2008年12月27日星期六

2008年的得與失 (社會篇)

由天堂跌落地獄的感覺係點?

2008年尾你走到街上問一問香港人,最好係一個做銀行的香港人你就會知道得好清楚。

2007年尾大家都期待住2008年第一季的豐厚花紅,2008年的大難卻已悄悄來臨,2007年曾特首說香港會迎來新黃金年代,2008年卻"現眼報",未來10-20年的香港會點呢?大口仔眼裡只覺越來越模糊....

當大口仔打開報章、打開電視全都充斥住反智的新聞。議員們為了選票為民請命得過了火,造就了一大批輸打贏要的香港人不停向政府拎著數。香港政府不單浪費了大量時間與議員周旋,更浪費了香港獨有的競爭力不停向中央政府拎著數,政府向市民、中央向港府提供援助,普遍得到的反應係...."唔夠"!大佬,大口仔想問下係咪"老馮"要俾架?

最大的問題係,全香港的市民都好似唔覺得呢種情況係一個問題,有能力的人又懶得出聲 (信報除外),咁落去,香港唔沉淪有鬼?

2003年SARS,經濟差的時候香港人還懂互相幫助、體諒及逆境自強,2008年?我看到的只有人踩人、互相批評及唯恐天下不亂!

2009年,香港真係會更美好咩?

19 則留言:

匿名 說...

你估銀行業( 尤其係歐美), 要幾耐先可恢復生機, 兼可writeback 已writedown 部份呢? 匯豐會唔會早D 呢? 但願唔會步其他英國銀行一樣, 最終要英國政府注資挽救, (真係估唔到未來一兩年bad debt 情況有幾嚴重, 又要減household goodwill) 如果真係口甘, 匯豐年年無息派, 到時香港就真係死得人多喇, 現在但願匯豐 係美債身上賺到 幾十億美金喇( 美國庫券呢兩個月都升左一成多(十年期)到兩三成(三十年期)不等,不過唔知匯豐 自己買左幾多呢?大口兄,你有無數字呀?

大口仔 說...

匿名:大口仔相信快則1年,慢則3年將會恢復生機及回撥。匯控2008年中持有約180億美國政府債券,詳情可參考下址:

http://www.hkexnews.hk/listedco/listconews/sehk/20080814/LTN20080814148_C.pdf

匿名 說...

謝謝大□兄的資料,但係匯控有成180億美國政府債券,仲好似有兩佰幾定三佰幾億美元兩房債券,以而家個yeild去到兩三厘計(從五六厘回落),兩樣加起來應該賺七八十億架,點解大行個個都唔提,日日估匯控盈利大跌,唔通呢D唔可以當盈利?定係匯控所持其他公司債券仲跌得多?我真係唔明白....

匿名 說...

係老馮丫 , 個仔唔掂都番去問屋企羅或者問朋友借 , 社會風氣如事未來發展多少一定睇中國發放多少有利條件去恆量 , 不在是大英帝國之下自由發展貿易 , 50年不變的定律50年後可能來一個抄家 呵呵呵

我地今一代應該有命睇到50年之後的變化

會控有無合拼的機會 ? 我覺得佢好似行緊老李電贏的方式 , 到時真係80蚊就頂價或者更低就真係多多息都無q用囉

大口仔 說...

匿名:國債的確有賺,兩房則未必,因為就算減息只要市場覺得兩房有破產機會,價格都唔會升。仲有,大行要造淡,當然會隱惡揚善了。

狂風沙Z:自己唔掂就去做多份兼職,問老豆拎著數呢D係乜野社會風氣?大口仔唔明白....

匿名 說...

"匿名:國債的確有賺,兩房則未必,因為就算減息只要市場覺得兩房有破產機會,價格都唔會升。仲有,大行要造淡,當然會隱惡揚善了。 "???

兩房唔係比美政府接管左咩仲有破產機會???

肥魚爸爸 說...

我曾經在一個子女培育的講座聼到-子女有“老馮”這樣的傾向,做父母也要負一點責任。
我不知這是否真實,起碼在我的童年,我就不能“老馮”的向我父母要這樣那樣,最多努力的把零用錢儲起買自己想買的玩具。

我覺得任何事都可以大膽假設,但一定要小心求証。匯丰過去百多年所經歷的危機,可以說都是驚心動魄的!我不了解雷曼的歷史,所以我也不敢說匯丰不會不印新股集資。
但若匯丰在去年開始的一連串活動也不用心研究理解,我只可說又是陰謀論評股...

匿名 說...

I think HSBC will earn lesser is of course a must. But the question is to what degree. Those investment banks are co-operatively making use the facts that every banks will earn lesser or even get loss in the coming years and largely amplify the poor things. Sometimes they use non-sense words, just like CLSA's analyst. He said HSBC needs to raise capital of 140B USD in order to pay more in the coming year's dividend so as to keep the HSBC dividend tradition? Who will do the crazy thing for this reason, How much adminstration fee will be paid out for just paying more dividind's reason?You want to keep the good tradition by using a more harmful methods? You will laugh if you know what the CLSA method to access the 140B amount. CLSA analysts should look back to his mother bank in France first.

匿名 說...

證券商: 里昂 2008.12.17

財政年度 純利/百萬美元 派息美仙
12/2008 15,070.00 90.50
12/2009 12,681.00 86.13
12/2010 12,644.00 90.50

Archiren 說...

絕對同意閣下意見。現在的人太“老馮”、無擔當、無心、…

匿名 說...

好似大口仔咁明白事理o既人... 現今社會好少好少. 雖然我得廿三歲, 但我當前睇法同大口仔好多時都不謀而合。

我眼見好多同年o既年青人, 諗法同社會蝕米大蟲無分別。

匿名 說...

最大的問題係香港人只懂得投訴,唔懂得建議!!

匿名 說...

仲有只懂得要求國家,唔懂得回饋國家。

匿名 說...

算吧啦, 班議員.

"名為議員, 實為政棍"

若缺齋老人 說...

年曾特首說香港會迎來新黃金年代 <- 唔係而家仆到直,就算用年頭截數,除左佢自己外有邊個同意而家係近三十年最好?

匿名 說...

大口兄我意思係父母之意回卓之命

可能用錯字眼同音字唔好見怪讀得書少
係咁上下 呵呵呵

匿名 說...

冇學識, 但有陰謀既議員, 利用人民去攞好處, 學者當中亦不乏麻煩之人, 好市既時候唔調, 情緒低落既時候就調都幾調, 港大調完到中大, 之後又調乜調物, 浪費時間同金錢矣...

無架喇, 議員竟然可以公開做電台? 議員亦可以批評亞視為紅色電台... 低質教育加冇思想既人民, 做就政棍搞事. 再加上永遠要留一手比人將軍既政府......看到都幾可悲....

還望各有識之士, 為香港, 為國家做D 嘢.

大口仔 說...

匿名:接管了唔代表比國債安全啊!

肥魚爸爸:對!做父母都有責任,所以作為父親的咱們,要盡一分力為香港培育有責任感的新一代。

匿名:多謝意見,可否講多少少CLSA係乜俾各位聽。

Archiren:係呀!

匿名:大家一齊努力呀!

匿名:完全同意!

若缺齋老人/陳潢:阿曾生就係太大口氣...

狂風沙Z:無問題,歡迎發表任何意見。

匿名:對,一齊努力!

正義小先鋒 說...

agree!!! strongly agree!

匿名提到...
冇學識, 但有陰謀既議員, 利用人民去攞好處, 學者當中亦不乏麻煩之人, 好市既時候唔調, 情緒低落既時候就調都幾調, 港大調完到中大, 之後又調乜調物, 浪費時間同金錢矣...

無架喇, 議員竟然可以公開做電台? 議員亦可以批評亞視為紅色電台... 低質教育加冇思想既人民, 做就政棍搞事. 再加上永遠要留一手比人將軍既政府......看到都幾可悲....

還望各有識之士, 為香港, 為國家做D 嘢.

2008年12月28日 星期日 下午5:06

Related Posts with Thumbnails