2008年11月2日星期日

大口仔投資週記 (2008年第43週)


恆指保持大上大落,大部分股票每日的上落波幅動輒10%以上,投資者的EQ真係少一點都不行。星期一的大跌將不少投資推向絕望邊沿,但之後幾天的股市卻又大幅反彈,如果你星期一放左持股,真係喊得一句句。

極度悲觀或樂觀都不行

未知大家近一個月的心態發展如何?你會唔會因為大跌市就相信股票變成無底深潭?公司的管理層變得不再可信?你又會唔會因為幾天的大升市便將上述的想法拋開,變得極度樂觀,"底位"大量買進?

於我看,投資時無論係極度悲觀或樂觀都不行。在跌市時咱們要保持冷靜,持股的經營情況有變嗎?管理層有不可信任的情況出現嗎 (如中信泰富)?若不,請不要被短期的股價波動影響自己的情緒,作出不理智行為。

相反,大反彈後亦要保持冷靜,不要立刻由極度悲觀變為極度樂觀。經營環境不會因為幾天的大跌市或大升市而極速改變,變的要是股價而矣。如果你$75唔敢買匯控,那$91點解你又有買入的衝動?如果你$9唔敢買招行,點解$12又會覺得抵買?

你EQ唔夠?月供啦!唔好俾情緒控制自己的投資決定....

10 則留言:

N/A 說...

我覺得$75 同 $91 都抵買,但係EQ 都唔係太夠,克服方法係俾自己停一停、想一想 !

匿名 說...

如果俾我會在留多d子彈等過埋隻熊三先準備 , 抵買只是對過往價值觀現勢親眼認証何時才是底部經一事長一智最佳時機 , 60蚊樓下時會更抵買 , 無錢更抵買時也是空談 , 重有30蚊就到當日一跌都唔見十幾20蚊 , 100不破之迷只是那隻黑手何時申出

Jo 說...

月供其實成日買唔到低價的, 如果個日5仔去到75蚊係月供個日, 你話幾好呢~

匿名 說...

其實月供都係靠運氣,冇得自己決定甚麼價位買入,如果唔好彩次次月供日都係高位,咁就慘!

Murciélago@Australia 說...

除非心理質素極低,或者要儲好耐先買到一手,否則月供其實無咩好處。

匿名 說...

想問下銀行股睇資產淨值(PB)係咪重要過PE?
我見到1398,939,3988,3328呢四間國有銀行既資產淨值近一年內都只係持平什至下降
反而3968同998既資產淨值仲係按季上升
同埋岩岩留意到原來四間國有銀行第二季業績已經全部開始倒退, 又係只得招行同信行去到第三季先開始倒退
如果計埋稅收改變既影響, 四間國有銀行既盈利高峰期原來係07Q2-07Q3

大口仔 說...

巴林:EQ先係大問題....

狂風沙z:問題係到時你夠唔夠膽出手?

Jo:你識幾多人在$75出手?升返到$90你會唔會覺得唔低又唔買?

匿名:拉長來看除笨有精,記得中移動98-2007張圖嘛?

祖祖:有幾多個投資者心理質素會好?

匿名:你可能看錯了,六行第二季的業績還是增長的,但到第三季全線錄得按季跌幅。PB我講過係BULLSHIT,總資產幫股東搵到幾多$先係關鍵。

匿名 說...

岩岩check多次
939(08Q1,08Q2,08Q3)
321億, 265億, 255億
1398
331億, 314億
3988
217億, 204億, 177億
3328
79億, 76億, 72億
3968
63億, 69億, 57億
998
41億, 42億, 40億

匿名 說...

其實我唔多同意用pb 去衡量銀行平並貴, 除非你係賣盤....

匿名 說...

大口兄我對恆生比較有興趣d , 匯控無咩
現時收集緊資金耐性咁等個日出現 , 長命錢
長命賺 , 機會係留俾有準備的人 , 我明白
好多人係100樓上買入好多匯控 , 如果個日出現唔知會有幾多人想跳樓

Related Posts with Thumbnails