2008年12月6日星期六

你重要嗎?

裁員聲不絕....

同股票市場一樣,大量打工仔的價格在職場大牛市中被炒至天價,人工(股價)同職級(PE)都大幅拋離應有價值(在金融業內最普遍)。

現在職場上最常談論的已不是如何上位、如果升職加薪。職場中人在10月起的熱門話題是如果避免被公司開刀裁員、減薪、幾時同點交人等等。咱們面對的,是在公司內的生存問題....

如果你在好景之時的打底工夫做得好,早早建立起自己的人脈網,在公司內擔當著無可替待的角色,大口仔要恭喜您,因為你在金融海嘯下仍然可以訓得安樂、做得安心,無需日日活在打爛飯碗的陰霾下。相反,若你自己在公司內可有可無,或公司可以輕易找到替代你的人,那大口仔勸你最好還是學幾招防身術自保較好。

事實上,大口仔相信大部分打工仔都屬於可有可無一族,唔係話大家無能力,但呢個世界確係無話無左邊個唔得,預防勝於治療永遠都無錯的,不如一齊探討下"如何在金融海嘯下職場自保"仲好啦!

5 則留言:

巴林 說...

說得對,但能夠做到居安思危者真的不多 ~

Marshmallow 說...

事實上,冇公司係冇咗邊個唔得既,今次栽員潮亦引証咗呢一點.但係,未雨繆綢,唔單只係應用於財政上,亦應該應用於人脈上.小女子傾向幫到人就幫,唔係因為小女子無聊冇野好做,只係信一樣野:你幫100個人,都有10個會感激你,5個會幫番你,1個會係你最有需要既時候,救到你...

至於點自保,其實除咗小女子講過嗰幾點,冇乜幾多野做得到.不過可以肯定既係,今年既栽員潮已經過了,一月可能再有一個,所以,大家都重係可以過一個快樂聖誕既!

kl 說...

呢個題目真係非常好!我係一名即將畢業的大學生,都好想知道如何在公司內擔當著無可替待的角色,我覺得這係一件不容易的事,真係要大口仔兄或其他網友指教下。

yy 說...

大吉利是的被炒的话,大不了就去开个档口卖经济粉.说不定,经济不好,卖经济粉,生意会很好:P

大口仔 說...

巴林:如果年過30已成家立室人士就應該好d既....

Marshmallow:多個朋友好過多個敵人幾時都咁啱。另外,農曆新年前大家都唔應該放鬆住,過到年應該都有半個安樂日子。

KL:就畢業請盡快搵工,除非你屋企完全無經濟壓力,就算搵唔到最理想的工作,都盡量搵一些類近的,有關文章將於下星期分享,祝好運!

yy:可悲的是,在香港做小販都唔係咁容易。

Related Posts with Thumbnails