開源節流 (三之三）

想開源，好多時都不是一時三刻可以做到。相對地，透過節流去增加自由現金流的難度會較少。如果你未結婚生仔又未置業，大口仔相信你一個月下來大部分的個人支出都有彈性縮減。

問題係，你會唔會咁做？

如果你有理財目標，又已經為自己做了個人的財務報表，知道自己每月流入或流出的情況，但仍然選擇乜都唔做，我諗無人可以幫到你。相反，好多時理財都係事在人為的，如果你剛剛出來工作，收入相對較少，但又想儲錢讀個MASTER幫自己增值，你可以點呢？

俾著我就會在可能的情況下搵返份兼職，盡量增加收入，另一方面盡量節約，少花錢去吃喝玩樂、買衫褲鞋襪、同女友商量以盡量慳錢的方法拍拖，不要只顧面子而放棄為自己增值，更上一層樓的理想。

講真，有時大口仔睇到剛出來工作的年青人都真係幾揮霍，女仔就買衫個個月幾千、男仔賭波賭馬打機去蒲都係最少幾千，試問咁樣的生活方法有冇可能短時間內儲到第一筆資金去理財增值呢？更枉論可以把握到十年或二十年一遇的黃金機會。

隨住年紀越大負擔只會越重，如果揮霍的生活習慣於年青時後樣成，往後的日子可以儲到錢的機會只會越微。一個人工作收入增長的黃金期大約只有二十年左右 (25 - 45歲)，如果年輕時唔把握機會將非工作收入增加，到踏入45歲後的生活壓力將會越來越大。

其實要為自己節流可以好簡單，方法係盡量將自己的生活變得簡單。

不要盲目追求一些有人我有的物品，例如手機，係咪一出新款就要買一部先叫做追上潮流呢？又例如女士們的鞋，係咪要每季都要買對新的，每年買3-4對新鞋先可以襯到衫返工呢？按自己的能力逐步提高自己的生活水準，不要在能力不足的情況下，透過信用卡將自己的未來收入"透支"，講俗D即係"打腫塊面充肥佬"，到你適應左較高的生活水平，你要行返轉頭將會好難。

當然，大口仔不是叫大家去過苦行僧式的生活，有些錢是應洗得洗的。基本的生活費，食飯去街錢，如果能力許可又無特別儲錢目標其實不用太吝惜自己同家人。我建議大家預留工作收入的20-30%作投資之用已經足夠，除非你有特定用錢項目，如剛才提到要儲錢讀MASTER，咁又另作別論，因為讀書係增值自己，越早做便越大機會盡早提高自己的工作收入，增加自己的自由現金流。

相關文章：

農曆新年、鏗鏘集、綜援
你財理財
開源節流 (三之一）
開源節流 (三之二）