2009年5月17日星期日

我地盤生意

近日在早會同同事講得最多的一句說話就是"我地盤生意",例如:

"我地盤生意點先可以搵到多D客?仲要係有質素既客?"

"我地盤生意夠唔夠養得起全部同事?一個都不能少?"

"我地盤生意邊個先係我地米飯班主?每星期俾最多客仔我地?"

講真,今時今日無論做邊行都無邊估可以向你保證乜野,唯有你自已當你的工作係一盤生意去睇,你清楚知道自己搵返黎既生意足夠養得起你自己有餘,你先會安全。

擔任新工作已經個多月,在一個百廢待興又充滿競爭的環境中工作,殊不容易,但我自己當自己攪緊一盤生意,努力去為自己的團隊發展新的生意渠道,不時穿梭於中港之間。

有人可能會覺得辛苦,唔明點解我要做"份外事",但總有一日佢地會明白,這些所謂份外事其實對"我地盤生意舉足輕重"。

大口仔正挑戰現有的"巨人",尚有七個月時間....

1 則留言:

richmapoorma 說...

俾心機!

祝一切順利, 賺多點!

Richmapoorma

Related Posts with Thumbnails