2009年5月3日星期日

妄自菲薄

上星期四睇信報,看到襲耀輝(方卓如)談到甚麼香港的最後十年,說香港30-40歲一輩要發達就要趁中國起飛的這十年上車,其實整個專欄都像教人點樣去賺快錢,點樣趁香港"陸沉"前上岸....

其實駛唔駛咁妄自菲薄?感覺上襲生自從現真身後就開始失去原有的英氣,是否大口仔的錯覺?

這邊廂方卓如悲觀,那邊廂蔡東豪(孔少林)卻認為上海在他有生之年都不能超越香港成為國際金融中心,原因好簡單,因為國際金融中心需要的是包容而不是堆砌及指令式發展,上海沒有蔡生口中的"溫布頓效應"。

大口仔未敢肯定誰對誰錯,但就較為欣賞積極樂觀又有自信的那位,作為香港的新進,還是不要經常妄自菲薄好。

香港出到好似蔡生、襲生這些人材(其實仲有好多勁人但比較低調),十年內未必一定輸給一眾上海姑爺,而且作為中國人,要發達可以放眼中國,其實一個深圳都夠你玩多十年。

要妄自菲薄?不如留返多點時間一起努力做點成績出來吧!

18 則留言:

Mr Wrong 說...

十年前,上海人話上海要靚過香港,城市建設要勁過香港...當時冇人信,以為係順口開河.十年後今日..有眼見..世博會開始o既時候,全世界就會發現全界上原來有一個咁恐怖o既地方!全中國最好o既,政府都比晒上海.上海要超香港,基本上係必定會發生的事.唔係話香港唔好,冇競爭力,但香港已經走到了盡頭...就算會發光,都不及上海光.

Unknown 說...

上海有好平! 好平! 好平! 的外省民工去建設上海. 用完即棄. 香港就樣樣貴,

匿名 說...

香港仲有一大班廢官

匿名 說...

I support the view that we can both growth positively. Being a Hongkongese working in Sydney. I work with a lot of people from Hong Kong/Capital Cities from China.

I found that some China Professionals are really smart and having good character, while some are have good qualifications but don't have a open/creative mindset (just listen to orders, lazy, etc.)

So it really depends on character and working attitude.

So I always remind myself, I don't worry Chinese work/live better than us as HongKongese. We also need to hold a positive mindset, we can learn and share skills/knowledge from each others.

If we are positive, I believe both Hong Kong and Shanghai have a good future.

Zgokli

柒加伍 說...

香港更有一大班垃圾議員和不負責任的傳媒,他們散播的,不是國際金融中心需要的鬥心和包容,而是鬥爭和責難!

Hana 說...

香港最寶貴的自由俾果班各懷鬼胎為己謀利的尊貴議員爛用咗...

七、八月我會去上海探路開琴行或補習社。

匿名 說...

absolutely agreed with Zgokli

Samuel

Hana 說...

總有,上海俾我的感覺係團結一致槍口對外的大家庭,而刻下的香港就似一盤散沙的末落貴族之後。

香港人口口聲聲話言論自由,但提到六四,一有博客持相反意見就群起而轟之,誓要整到人封博收聲而後快。好多時總出動到人身功擊。
我咁講唔係認同中共出動軍隊震壓平民,(事實上我認為無論點都唔可以手足相殘,包括國共之戰。)而係想講,既然係言論自由,点觧唔可以有唔同的聲音?要知道,每個人的世界觀、人生觀、价值觀都唔同,就算係大是大非的問題,點解你的大非就一定唔可以係人哋的大是?

曾經認識一个大陸老伯,佢的兒子係六四執行任务時俾暴民打死咗,佢話大學生唔識適可而止累死佢個仔...我無語。

六四果陣我爹地正身处上海,見到時勢唔對路即刻買機票返香港。佢個係大陸第一批富起來的個體戶朋友揸住駕國產車車佢去虹橋機場,點知係西郊賓館附近已經俾幾仟個'學生'(廿歲至四十歲都有)封鎖咗機場方向的路,那些人一把揪佢哋落車,然後砸爛駕車...

點解冇相冇片睇呢?廿年前攝影攝錄工具根本係奢侈品,平民根本冇工具用鏡頭記錄低。

問爹地個朋友點睇六四?係佢立場佢會點答?

香港人成日都話要理性討論,但又有幾多人可以真正做到?唔可以理性又感性唔來,咁,面對正當青壯的大陸,香港的人今後又點樣自处呢?

注:各位看倌,唔使即刻用大陸人、大陸妹為我加冕了,利益申報本小姐香港出世,臺灣長大,回流返港又上咗廣東睇廠,拥有臺灣和香港投票權。

若缺齋老人 說...

同跑步一樣:顧住望人唔理自己步伐既輸梗大半。

匿名 說...

為什麼香港的傳媒左的便只講左的一套,「民主派」的便只講另一套,不能像Hana姐一樣較客觀一些?這樣只會害了香港。
香港不是妄自菲薄,而是不停地自掘墳墓。

匿名 說...

如果個個都好似你地咁有頭腦, D 阿水邊可以搵飯食?

若缺齋老人 說...

好似唔關事,不過證明香港法治優勢尚在:

(生果日報) 2009年5月5日

摩根士丹利亞洲前董事總經理杜軍,涉於 07年利用掌握到的內幕消息,在中信資源( 1205)公佈收購哈薩克斯坦油田及中國渤海灣油田權益前,偷步斥資 8,711萬港元,私下購入 2,670萬股中信資源。中信資源公佈收購油田後,股價一度急升,杜軍賣出半數股份,賺 3,343萬元。他被控 10項內幕交易罪,案件昨日在區域法院開審...

http://hk.apple.nextmedia.com/template/apple/art_main.php?iss_id=20090505&sec_id=4104&subsec_id=12740&art_id=12718269

匿名 說...

自由社會自然意見紛紜, 但奇怪的是, 有一種腦殘的人竟會指責其他人: "香港人口口聲聲話言論自由,但提到六四,一有博客持相反意見就群起而轟之,誓要整到人封博收聲而後快。好多時總出動到人身功[攻]擊。....点觧唔可以有唔同的聲音?"

請腦殘的人明白, 所謂群起而轟之是正常的反應, 外國民主自由社會都是如此, 他們無從剝奪別人的發言權, 無權亦無力叫人收聲, 只有專權政府才有這種力量, 它們亦從無間斷地正在這樣做.

Hana 說...

功擊別人為什麼要匿名呢?是氣虛還是腎虧呢?

這些人可能還認為外國的月亮還特別圓呢!

群起而轟之不是我的風格(因為我不屑),單挑獨斗我倒是不怕的,但我只會做理性討論,對事不對人,不會做人身攻擊,更不會做匿名的人身功擊。

11:53 匿名 ,請你自重,也學習一下怎樣尊重他人。

Cory 說...

對於林燕玲搭上龔耀輝, 本人深表遺憾

匿名 說...

本人就是05月05日星期二下午11:53匿名.

本人行不留名, 坐不留姓, 向來匿名, 論事從來對事為主, 間亦旁及對人, 與年老氣虛無關, 亦與體弱腎虧無涉; 認為外國月亮亦有陰晴圓缺, 大小則與本國無異; 論事評人, 單打獨鬥歡迎, 群起夾攻亦無不可, 祇因素來以理先行, 不懼強權, 理直而氣壯, 或輔以人情, 或助以法理, 輒有批判之詞, 諸如無恥與無知、腦殘與心廢等, 言出皆有據, 絕不空口詈罵; 若謂此乃人身攻擊, 確然, 但此亦有事實根據之判斷也, 希為亮察.

阿爾伯特 說...

遠在香港可能陸沉之前,龔生先被"壹仔"打沈....正所謂人算不如天算,做人還是留一線為妙,說話亦不宜太盡 ^_~

匿名 說...

條咸濕佬寫黃色小說就叻,寫分析簡直不知所謂!

Related Posts with Thumbnails