2010年2月15日星期一

有夢想才會變強

從南華領隊羅生處看到今屆東亞盃的口號是"有夢想才會變強",大口仔再同意不過了....

另一個表達方式是,做人無夢想,同條咸魚有乜分別?今時今日的香港人,有夢想本身好像已經成為夢想,人人畢業後都想搵份"穩定"工作,但這真的是我們需要的嗎?或者對某些人來說是需要的,但一定不會完全適合所有香港人。

就算打份工都要有夢想,夢想有日可以坐上你老細個老細個老細個位,咁先有動力繼續上。不要只為工作而工作,要諗一諗三五年後自己究竟想做到乜野位置。除了工作,其他所有範疇的事都可以這樣想。學柴九哥話齋,人生有幾多個十年?今日唔立志努力去做,下一個虎年好快又到。

一年開始,大口仔以一句"有夢想才會變強"同各位共勉之,咱們一起去追夢!

1 則留言:

Karen 說...

祝大口仔一家新年愉快!身體健康!

大口仔仔快高長大! 聽話聽教!

Related Posts with Thumbnails