2008年1月27日星期日

匯豐 (4)

匯豐主要業務優勢

匯豐140年來經歷過無數轉型,從香港成立之初為歐商做存貸生意,到滿清時期向清政府放貸以鹽稅作扺押,再到以香港為基地,收購恆生、收購歐洲金融同業、收購HI而進入美國市場。匯豐由一間保守、重商譽的傳統存貸銀行,發展到今日以個人財務管理、企業貸款貿易、跨國企業資產管理及保險務財為業務重點發展。

個人財務管理

匯豐以存貸服務起家,由於當時實行利率管制協議,存貸服務的利錢好深。匯豐憑藉良好既商譽於香港建立起一個龐大的客戶群。後來利率管制取消,匯豐轉而大力發展個人財務管理業務,為客戶提供各種理財產品,從而賺取佣金、成為一間理財產品既超級市場。

由於客戶基礎龐大,令匯豐向各大基金爭取佣金分賬上有明顯優勢,情況與百佳惠康同供應商既關係類似。匯豐一方面收取基金公司既"上架費",另一方面又收取客戶購買基金時既佣金,利潤其實比美從前的存貸業務,非常和味,而且呢種收入風險相當低 (與貸款業務不同)。


由於匯豐經營點遍佈全球,所以呢個超級市場銷售平台係全球性既優勢。理論上所有個人理財產品都可以供全球客戶選擇,形成一個龐大既跨區分銷中心。近年匯豐積極發展PREMIER BANKING品牌,如果你係PREMIER BANKING客戶,你一個戶口號碼令你無論去到中國、法國、美國或者非洲都會得到一致既個人銀行服務,包括理財、樓按、信用卡、私人貸款、股票買賣服務等等。

PREMIER BANKING統一品牌去經營,情況同麥當勞既經營手法幾類似。相同既服務水平、類似既產品服務都令到客戶無論去到世界邊個各落都會放心同舒服咁選用匯豐....配合匯豐網上銀行平台,客人無論何時何地都可以同時管理名下所有戶口資金,睇到自已存款、股票、基金、強積金、信用卡結餘、樓按結餘,甚至即時購買保險產品,試問呢種服務邊間銀行做得到?近幾年國內、或者歐美投資者都湧到香港開設戶口,投資港股同基金,就正因為匯豐既科技同經營平台配合到佢地既投資需要。

匯豐於2007年將PREMIER BANKING品牌統一,我相信呢個綜合平台優勢將會越來越明顯,因為當今各大銀行有能力提供類似服務水平既,除匯豐外別無他選。一個可以為客人提供各式各樣理財產品、全球性為客人服務既平台,賺錢能力無容致疑。日後中國開放資本市場,如果你係歐美投資者想入國內發展,或者你係國內同胞想到香港或國外投資,你會點揀?

5 則留言:

匿名 說...

我時常看他的廣告也不明白環球金融有多大商機,現在明白了,謝謝。

匿名 說...

你點睇HSBC未來2年前景... 我對HSBC長遠有絕對信心,但就有d驚全球銀行業有可能未來2年不停會有信貸問題,拖累HSBC股票。現在2628等已相當便宜,有銀應否入2628 instead of 5?

大口仔 說...

銀行打開門口做生意,信貸風險係無可避免的。銀行面對既信貸風險其實等同保險股既理保風險、石油股既價格風險、基建股既營運風險...

風險係要去管理,唔係去怕...如果你對匯豐管理層有信心,無乜好驚。

大口仔唔係好清楚國壽運作,保險股暫只選擇宏利。大口仔有自知之明,短期不會投資於2628之上。

Mdell 說...

非常多謝你對滙豐的分析,我在未得到你同意前在鄧小閑兄的blog推介作的文章,希望你不會介意,期待先生下一篇滙豐的文章o

大口仔 說...

多謝欣賞!

其實我都係小閑Fans....希望大家以後可以良性討論,互相切磋。

Related Posts with Thumbnails