中環在線：特首胞妹做渣打大中華揸弗人

老細，妳係得既.....恭喜！

中環在線：特首胞妹做渣打大中華揸弗人 《蘋果日報》

今個月初，渣打集團（ 2888）宣佈 John Peace由暫代主席升格為正式主席，三星期後再有人事躍升，現任渣打中國區總裁曾璟璇，將會升職為大中華區主席，以後成間銀行大中華區業務就由佢一個人打骰。另外，現任渣打新加坡總裁林清德，會升職為渣打中國執行總裁兼常務副主席。兩個都會喺下個月 15日正式出任新職位。

原職位由林清德頂上

曾璟璇係香港特首曾蔭權胞妹， 92年開始加入渣打， 05年 3月出任渣打中國區總裁至今短短 4年，渣打喺中國嘅業務急速增長達 12倍，增速之快，其他銀行望塵莫及，就連渣打亞洲區行政總裁白承睿都開口讚曾璟璇喺呢 4年嘅表現「非常出色」！至於接曾璟璇總裁職位嘅林清德，喺 06年 3月調任新加坡總裁一職至今，佢去星洲之前，曾經擔任渣打中國區全球企業部總監、渣打中國區營運總裁，重新執掌內地市場可謂毫無難度。