2009年1月22日星期四

可愛的任總

任總有時都幾可愛,評論既準又精,噚日佢一句「古怪事情正在發生」頓時成為財經界熱門話題....

但可謂「古怪事情」呢?點解事情咁古怪,作為香港財金界掌舵人之一又唔"撥亂反正"呢?

仲有幾則趣事可以同大家分享下:

1. 渣打Ben Hung話在 投資界大合奏下,可能「迫使」資本充足的金融機構亦要低頭集資 ,渣打正是其中之一,無奈但似乎要被迫接受,但大家不覺投資銀行已變成寡頭壟斷行業咩?

2. 中信銀行率先公報"盈喜",由首三季增長130%降至第四季增長60%的"盈喜",大家真係要落足心機睇年報,大口仔原先估計中信行全年增長最少有80%。

3. 市場傳出ABN有意回購去年賣給RBS的資產,RBS噚日先公布因收購荷銀作商譽減值200億鎊,錢輸給俾邊個?原來金融海嘯的大贏家係ABN!

4. 尾市傳出AIG向有意收購AIA的投資者發出要約資料,名單包括匯豐、宏利、中人壽等,三間潛在買家都是大口仔愛股,即係AIA已經係大口仔囊中物!

5. 大口仔建議匯豐不如趁機發新股集資買下AIA兼增強資本,一石二鳥。

7 則留言:

Michael Cheng 說...

「大口仔建議匯豐不如趁機發新股集資買下AIA兼增強資本,一石二鳥。」

英雄所見略同

匿名 說...

尾市傳出AIG向有意收購AIA的投資者發出要約資料,名單包括匯豐、宏利、中人壽等...

新聞話個名單有成四十間公間喎好似...只不過港人比較熟幾呢間先特別寫出黎姐...同埋如果間間公司都掙aia...最後出黎個價可能好高...正如大口仔所言RBS同美銀對上一兩年大手收購返黎既公司中晒蕉一樣...個人認為收購到AIA既公司風險都唔低...

若缺齋老人/陳潢 說...

5. 大口仔建議匯豐不如趁機發新股集資買下AIA兼增強資本,一石二鳥。 -> 同意

3. 市場傳出ABN有意回購去年賣給RBS的資產,RBS噚日先公布因收購荷銀作商譽減值200億鎊,錢輸給俾邊個?原來金融海嘯的大贏家係ABN! -> 笑左! XD

大口仔 說...

Michael Cheng:有少少天馬行空,但未必無可能。

匿名:AIA的資產質素同ABN當時的資產質素不可同日而語。

若缺齋老人/陳潢::)

匿名 說...

擔心間間候選人抬過晒AIA 個價.

睇咁耐新聞, 蘇泥細, 安聯, 安泰, 保誠, 永明等一班中型保險都好似唔係咁傷, 唔係太知佢地既斤兩.........

匯按集資買AIA, 一石二鳥. 無得彈. (最好搵瑞銀, 瑞信做搞手, 唔好益高盛同大摩!)

大口仔 說...

匿名:唔係有好多公司有財力收購AIA一半權股。

祖祖 說...

安泰同安聯都係保險一哥級人馬,好難講佢地無力拎200億出來。

Related Posts with Thumbnails