大口BB識行喇！

噚晚返到屋企，工人笑笑口咁同大口仔講大口BB晏晝行左幾步捉住佢....

聽後當然半信半疑，因為唔係親眼見嘛！之後同大口老婆夾手夾腳引大口BB自己行，試左幾次都唔得，正在失望之際，突然見到大口BB東倒西歪咁向自己一步一步咁行過黎，終於親眼見到大口BB踏出第一步呢一刻既來臨。

大口仔超級開心，諗返起大口BB出世時成粒燒賣咁，到今日自己開始識行識走，依依呀呀咁煩住哂，除左覺得時間過得好快之外，那份對家庭的責任感變得更實在。

要努力搵錢！更要努力建立一個五星級的家！