2008年12月14日星期日

金融海嘯下如何保住飯碗

金融海嘯下人人自危,之前一篇文問大家覺得自己對公司有幾重要,得出的結論係"呢個世界無話無左邊個唔得"....

啱丫!係無話無左邊個唔得,但要推人落海總有先後之分,鐵達尼沉船都總有生還者!避免自己成為第一、二波裁員目標係大家於金融海嘯中的首要任務。

點做?

好可惜,冰封三尺非一日之寒,如果你不幸成為公司的第一波下崗對象,你之前一定做落一些令上司睇唔過眼的事。未必一定係你問題,你可能好見義勇為地在"不適當的場合"以"不適當的方法"提出"絕對正確的意見",你的意見雖然非常正確,但場合及方法錯了亦都可以置你於死地。

事後你仲以為自己好英明神武,老闆要多謝你都黎唔切,但Sorry!老闆並唔係咁諗....

由於第一波下崗對象多已反魂乏術,而且大口仔亦相信第一波的裁員潮已過,重點反而應放在第二波裁員潮上,個人估計高峰期將在農曆新年前後。如果大家聽得入耳,請盡量做到以下幾點:

1. 返工同食飯時間盡量遵守公司規則
2. 避免請過多病假(小小頭暈、肚痛就請一日假?)
3. 公司團體活動要盡量參加
4. 有機會參與公司各項計劃要盡量做,唔好怕蝕底,最好主動提出參與
5. 有關裁員的敏感話題,請不要主動與人討論,甚至不要參與
6. 在逆市中要表現出恰當的樂觀,不要因氣氛不好而放慢工作進度

上述係中短期措施,可以幫助大家在一班表現差不多的同事中保住飯碗,不過如果你之前有其他致命的死因出現過,咁真係神仙難夠,做足以上六點都無用....

下一篇講金融海嘯下的如果保障自己及家人的生活。

9 則留言:

匿名 說...

其實,現在才埋堆都好似遲左的!
況且自然定律弱者為求生存,都會聚而群之,團結就是力量,使個人的能力不致比下去,但音樂椅總要玩下去,所以"有部份"出現劣幣驅良幣.
不管是伯樂看錯了您,或您不幸被選中,只要相信自己,不慳努力向上,人在做,天在看,香港以往都是這樣挺過來.
像美國車廠的工會一樣,那些小團體把自己利益放大,甚至把公司拖下去也不惜,公司沒有改的決心,留下來也是遲早完.有危就有機,是錢幣的那一面看是否把握住機遇了

匿名 說...

觀點同我一樣, EXACTLY, GOOD!

匿名 說...

其實不幸比人炒, 如果係有本事, 不失為一個轉換環境既好時機, 只可惜經濟不知何時好轉, 現在還是慢慢等待經濟好轉, 最後想知道筆者指出的第5點, 請問筆者可否詳細解釋一下

5. 有關裁員的敏感話題,請不要主動與人討論,甚至不要參與

安諾勿斯 說...

小弟都十分同意樓上匿名兄o既觀點,要死o既做乜o野都冇用,命不該絕o既就好好keep住個network。

大口仔 說...

匿名:人脈呢家野當然越早建立越好,之前一系列辦公室政治文章就係想提大家呢點。無野解決唔到的,即使被裁,有信心肯努力好快可以翻身。

匿名:呢個浪如果被裁,可能半年內要搵野做都唔係咁易。

有關第五點,你覺得如果老細知道有人在公司內不停講有關裁員的流言,影響士氣,而呢個同事又未重要到非留不可,老闆會有乜行動?

安諾勿斯:完全同意。

匿名 說...

我係第一個留言的,我好同意這個浪不是三五時會解決,但也不是今天才發覺,如果之前幾年都在做夢,以為從萬六點上到三萬二再到六萬四,那今天是有點痛苦,若沒有積穀防饑,那只能更努力去過每一天防炒及留意出路.
人脈是重要,但近朱者赤,選擇也是很重要.以前遇到過一些用時間去賺錢的(註:加班)同事,加班時看漫畫,煲電話,代早走同事頂電話,打毛衣都有.我只想講一句,當香港已經放棄了用人的效率及能力去評估人的價值,東方之珠已失去亮光,以往趕去夜校進修提昇個人人能力獲取更好機會不再,這些事不是今年才有,幾年後公司會留下些甚麼人?就是三小時完成的事會拖到二日,枱面上總是堆滿很多文件,想要他/她找些文件總是要等及不知在那,但卻很會討好上司同事,因對潮流娛樂總是有第一手資料,那里有平貨名牌大減價定會知道.
這類公司會經得起考驗嗎?香港未來取決於這類公司的多少比例,中國在追,東南亞在追,印度越南在追,香港這只兔還可以睡多久而保持四小龍地位?
ED@USA

大口仔 說...

匿名:又唔係個個香港人都係咁既,好多香港人都仲好搏,不過唔否認有害群之馬。

Murciélago@Australia 說...

壞習慣很難在一時三刻改好,各位打工仔自己保重了。

匿名 說...

我係新人一個, 又堆唔到, 老細又唔滿意,無奈
日日肯ot, d老細仲想點,

Related Posts with Thumbnails