年廿九，早D抖！

年廿九，成班同事仔都無心機做野等放工....

Nancy：老闆，聽日年三十有冇得早收呀？要食團年飯喎....

大口仔：應該有掛，等我問下阿姐先 (你個死女包，開會叫你俾意見又唔見你咁主動，早收工呢家野就咁鬼死主動問....)。

Nancy：咁你聽朝一早問丫，好心急呀！

大口仔：好呀....好 (高音)，等我聽日一有機會就問 (問鬼問馬咩，一個唔覺意俾阿姐覺得我好想早收工咪中招？咪喇....)。

Nancy：老闆你有冇上網睇"明星相"呀？阿Edison原來咁架jar....阿嬌同柏芝好慘喎....XYZ^%$# (下刪一千字)。

大口仔：係囉....D差佬真係....呀話時話，我叫你交條數你做到未？咁得閒睇報紙o既？有冇Call下阿陳生上去見下佢呀？

Nancy：呢排過年邊有客俾我地上去見丫....呀話時話，你估下第四個受害者係咪Stephy呢？聽日記得問下有冇得早放呀....XYZ#$%^

大口仔：-_-"