2009年3月7日星期六

匯控2008年全年業績及管理層報告 (基本分析)

匯控2008年全年業績基本上同大口仔原先估計的差不多,除左估唔到管理層會狠心地將北美業務一筆勾消外。

我原先估計匯控2008年會受交易資產減值、整體撥備上升及影響商譽撇帳的影響而倒退40%,但管理層看北美業務相當悲觀,唔預計匯融未來可以為集團帶來任何盈利,索性一次過將匯融的賬面值減至零兼結束相關業務。

結果計及商譽撇賬,匯控的盈利倒退62%。當然,除了商譽減值,匯控亦錄得多項一次性收入或支出,大口仔會另文再談。

今日先同大家跟進一下幾個大口仔對匯控業績的幾個關注點:

1. 美國及英國地區第四季的壞賬率如何?撥備情況如何?匯融第四季總共撥備了46億,比大口仔原先估計的55億少,歐洲整體撥備比2007年上升47%,當中包括為馬多夫騙案撥備8.5億,算不過不失。
2. 新興市場的經營狀況及展望如何?新興市場的增長符合預期,展望會放緩但仍有增長。
3. 香港地區收入的倒退情況如何?香港整體盈利倒退26%,當中包括為越南投資的撥備,符合預期。
4. 存款的增長情況如何?存款增長16%,貸款增長9%,符合預期。
5. 息差在上升還是下跌,特別係美國、英國及香港的第四季?息差持平,原因受第四季各國政府大幅幅息影響,差過預期。
6. 銀行的風險加權資產正在增加還是減少?資本結構如何?風險加權資產持平,但股本受持有至到期日資產減值及匯價影響減少300億,第一級資本比率降至8.3%,核心第一級資本比率降至7%。
7. 所持交易資產的質素如何?減值情況如何?為所持交易資產減值61億,反映在環球資本部門的盈利上,尚餘68億帳面值。
8. 有否供股計劃?若有,目的何在?已公布供股計劃,12股供5股集資177億,管理層話供股唔係要為填補北美業務缺口,集資為加快發展新興市場,信不信由你。

之後會分享匯控撇除一次性收入及支出後的盈利水平、撥備走勢情況及的資本結構等等。

4 則留言:

若缺齋老人 說...
此留言已被作者移除。
若缺齋老人 說...

btw曹仁超講起E單,笨象幾時翻身唔知,但Citigroup同AIG似乎更大鑊:

"美國嗰邊嘅銀行因為收購咗唔少有毒資產而急需資金,被迫出售銀行內最優質嘅產業(今時今日如果唔係最優質產業,邊個買?!),大大削弱美資銀行未來賺錢能力。美國財政部已進一步注資去鞏固各銀行嘅資產負債表,亦因此削弱舊股每股獲利能力。英國汽車廠Morris Motor喺1963年國有化;British Leyland 1975年國有化,今天佢地點樣?英國鋼鐵廠1965年國有化後,今天如何?生產豪華房車及飛機引擎嘅勞斯萊斯公司1971年國有化後,今天又點?今天政府佔70%以上股權嘅蘇格蘭皇家銀行及佔近50%股權嘅萊斯銀行,未來前景又點?"

若缺齋老人 說...

老哥,而家市價入帳法真係搞到人頭出煙。當年初出時小弟只係擔心一樣野,但預計唔到衰退時冇人肯接資產可以搞到咁大鑊!

當年小弟著眼於臭名遠播的Windows Vista:E類專利又或其他野經營權究竟值幾錢?當年微軟信心十足,但至少小弟一用完老虎都唔買,有一次出job時逼住用左個幾月真係一路講粗口一路用...好了,問題係,當微軟同所謂獨立專業人士對Vista專利價值大相逕庭時,收人錢既所謂獨立專業人士究竟敢唔敢堅持自己既估價、又或堅持完後下年仲有冇得做?

如果求其一樣唔得,咁所謂盈利已成為段估冇辛苦遊戲,所以小弟一兩年前覺得P/E Ratio可能再不可靠...當後來東尼在壹周刊、馮培璋先生在信不信由你報度都提到懷疑P/E Ratio既實用性時(雖然所用理由都唔係上面那點),小弟真係有點「欣喜」,可惜咩欣喜都抵不上而家一彀眼淚,而且亦係相信多數人當時估唔到既...

(市價入帳法被希望增加「創造性」會計師提左多年,聽練乙錚講係因為Webcom、AOL等公司既問題而決定執行,而家馬後炮,豈止前門驅虎後來進狼,為滿足會計師的歡愉簡直引左隻恐龍入來!)

匿名 說...

大口仔,

有股票,供定唔供好??

心急人

Related Posts with Thumbnails