的50%,有冇人可以話我知點解?因為阿爺話債仔會還所以唔駛撇賬?

記住,真正的考驗"最快"先會在2009年第三季出現,上述數字係比對2007年及2008年的,初步睇中行、交行同中信行已經著哂燈,中行仲話有回撥效應,交行同中信行似乎危少少。

7 則留言:

匿名 說...

過期三年都唔撇帳﹖人都死左啦。唔通阿爺可以話‘距死左都會還錢’﹖

Mr.Wrong 說...

大口兄...工行個逾期貸款好似有少少問題..逾期三年以上係44326..而唔係N/A...而1年至3年係25836,而唔係70162
其實我一直主力留意1398同939貸款質素...1398逾期貸款大..但不良貸款相對細.建行的逾期貸款就同不良貸款接近好多,我覺得1398的低不良貸款有d可疑.工行2008年底關注類比年中升左2x%...相反,建行就關注類下降,次級上升7%.而1398第一季o既撥備數字,竟然係2008年任何一個季度低,幾古怪.Coverage 1398第一季仍然係不變,而939就升左10%.

Mr.Wrong 說...

另外少少個人意見,以我所知.逾期三年以上果d,如果講五級分類入面,係界乎可疑/損失之間.債仔仍會還錢,但唔足額,甚至還得好少.唔全數列為損失,可能係因為重組緊,或者有d法律問題,又或者處理底押品等未決定因素.

kl 說...

我想問下各位,損失減值準備額同撇賬有何不同﹖

M&M 說...

呢個表非常有用,非常感謝,如果純以業績來挑選內銀股的話,招行第一季可以講唔合格,而中國銀行同交通銀行貸款質素開始惡化,內銀股普遍不良貸款比率係下降,但只係貸款規模增加所致,招行無疑損失類貸款冠六行,但可疑類貸款07年大幅減少,加上不良貨款總額減少,令損失類貸款比率超過不良貸款比率達四成。
另外各銀行計算不良貸款手法可能有不同,希望交銀係學咗滙豐的保守方法,計多咗。而招行係逾期3年以上的與損失類貸款係非常接近,呢個應該係招行係計算不良钼款同其它內銀股的分別。

M&M 說...

唔知有冇人發現永隆轉咗新裝啦 招行logo 紅底白字 永隆銀行。感覺年輕化咗。

匿名 說...

大口先生,你好。

想請教一下,你是如何找到交行的不良貸款的資料呢?我在年報中,完全找不到關於不良貸款的數據,也找不到關注類別貸款、可疑類別貸款等資料。多謝指教。

Related Posts with Thumbnails