2010年2月24日星期三

全球金融戰爭

到目前為止,大口仔挺欣賞歐盟在金融海嘯中的表現及處理歐豬四國(特別是希臘)債務問題的手法。

大家仲記得金融海嘯發生時美國大力鼓吹歐盟加大救市力度,包括推出龐大的經濟刺激措施,但最後被以德法為首的領袖一口拒絕嘛?當日的鼓吹加碼同今日歐盟中幾個小國的債務危機相映成趣。若當日德法把持不住,好學唔學學美國推出自己負擔不來的救市措施,今日的情況會如何?市場又是否會進一步質疑歐盟的整體穩定性?

今日歐豬四國出問題,有人怪責德法兩位大佬遲遲不出手幫盟友擔保債務,但試問此例一開,如果收科呢?倒是德法的領導人看得通透,只一味強調歐盟成員國不會出事,但有問題的成員要確切執行緊縮政策,若不實行情願不救,免得讓問題惡性循環下去。

全球金融市場如戰場,一子錯滿盤皆落索,歐盟下了一步好棋。唔知市場又幾時開始質疑美國各地聯邦政府的財政問題呢?高盛又有沒有幫美國所謂穩瞞債務水平呢?加州的GDP比希臘大多了!天曉得?

另外,政府今日宣報財政務算案,免差餉及減稅對大口仔都有直接得益,但請問香港政府派糖何是了?政府要冷卻樓市又不想推倒市場的舉動實在是有利於樓市的長遠發展,我舉腳舉成。

2 則留言:

若缺齋老人 說...

講起加州真係白痴:好多坊間講法係加州冇錢,作為帝國第一大經濟體、Forture 500總部佔左1/5既大州,加州收入根本就冇低到幾多,所謂冇錢只係唔可以編列赤字預算(under加州憲法,可以話比基本法空泛的"審慎"更白痴!)!

於是乎,就算收入冇跌(其實係跌左少少),但一有風吹草動支出多一點,立即就會畀加州憲法搞死!

唔係話穩陣唔岩,不過將美德形式化分分鐘會死人!加州經濟原本只係小問題,但在白痴憲法下州政府就變左大大問題(當然某參議員近來居"功"不少)!

匿名 說...

在"冷卻樓市"與"托高樓市"兩個極端夾縫, 有廣闊的空間供政府進行各種操作. 特區政府對現時的樓市泡沫視若無睹, 任由發展商及炒家吹噓, 製造迷幻氣氛, 誤導買家高價入市, 絕對是不負責任的行為. 他日, 息口暴升或外圍經濟轉壞, 高價入市的業主就會重蹈不少香港業主的覆轍, 陷入負資產甚至破產的厄運.

Related Posts with Thumbnails