2008年4月11日星期五

事實係....

要在職場上盡情發揮,有一個事實大家係一定要知道....

事實係....公司從來都唔重視你!

好多初出茅廬的熱血青年(包括當年的大口仔),都會不自覺"認為"自己對公司好重要,公司無左自己唔得。當有機會轉工、轉部門的時候,會經常覺得自己對公司、團隊唔住,唔想做二五仔云云。

你以為自己好叻?公司無左你唔得?SORRY,呢個只係一個美麗o既誤會!

朋友,唔好傻啦!雖然大部分公司都強調自己重視人材,但實情係大部分公司都只是志在達標。老闆最關心的是盈利能力、生產力,而不是你自我陶醉的"懷才不遇"或"義氣"。重視人材,係管理層創造出來穩定人心的"口號"而已。

大口仔想問,如果你唔能夠幫助公司達標,又或者公司認為其他人可以輕易取代你,將你投閒置散都無所謂的話,你估公司會唔會因為開除你而有一絲內疚?

希望大家明白,如果你同老闆無親無故,又無特別背境,百份之99%以上的老闆都唔會將你個人的事業發展放在第一位 (甚至係第二、三、四、五位....下刪一百字)。佢地只會關心你幫唔幫到佢,而唔會關心你的事業。如果佢地要提拔你,一定係因為你的升級在某程度上會幫助到佢達到某種目標,或者有某種象徵義意佢先會咁做....

大家千萬唔好對自己老闆有不設實際的遐想、假設(例如老闆會照顧我、幫我等),唔該!

5 則留言:

匿名 說...

做乜咁大感觸?

阿爾伯特 說...

出黎做野都係搵兩餐而矣。

冇永遠既敵人,冇永遠既朋友。

凡事忍讓,忌鋒芒畢露,忌搶老板鋒頭,忌得罪小人,同女同事打好關係。

打工,唔太難頂就算ga la,最終都係儲舊餞傍身.....

N/A 說...

從來無想過同老闆講感情

大家都只係各取所需 !

yy 說...

认同^^

互惠互利,正常的^^

大口仔 說...

Auto:
大口仔想同大家分享職場上的心得,公司從來都不重視員工呢個事實,作為員工是一定要知的。

Albert:
"凡事忍讓,忌鋒芒畢露,忌搶老板鋒頭,忌得罪小人,同女同事打好關係。"

你呢段已經夠大口仔寫幾篇文呢!haha

巴林:
好一句各取所需,但又有幾多人了解老闆需要乜呢?

yy:
係好正常的,有好多人想事業上有發展但又從來都沒有去想公司或老闆的需要,何其傻?

Related Posts with Thumbnails