幾件事

昨天知道有錢買煙有錢上網打機但無錢無時間買野食俾初生細女的父母被判入獄6個月，點解判得咁輕？

南昌站流標，市民政客求仁得仁，邊叫政府唔好賤賣土地邊叫發展商減價，是否make sense，who care？

溫總去南韓打捧球，即係南北韓鐵定不會開戰，兩個大佬剛在後台握手，細佬想在前台開片？作死？

渣打成功在印度上市，是首間於該地上市的外資銀行，讚！

港股昨天出現升勢確立日，但身邊朋友對牛熊之爭大都未有定案不敢大手入貨，利好，看看下星期初能否偷雞。

銀行售賣結構性產品新設冷靜期，有雷曼苦主話幫唔到手，因為買產品是與銀行職員"熟落"才買。香港未必需要太多監管，但一定需要更好的投資者教育，讓所有投資者都知道投資(包括存款)是有風險的，贏就照單全收，輸就本利歸還只有同父母打麻雀時才會出現，醒下啦香港人！