2009年1月24日星期六

Generation Y (GenY)

有冇聽過Generation Y (GenY)?

GenY代表著1980年後出生的社會新生代,去年,大口仔於公司內部培訓中第一次接觸GenY這個名詞。點解公司要特別安排大口仔這類管理人員接受有關GenY的培訓?答案顯而易見,因為有需要!

以大口仔管理的團隊為例,10個人當中有7個都屬於GenY,他們都有唔少共通點,而這些共通點又有不少會為管理者帶來挑戰,若管理不善,更會嚴重影響公司日常運作。怎樣同GenY相處、管理GenY亦漸漸成為管理學的重要課題....

請問閣下是否GenY?

若是,您又認為自己有哪些特質與上一代的Generation X (1970至1980出生的人)不同呢?

若否,您對GenY有何感覺?覺得他們有何特性?同自己有何不同呢?

9 則留言:

肥魚爸爸 說...

我公司每年都請一些GEN Y做一年見習,給我的感覺是很自我,不笨但縂給你不專注的感覺,但查實他們都非常用心來研究自己喜愛的東西

Hana 說...

兩個字:懶!散!

大口仔,祝牛年好運隨身!

keith 說...

agreed with 肥魚爸爸. some of them seems like too proud to learn from the experienced staff and not realising how little they actually know. this can be really frustrating when you have a tight deadline and been working for more than 10 hours per day for the past few weeks, consecutively.

安諾勿斯 說...

well,懶同散,actually,唔係好貼切(同好負面)。

小弟認為gen-y有個性,唔鍾意follow人地,要有自己一套;要求認同同尊重,你要project到個vision,佢地有滿足感,先可以motivate到佢地;覺得份工只係一份job(因為冇家庭負擔),weight work-life balance好重要,所以感覺上佢地冇咁抵得諗,冇上進心。

哥斯拉 說...

鏗鏘集講出了 Y世代,http://www.rthk.org.hk/rthk/tv/hkcc/20081110.html
我過了Y世代年紀,但一樣又懶又散,常發春秋大夢。

Jay 說...

大口仔你問呢個問題,我諗我可以比些少意見,因為我正正是GEN Y!

1. 正如安諾勿斯兄所言,真係覺得份工就係工作,好少去諗係職業(即係job同career嘅分別)。另外,好似小弟咁,對於自己嘅career path係無乜諗過,邊行好搵入邊行,自己興趣會排後!(當然,亦都有小部分係有計劃嘅)

2. 唔可以話懶散,只不過正如(1)所講,係工作上按本子辦事,無話有抵得諗呢下嘢lor。對於自己種愛嘅,你都無佢咁有恒心架(好似模型、電玩等)

3. 係呢個年代出生嘅,物質會稍為豐富(同9x後年代出生就差成皮),金錢嘅態度會無GEN X 看得重要(搵得嚟,洗得去,月光族)!

4. 很着重他人嘅認同,尤其係身邊嘅朋友。因此,獨立思考嘅能力會稍為弱,容易人云亦云!

同佢地相處,又或者要mov佢地嘅話,最重要係融入!以自己公司為例,成間公司差唔多全部係GEN Y,香港「老細」係三十七、八到,己有一子一女,但我地係好融洽,同埋同事都會多點責任同交帶,皆因「老細」唔似一般上司咁有距離感!係公司,周不時買d「玩具」同我地係公司玩(前日先玩緊類似捧球嘅嘢),又會成日講下game經,爛gag咁。另外,周不時會請下食tea;至於開會時,會好明確咁定下每季嘅目標,亦都會回顧上一季嘅成績,先由各部門阿head甚至唔同人講下達唔達標,比到一種尊重我地,差嘅唔會講大負面嘅嘢,更加唔會郁下鬧人;好嘅會話good job/well done嘅說話,令到我地多左一份成功感同責任心。

以上都係我呢個gen y嘅分享,希望幫到大口仔兄!

p.s. 小弟雖則係gen y年齡,但係成日比我d fd話我老積,思想係gen x,所以以上嘅分享信一半好啦,始終同佢地思想上有gap!

凱迪 說...

80年代出生,在中國簡稱「八零後」。

我是做新聞工作的,新聞部內有五個八零後,一個來自江西,一個來自廣東,三個來自香港,工作態度都不錯吧。

他們有什麼問題呢?請賜教。

當年中國很擔心這批八零後在家中被寵慣,缺乏競爭力。但事實證明這批八零後有學識,有創見,是中國未來的支柱。

匿名 說...

咁我叫咩?? 我生於 1985 年... 身份證係 z, 係 generation z 時代... 竟然無人知?

身份證係 around 198x to 1986 間... 身份證係 z o架

唔通大家認為我係新人類, 駕駛高達o個o的??? hahaha

匿名 說...

我公司8成同事係GEN Y(我都係)

其實懶散定勤力係睇自己。

但反而大家既思想會好唔同,我地同d 40,50歲老細要求既一套磨合唔到,都覺得好難頂。

Related Posts with Thumbnails