2008年1月23日星期三

狼市

林森池先生2007年尾話依家香港股市係狼市,意思話上落好快,波幅亦好大。呢兩日完完全全體會到呢種講法。

當匯豐可以一日波幅超過10%,仲要係連續兩日一日升一日跌,你可想而知呢個市幾“狼”!

其實呢兩日心情好好,見到匯豐同其他心怡股票跌到四腳朝天,心裡面就計緊幾時入貨,可惜美國突然減息0.75%,股市反彈得太快,只係入左匯豐一隻愛股。不過我相信股市仲未跌完,經濟短期唔係減息可救,放長雙眼睇啦!

只要清楚自己既股票,你乜都唔駛驚。

2 則留言:

肥魚爸爸 說...

我想這幾天簡直是打完左邊再打右邊然後再兜雞心踢多幾腳。自從8月后每天千多點的波幅大家都習以爲常,這兩天就來個2000多點波幅等大家見識什麽是大場面!俾狼咬最多只是血肉橫飛,這兩天就連骨都無埋!

大口仔 說...

TO 肥魚爸爸

要避免俾人打完左邊再打右邊然後再兜雞心踢多幾腳,你要睇下我新果篇文,你當股票係PSP啦...減價先買,再跌再買...

Related Posts with Thumbnails