非人生活

過去一星期對大口仔來說是"非人生活"，晚晚放工返到屋企已經播緊Cue Sir同佢支倚天Q，一日見到大口老婆同大口BB唔夠兩個鐘，都係o個句：忙到爆！

陪大口老婆同大口BB的時間都無，如果再日日寫大口仔筆記應該會俾雷劈，所以4月份大口仔筆記應該會由"日記"變做"週記"，希望以低成本維持運作，或者好似大公司放無薪假咁，希望各倍讀者可以同大口仔共渡時艱。

投資方面，自己看法及做法無大改變，繼續以"積累"為主，若遇上目標資產跌進自己所訂立的買入區會將注碼分兩注買入。個人相信歐美金融股業績在2008年第四季已經見底，樓價的跌幅會少於股票，而且可以為投資組合帶來正現金流，繼續擔心國內金融股2009年的營運環境，不過十分希望自已睇錯。

另外，早前捐贈$2,000給苗圃行動的收據已經收到，有時間會Upload上網向各位善長匯報，大口仔估計額外的$2,000好大機會可以在短期捐出，多謝各位支持。