2008年5月18日星期日

大口仔不買御龍山


上星期抽時間到奧海城參觀近期熱賣的沙田新樓盤─御龍山。看之前有期望,因為火岸雖然不是傳統豪宅區,但畢竟位處火岸港鐵站對面,又鄰近新建成的8號幹線,心想如果盤內間格及樓價合理的話都不失為一個好選擇。

可惜,當大口仔看完示範單位,最重要睇埋售樓書,一切幻想立刻煙消雲散....

如果你對御龍山有興趣,有幾點值得你留意....

  1. 發展商以建築面積公佈御龍山呎價為$6,500至$28,000以上,約以$6,500一呎計,御龍山的售價看似合理。不過....
  2. 全個屋宛最好的單位座向應為FLAT "A"同FLAT "B",因為兩者都是向馬場或河景單位,售價如以銷售面積計全都超過$12,000一呎,大單位甚至去到$20,000一呎 (未計特色單位)。
  3. 其餘FLAT "C"、FLAT"D"同FLAT"E"都是向港鐵大廈或火岸工廠景,呎價如以銷售面積計亦全超過$10,000一呎。
  4. 記住,銷售面積包括露台、工作平台及窗台,如以政府剛修定的售樓例計算呎價,請將上述提到的價錢加多10%唔該。
  5. 御龍山標榜特豪的屋宛會所,但據售樓書資料透露,會所一邊向馬場景,另一邊向銀禧花園,住戶使用會所設施時有機會同銀禧花園的住戶打招呼。
  6. 御龍山位置實際上離沙田馬場甚遠,全屋宛只有第9座同第10座可以正面向馬場,但就算係咁,都係好遠呀....
  7. 其他座數暫時面向奧運馬術比賽場地,據蘋果日報透露,奧運完結後該場地會起綜合大樓,樓高約20層,座樓低的單位有改變優質景觀的危險。
  8. 因為實用面積偏低,御龍山的睡房面積比較細,過千呎單位的主人房可能比舊樓的700呎的還要細小。發展商好有心思,特別訂做了約一張5呎3吋長(一般為6呎3吋長)的睡床放於示範單位內,以增加空間感。但比較高的業主(如大口仔有5呎11吋高),要有腳長過床同腳頂床尾電視的心理準備。
  9. 屋宛一半被火岸工廠包圍,請不要被發展商的宣傳圖片(上圖)誤導。
可能係大口仔對御龍山的期望過高,又可能係我有吃不到的葡萄是酸的關係(無錢買),如果要大口仔用超過$11,000一呎銷售面積的價錢去買御龍山,大口仔情願用$6,500一呎買駿景園,然後用多一百萬按自己的心水豪裝單位自住,又可無任何變數地享受沙田馬場"正面"景觀。

由於工作繁忙的關係,住客會所多數只能在週末享用,但大口仔又不想一邊行公園,一邊同銀禧住戶揮手,都係....算吧啦....

最重要係....大口仔身長過5呎,接受唔到腳長過床的事情發生在自己身上,各位有興趣可以到奧海城參觀,領略發展商售樓的心思,包保過癮!

相關文章:

6 則留言:

Murciélago@Australia 說...

第一次看到廣告時,已深感離馬場有一段距離。昨日去踩單車再留意,才發覺即使駿景園也不是完全對正馬場,銀禧花園還有個銀禧彎看看,御龍山的住客應該要用望遠鏡......

大口仔 說...

祖祖:GOOD IDEA!建議信置為買家加送望遠鏡,呎價應可再推高$100一呎!

Murciélago@Australia 說...

發展商可以用一支OZ 100X 的鏡頭影相, 然後指其為單位內可見之景觀

大口仔 說...

祖祖:大口仔一向對發展商的賣樓手法好反感,經常有意無意誤導買家。當然買家最後有賺頭就皆大歡喜,但一個唔覺意地產商調低售價,買家真係喊都無謂。

山芭佬 說...

山芭佬有时看港剧或TVB节目,睇到你地D楼价真的会庆幸自己不是住在HK.哈!要不然,我呢一世都不用指意可以有自己的"家".
山芭佬在2006年也向银行"租"左一间屋(因是向银行贷款,所以用租比较合适!)讲出来可能会吓亲你地.么甘经济嘅?哈!

P/S顺便送蛋鼓励鼓励!

大口仔 說...

山芭佬:謝謝!香港買樓真係好貴,買錯了隨時無左一年人工。

Related Posts with Thumbnails