2010年5月24日星期一

用心

不論是人或機構,只要專心一意做一件事,大口仔都會相當尊重,不論我是否認同他們的方向....

大家都知大口仔近年變成南華迷,原因當然不是覺得南華比皇馬勁,而是因為欣賞南華會上下一心地向目標進發,哪怕目標在別人眼中只是微不足道,但我就是欣賞他們那種用心的態度。

由降班到羅生入主....
由每場波只有幾百人購票到亞協盃坐爆大球場....
由消聲匿跡到大做Marketing,球衣、薯片、會歌及結盟熱刺等等....

每一樣東西都不是別人授予的,每件事都是上下一心、一步一腳印地踏實地走過來。你同我都知道香港的足球早已經進入深切治療甚至死去,但就係有班人出錢出力出心去將呢個死去的巨人叫醒,就係有班傻"球迷"到場支持這班比起曼聯差了不知多少班的港腳。

我信南華有日可以舉起亞協盃、甚至亞冠盃為香港爭氣,證明香港人面對逆境時還是有足夠魄力自力更生。

1 則留言:

匿名 說...

其實,我自小到大都係「反南華」,但去年十月,亞協四強破天荒入場支持,因為果一刻,南華成為了香港的代表。
不過,好奇怪,近幾年係南華打得比較好既外援,往往都係得一季貨仔,之後就因為唔同原因「落山 」。t史高斯又成日領紅,係重要賽事出唔到!
係亞協要走遠d,外援呢方面應該要搞掂先喎。

Related Posts with Thumbnails