匯控無意售美業務

唔知大家有時間細讀匯豐2007年年報未？當中葛霖清楚點出美國業務未來三年的主旋律，亦有提及大口仔之前經常強調的PREMIER BANKING的品牌優勢及創新科技為銀行帶來的業務機會。上述各點之後再談....今晚大口仔想就集團行政總裁紀勤噚日對徹出美國市場傳聞的澄清，講下自己對呢個問題o既睇法。

紀勤話匯豐仍然會百份百投入美國市場，佢認為美國債仔如果有工開，斷唔會因為層樓變成負資產就輕言斷供....大口仔唔係美國樓市專家，但COMMON SENSE話俾我知無一個國家會鼓勵國民破產，之後逃避責任。基於此，我相信於美國借次按後破產仲係有一定機會成本的。

據報 (引述明報3月4日報道)，匯豐融資旗下有908億(美元，下同)按揭貸款，當中屬高風險的按揭貸款組合降至362億，其他信用卡、無抵押私人貸款及汽車貸款組合各佔313億、207億、133億，連同按揭組合共有1,561億貨款資產。

大家知唔知單就過去兩年匯控為美國撥備金額有幾多？答案係差不多200億....

200億佔整體匯融貸款組合約12%。約只計高風險揭按貸款加其他貸款類別貸款，200億佔總貸款額20% (200億/1,015億)。大家要知道，當中的按揭貸款，就算係次按都係有抵押的，大口仔當所有按揭貸款都變成負資產30% (貸款額高於樓價)，然後斷供率升至30% (基於相信斷供有機會成本)，銀行的按揭貸款損失會係 (908億 x 30% x 30% = 81.72億)。大口仔又當其他貸款產品的損失高達20%，銀行的最終損失會係 (313億 + 207億 + 133億 = 653億 x 20% = 130.6億)。兩者合共最高損失215億左右。

除左數字上，大口仔仲覺得銀行唔係傻o既，當2006年匯豐預警美國市場發生問題，理論上銀行應該已經落閘放狗，減少或完全唔為低質素客戶貸款。再加上，上述大部分貨款產品都會隨住時間因為客戶還款而減少，以汽車貸款為例，一般供款期唔會超過5年，即係話133億的貸款一年左右就會剩下106億，銀行仲有好多方法追討或提早收回其他貸款。

紀勤話匯控撥備已經盡量保守，睇左上述數字，你有咩意見？

有人叫匯豐完全徹出美國市場，但佢地知唔知道商譽同客戶網絡對一間銀行黎講有幾重要？如果因為一時失利，銀行突然話俾客戶知“拜拜喇，等經濟好返一定有錢賺我先返來開分行，得閒出黎飲茶啦”，咁你會點？佢地知唔知一間銀行要有效咁o係一個國家建立客戶網絡有幾難？唔好以為開分行好似買菜咁容易先得假。

徹退？唔好講笑啦！如果匯豐話全面撤出美國市場，大口仔第一個賣哂D匯豐股票。以匯控為美國撥備金額黎講，2009年開始錄得回撥的機會甚高。CEO話要3年去扭轉劣勢，但通常都會提早完成。

〈東方日報〉匯 控 （ 0005 ） 業 績 達 市 場 預 期 上 限 ， 股 價 應 聲 做 好 ， 一 度 上 升 2.7% 。 證 券 商 對 控 美 國 業 務 仍 感 憂 慮 ， 行 政 總 裁 紀 勤 表 示 對 當 地 業 務 「 百 分 百 投 入 」 ， 重 申 未 曾 考 慮 出 售 方 案 。 然 而 ， 他 補 充 ， 若 有 業 務 長 期 未 能 達 標 ， 亦 考 慮 予 以 出 售 。

匯 控 股 價 一 度 上 升 2.7% ， 其 後 升 幅 收 窄 至 0.92% ， 收 報 120.4 元 。 市 場 仍 極 關 注 其 美 國 業 務 ， 大 摩 指 出 ， 美 國 消 費 業 務 仍 未 見 曙 光 ， 野 村 相 信 香 港 及 亞 太 區 強 勁 業 務 環 境 今 年 未 必 可 持 續 ， 摩 通 則 下 調 今 年 每 股 盈 利 預 測 15% 至 16% 。

紀 勤 重 申 「 百 分 百 投 入 」

市 場 對 美 國 經 濟 看 法 悲 觀 ， 紀 勤 表 示 問 題 在 於 欠 缺 信 心 ， 美 國 並 非 全 面 步 入 衰 退 ， 僅 有 部 分 州 份 出 現 問 題 。

市 場 相 當 關 注 控 會 否 因 美 國 業 務 欠 佳 而 予 以 出 售 ， 紀 勤 重 申 ， 對 美 國 業 務 「 百 分 百 投 入 」 ， 並 繼 續 執 行 為 扭 轉 劣 勢 而 定 下 的 三 年 計 劃 。 然 而 ， 若 有 資 產 的 股 本 回 報 率 （ ROE ） 長 期 無 法 達 致 15 ％ 至 19% 的 目 標 ， 他 亦 表 示 會 考 慮 予 以 出 售 。