2008年1月28日星期一

早知早兩日買匯豐?

馬沙話恆指大幅反彈後佢聽得最多的一句說話就係「早知早兩日買匯豐」。佢認為匯豐即使今個星期再見105蚊,講o個番說話既人都係只"想買"、而"不會買"。

哈!又會同大口仔既經歷咁似既?話說我上星期五準備收工之際見到兩個同事仔圍圈咬耳仔,聽到佢地細聲講大聲笑,以為佢地講乜?點知又係股票經(o個日大跌2000點時,個個面青青無心機做野,又粒聲唔出,依家又眉飛色舞)。

同事A話"早知早兩日105蚊成副身家買匯豐啦,應該借孖展tim呀!"。同事B跟住附和"我都係咁話,我o個朝唔係要開會?一早入左兩手!"。講完又繼續討論中人壽、中移動、招行等等股票,兩個都即時股神上身咁款。

呵,今日股票又跌千點,唔知呢兩位股神同事仔會唔會心郁郁又"話"想入貨呢?大口仔覺得呢兩位"股神"多數又會因為"開會"、"忙"、"禁左制唔記得SAVE"或者"未申請孖展戶口無得當抵褲"去買匯豐居多....算吧啦你地....

各位山賊兄弟,準備好未?入貨信號可能又再響起!

8 則留言:

肥魚爸爸 說...

我有個朋友,時常跟我說要買股票。我第一次向他推介中移動時,中移動40元左右。當時他說會研究研究。半年后中移動80元了,原來他一股都沒有買。后來他知道我去聼林森池講座,講座未完他已call我問號碼。我就有碗話碗的告訴他,林森池說匯丰,中移動和中人壽都好。好了;又是沒有行動。到了八月,大跌市。他又找我問,有沒有行動,我就告訴他我已打了第一發子彈買中移動,若明天17號又跌多5元再打多一發。17號早上,中移動真的跌多5元,我於是行動打完最後一發。當天12時左右,他又找我問行動沒有。我告訴他一切如計劃買了。他當時的語氣好像有點失望。結果17號那天他任何一股都沒有買。接著的幾個月他也沒有找我。直至最近我們又通了一次電話,這次我主動問他有買貨嗎?他說有但就是顧左右而言他。自此以後,我更加明白到知音難求。

山芭佬 說...

哈!大口兄!
今天刚刚在马来西亚套现左的股票,系打算用来买5仔的子弹来.
个人觉得,除非他系跌过山芭佬的本钱(106.3),如果不是,都不会这么轻易就发射子弹加码.

不怕黑心一句,希望5仔再跌平D,跌到过间大行预测嘅价钱就美啦!(80元).哈!

我准备好子弹啦.各位港友准备没啊?

匿名 說...

大口兄,和你一樣,我的組合中,有65%是匯豐,目前也在月供中,希望它未來一年都唔好升,等我慢慢累積。
請問你對渣打銀行有什麼看法?看完渣打幾年的年報,我覺得它走的路,和匯豐有點相似,雖然規模匯豐沒有那麼大,市場也較集中在亞洲和南非。但我想,如果匯豐+宏利+渣打,會不會是個不錯的長線組合,因為都是金融,都是好公司,市場卻不同,可以起到分散風險的作用?

大口仔 說...

TO肥魚爸爸:知音難求,但BLOG易得呢!好多知音於網上等你喎。 :)

TO山芭佬:現市況匯豐有機會破$100的,準備好買貨啦!

TO 0005:關於渣打的經營情況可以用上一個系列去分析。簡單講兩句,渣打早幾年押注新興市場搏贏左,近呢幾年係收成期。渣打係好股,可以長期持有,有機會為佢開個分析系列。

匿名 說...

大口兄:

謝謝你的分析。請繼續寫下去。

匯豐的前景,相信三月公佈業績以後,便會明朗。我自己的觀察,匯豐在新興市場的投資,仍是播種期。以中國為例,以它目前全方位的投資(HSBC,恆生,交行,平安,再加上次一層的控股),加上遲些在上海上市,只要中國的投資環境不變,它的回報是驚人的。其他新興市場也一樣。

我同意你的分析,在全球化年代,銀行業中愈國際化的,競爭優勢愈強。匯豐和渣打有這樣的優勢,在國有銀行中,我認為中銀(3988)也有這種優勢,中銀管理層似乎也是向這個方向發展。在中國國際影響力愈來愈大時,一定需要一間實力強大且代表中國的國際銀行,以中銀的背景和國際網絡來看,似乎是不二之選。

大口仔 說...

TO 0005:其實匯豐於新興市場既投資同回報一d都唔細。只係匯豐既盈利基礎比渣打大,先會有渣打係新興市場做得比匯豐好既印象俾投資者。我相信匯豐長遠係中國會係發展得最好既外資銀行。如果中國有關當局入股匯豐,更加不得了。

中國銀行既全球網絡差匯豐太遠喇!只有中國公司或個人初到海外先會用到中銀。路仲好長遠。

匿名 說...

我當然不是將中銀和匯豐比,而是說在國有銀行中,中銀有這方面的長遠優勢,值得我們留意。我也認為,中銀香港的管理經驗,會對中國銀行在國內的發展,會很有幫助。大口兄在銀行界發展,不知可否分享一下你對國有銀行的看法。謝謝!

大口仔 說...

大口仔都希望國內可以出一間接近匯豐質素同規模既銀行。或者,如果有一日匯豐將其根據地回歸上海會更妙!

國內銀行我唔係間間都熟,資料主要從客戶處聽回來,有興趣可以開一篇文章同大家分享下。多謝提供題目....呵!

Related Posts with Thumbnails