明天我不會投票....
大口仔話得特首無GUTSY，自己又怎會拖拖拉拉的隱藏自己的投票意向？預計會收到很積極的回應，但我還是需要坦白承認明天我一點投票意欲都沒有。
先旨聲明，大口仔自獲得投票權後的每一年都有行駛公民權，亦清楚理解何謂公民權利。在普選的問題上，香港人一向壁壘分明，根本不用攪甚麼公投去證明甚麼。對於這次補選，我不表贊同的原因簡單不過，因為我反對浪費1.5億公帑去進行這次所謂的"變相"公投。
我相信那1.5億拿去青海救災來得比較有建設性。
2010年5月15日星期六
GUTSY (2)
訂閱：
發佈留言 (Atom)
![[Most Recent Quotes from www.kitco.com]](http://www.kitconet.com/images/quote.gif)
63 則留言:
但係比青海9成都攞返嚟香港炒樓...
我尊重blog 主的意向
但又一次全民公投, 又何以知道 多數人的意向? 靠本港xx大學的幾千人調查? 或靠800人選出來的曾先生? 或者以上的已可以代表大家的意向而不投票? 可能同大家的背景有關而不投票?
我個人會投白票, 就算只係白票我都要投. 我不認同社民連太急進.
//在普選的問題上，香港人一向壁壘分明，根本不用攪甚麼公投去證明甚麼。
假如香港人支持普選是十分明確的事實，那麼功能組別這個問題又如何？
香港人支持普選, 但是我不支持急進地推行。許多問題普選不能解決, 同時普選亦有不少問題。
//香港人支持普選, 但是我不支持急進地推行。
５年算不算急？
１０年算不算急？
２０年算不算急？
誰人知道什麼是急？
誰人知道港人認為什麼是急？
//許多問題普選不能解決, 同時普選亦有不少問題。
從來沒有任何東西是萬能的．普選只是個好的大方向．
奇怪, HKeric 好像知道全部HK人的意願, 亦知道所有事物的互動輕重。
功能組別確有問題，不過那些所謂有民意基礎的直選議員質素也不見得好到那裡。
11:30 X 2
投票是公民的權利與義務, 放棄投票就是沒盡公民的責任, 嚴重的或誇張的說一句, 閣下的人生會因而染上一個污點.
此外, 用1.5億元公帑進行補選或變相公投, 此乃已出之物, 即是sunk cost, 絕對不應影響閣下投票與否的決定.
516唔投票，死人都唔投。
成了罪人, 真可怕! 人有選擇使用權利的自由。
11:40得，你投你的票。
我唔投票啫，關你咩事喎，
點解你會話係人生污點呀?
我都無話你投票係你死蠢啦。
(SORRY，我無禮，收番。)
(拿拿拿，你唔好又回我話我無恥呀。)
(我會再回你話你白痴嫁。)
"即是sunk cost, 絕對不應影響閣下投票與否的決定" -- 只是這次的sunk cost.唔投是想避免下次的sunk cost。
11:46你個留言就真係令人可怕。
無啦啦關咩成了罪人，真可怕呀????
我睇到眼突突。
(不過好快笑到肚鬈鬈。)
成了罪人 -- 是因為我明天唔投票, 11:40 說:"閣下的人生會因而染上一個污點."
好快笑到肚鬈鬈X2
大口仔你是一個意志堅定的人, 你的決定我只能說你如果聽日落街買生果,咁Q 經過入埋去都唔會花你好多時間下話? 不過我想信都不會你不會改變你的意見
我有好多東西都不會, 但我明一樣野叫GAME THEORY , 現在中央給香港咁多恩惠, 又RMB OFFSHORE BANKING, 又自由行, 又CEPA, 是因為一樣野, 因為香港就好似一隻未柀Tamed 的野獸, 怕我們有朝一天會發狂咬人, 所以給我們肉,水, 又把上海這隻大狗鎖在圍中, 不讓他們跟我們搶食住
但當中央知道我們已毫無反抗力, 你估下會發生什麼事? 他們只要知道我們在DECISION TREE 下面沒反抗這一項, The best strategy is to put this beast under the knife.
我唔知如大口仔般理性的人為何會講不如將如1.5億送去青海的說話, 我真是唔明白
那你為何不寫不把上海搞EXPO的錢給給青海
或者將中國買美債的一少部分給青海, 我真的不明白, 你是認為香港的自由己去到由我們特首行使白色恐怖叫大家唔去投票的程度不夠嚴重,還是什麼呢? 如果你說我怕中央會在票站點我相, 以後我返唔到大陸, 我會明白, 因為我都有些害怕, 但我會寧願你保持靜默
我今日寫了這些說話,恐怕有一天當23條通過之後, 我會因顛覆國家的罪名被破門送進牢獄, 但我想為下一代做一些事,力量可能很小, 但我都還是想做
點解會係污點? 明明可以用選票表逹自己就唔去, 情願跟一個小圈子政府的做法唔投票以為好威. 星期一返工咪又係回歸現實, 不能從政府爭取應有的東西.
希望有日你們會因為到公家醫院然後上報紙.
好快笑到肚鬈鬈?!
玩野辭職+玩野補選+玩野公投，
你投????你投囉。
SORRY，我無興趣投。
(經過我審慎既思考，我選擇玩棄權。)
支持大口仔
香港很自由, 特首有自由發表意見, 普通人有選擇使用權利的自由, "白色恐怖"? "我今日寫了這些說話,恐怕有一天當23條通過之後, 我會因顛覆國家的罪名被破門送進牢獄" ???"中央會在票站點我相, 以後我返唔到大陸"?????
太恐怖了, 我不是英雄, 516不出外, 沒辦法投票。
12:10你會唔會諗多左呀?
夜喇，乖啦，瞓啦。
瞓醒覺會好D，瞓夠，就買D好野食下，
打下波，足下棋，游下水，睇下電視，
個人都會醒D，開心D，積極D，樂觀D嫁。
GN。
12:24唔洗怕，你私下寫在你的私人日記上，
唔好公開，無人知，就無事嫁。
再唔係，對住個樹LOAN講，都得既，
再唔係，對住你老婆係佢耳仔邊講，都得啫。
乖啦，係時候瞓喇。
GN。
(將來，就算將來23條通過，
咁好簡單啫，咪講少兩句，唔洗死既。
唔俾你遊行，咪唔行，番大陸自由行囉。。。。)
http://www.youtube.com/watch?v=x6BpUtSPEhw
公投收皮!
公投收皮!=>非常有想像力, 製作背後目的明顯,對兒童可能產生影響
12:35, 人地唔認同你得唔得? 唔投得唔得?究竟有冇人權同聞煮架???
我唔係12:24
12:49好好好，投，得，你投，無人阻你。
你話咩就咩啦。
你係咪個D好鍾意上街呀遊行呀示威呀果D人呀?
好好好，你去爭取人權，好好好，你地增取民主。
不過，你記得要依從基本法，咩都要和平進行...
唔好犯法...唔好難為D差人...你地對住D差人大叫...唉...隨得你地鍾意啦吓...
你鍾意玩命，唔通唔俾你玩咩...
你大唔透，諗唔通，不自由，無寧死...
你要死，唔通真係唔俾你死咩...
好好好，你去投你的票啦吓，無人阻你。
(你想死就早死啦吓，無人阻你，OK?)
首先1.5億唔係白費的!呢d錢大部份落係公務員手上,只能說係財富轉移罷! 就算你話係白費...1.5億除返7百萬人...每人都係畀一張二蚊雞!跟據廿蚊張話最好最低工資定係廿蚊...每個人都係白做一個鐘吧! 1.5億可以講到天咁大...亦到可以係誠哥打個乞都無咗! 所以覺得...所係唔該唔到用黎做point吧!
你話港人對普選對廢除功能組別有明確意向...但我睇到以上咁多留言...老實講我真係feel唔到意向係乜? 係呢個社會己經變到你唔表態就代表你唔支持既情況下,唔通你真係認為表唔表態根本唔重要? 你真係覺得聽日完全無人投票...人地唔會話普選根本無人橕?
基本法寫明97之後會慢慢實施普選,但今夕是何年? 過了13年了...我唔係話要有就要即刻有...但最少你話我知幾何有吧? 時間表...無! 普選係有幾univeral and equal? 無人會話你知! 看完你對買樓想法,相信大口仔係一個相信吧! 我只相信...去爭取唔代表會爭取到...但唔爭取就一定係無!
投票係公民權利,你唔投只係放棄你個人權利了吧! 我可以講...我係公務員...聽日會係票站做polling officer...聽日lunch 唔食飯都一定搭返車返屋企樓下投票...然後即趕返去開工...可能你覺得我係傻仔...但問心...我自己覺係想係香港仍然有得救既情況下做返d野! 願大家過一個不平凡的516!
1:20大佬呀，你去投啦，都無人阻你。
你做咩死唔斷氣咁，講完又講，講完又講。
得喇，你老婆係全世界最靚既女人，得喇，
收到喇。你瞓啦，你聽日仲要去投票嫁。
祝你身體健康，周年旺相啦吓。
如果普選產生的特首, 質素和那些所謂有民意基礎的直選議員一樣, 我不急推行普選。唔投唔係放棄權利, 是明確表達對玩野辭職+玩野補選+玩野公投的反對, 這對HK進一步的民主發展是好的
11:30 x3
11:43 x2
1:38(1) x2
1:38(2) x2
1:38(1)X 2
講真，1:38(1)既前半截，我唔係好明佢想講咩?
係佢有語障?定係我有智障?定係兩個都有可能係?好頭痕添。
選擇不投票需要很大的勇氣~亦都經過理性分析~我絕對尊重~支持大口仔
1:20 "我自己覺係想係香港仍然有得救既情況下做返d野!"
香港怎麼沒得救!!??莫名其妙!!英國統治時你有什麼東西可以投呀?那時的港督你有份投?
現在香港就是因為有社民連,'民主'黨那班唯恐天下不亂的人在不停挑撥是非，又有你們這群自以為事的'有識'之士在自我放大。"做返d野!"那就請你做一D有建設性的事。
絕對同意 "咩都要和平進行...唔好犯法...唔好難為D差人."
1.38, 贊同你某部分的見解, 如果由現今那批政客黎領導香港, 香港一定die hard. 他們只懂以親中, 民主, 或基層呢三方面的事來撈著油水. 但我覺得要有好既政治人才, 亦都要有適合既土壤, 現在特首不由我地揀, 立法會既民選議員又作用有限, 在香港的發展路向上根本沒有發揮既空間. 政制循序漸進的發展方式是好, 但現在政府所提出的"循序漸進"確是又看不了有什麼進, 只是不斷地局限著民選議員的發揮空間. 沒有那天的七一大遊行, 廿三條已立了; 我相信如果我們不去走出來展示出對民主的渴求, 亦都是難以得來, 最終五十年不變的便是政制了.
明天補選, 白票或許是我的選擇, 既可表達了我對民主的訴求, 亦表達了對政客的不滿.
2.24, 公開地表達自己投票的意願確是需要很大的勇氣, 所以blog 主大口仔投不投票, 我都很尊重他. 我覺得現在香港社會少了一點包容性, 少了一點平心靜氣的討論
各位打工仔同老板，有幾可supplier會主動比好處你？因為你乖？
9:47: 跟supplier 作對, supplier 會提供好處?
當你仲有能力抗爭, 去爭取你應有既幸福, 你唔去.
等到你冇能力抗爭時, 人地會唔會自動咁俾幸福你?
"國民若不經常提醒其統治者他們依然具有反抗的精神, 則此國又怎能保其自由於不墮?"--------傑佛遜
2:35
同意你的上半part。
不過，你投白票，佢地話等於支持佢地喎。我都支持民主和普選，但唔支持呢要騎刦我嘅人。
23條，我有唔同意見。如果真係咁怕老共，唔立23條就死蠢，因為有朝一日，真係「行差踏錯」，俾人塔起，咁就無23條侍候，要用國安法侍候，要park架。
贊同5月16日上午2:35匿名君的意見, 沒有七一大遊行, 廿三條惡法已經立了, 香港加快成為溫水中煮熟的青蛙. 如果我們不站出來展示對民主的渴求, 珍惜每一次投票的機會, 政治制度更加難有寸進.
今天補選, 我已經投了票, 盡了公民的基本責任, 也在自己的人生履歷表上添寫不可或缺的一頁, 可以無愧無怍, 不怕將來子孫詰問. 對於今天決定不投票的民主派人士(我對保皇派全無期望), 我會對他們說: 你將來必定會後悔的.
抗爭有幸福 ?? 我和女朋友僅有在唔抗爭時才有幸福, 選民選擇差異的部分原因來自對中國的見解, 中國是香港要度過日子的不理想女朋友, 還是令香港沒得救的敵人?每個人因為經驗的不同, 對中國未來發展的不同推測, 自然有不同見解, 討論的價值在識別差異,降低成見
柒加伍, 我是2:35. 其實我都不是反對立23 條, 而是反對立一條將警察權力無限擴大的23條惡法. 有時候想, 23條唔立, 反而給了親中人士一個口實. 立一條寬鬆既23條, 既可對內地說香港有尊重"一國", 希望內地亦會尊重"兩制", 也可釋除港人既疑慮. 但怎為之一條寬鬆既23條, 我就不知道了, 沒有這方面的知識.
選票俾唔俾到人騎劫, 我控制不了. 即使不去投票, 如果投票率得10%, 那班人有5%選票的話, 也肯定會說他們勝利了. 政客只會用對自己有利的方式去演譯一件事. 所以, 那麼倒不如自己去做返一件覺得應該做的事便算了.
不過當然, 我想投不投票沒有分對或錯, 因為每人的想法都有不同, 所著重的地方都有不同
"不怕將來子孫詰問 -- 普選可以解決子孫問題?這班亂花錢的民主派人士能帶來幸福? 問問希臘的年輕人 ! 同意2:35 "政制循序漸進的發展方式是好", 我認為民主派人士太急進.
同意柒加伍,唔支持呢要騎刦我嘅人 !普選時間表不是我的終極追求, 公義才是, 騎刦民意不公不義!!
實行普選不是萬能, 但可以為子孫解決許多問題. 民主派推動普選, 若能成功, 就能為中國人帶來幸福. 政制循序漸進近廿年, 不料在2004年被人大釋法阻撓直選比例增長, 令政制不能前進, 而民主派人士並不急進, 他們一直呼應全港約六成市民實行雙普選的渴求.
民主派人士的質素有問題, 亦是全港不少市民的意見, 甚至令人對普選的成效產生懷疑
Agree with 11:21 about" 騎刦民意不公不義" !
11:21 終於說出我的想說的意思,
我同意不投票....!!!
講道理要分主副、輕重，真理愈辯愈明。
功能組別是否彰顯公義?
當一個1000呎的地鋪租金要5、6拾萬/mth，而當在裡面工作的人苦苦爭取>$20/hr幾年而社會仍沒有共識時;
當社會gdp年年增長而貧窮家庭愈來愈多時，你知道這個政府已喪失了調控社會資源的功能。
為甚麼? 因為它已受制度保護，只要大財團同意，已夠票在立法會通過一般法案。
政府亂花費，罄竹難書。這此公投無論成敗，花1億多而給各人，特別是青少年上了一課公民教育，本人就覺得很便宜。
本人不是80后，也不喜歡那些民主政棍，我基本是這個社會的既得利益者。我只是根據本人認為的良知投票，希望為改變這個制度盡一點公民責任。
充滿政棍的民選政府可以調控社會資源, 令人人安居樂業? 必須先給政棍一個信息 -- 我們需要有品質的政治家
充滿政棍的民選政府總比充滿惡棍的非民選政府好, 至少, 政棍施政不得民心, 選民可在下次選舉時將之踢走.
9:22 匿名
1. 我們的政府不是民選的:)
2. 有品質的政治家怎出來？副局長、政治助理、功能組別?還是等亞爺委任算了:)
3. 香港是行政主導的，立法會基本是政府控制的，雖然有人唔同意
政棍惡棍都不好, 選民這次好像厭惡政棍多過惡棍!
9:29
絕對同意!
現有的選舉投票權就是我們這些小市民對議員的監察
當然我們儘快能監察特首(=政府) 就更加好
政棍惡棍都不好, 投票率顯示選民厭惡政棍多一些
拿1.5億去救災更好?
閣下知否港府上次捐了多少個十億去四川? 答案是超過二十億。閣下知否多少個億落了災民口袋? 多少個億落了貪官的口袋? 聽廣州南方都市報報道某災區的幹部紛紛換了歐洲進口高級房車。
你知港府撥了多少個佰億起高鐵? 答案是六佰多億, 若車站起在錦上路, 頂多是三佰億。
祇是1.5億而已!
"政棍惡棍都不好, 投票率顯示選民厭惡政棍多一些"
閣下所言差矣! 若非民選惡棍參與五區公投, 他們所繳交的五萬元按金, 相信必定被沒收. 當然, 他們不會亦不敢參與真正的選舉.
80% 選民不支持民主派人士 :)
引大陸同胞一句話：「今天的感觉就像是一个口渴的人看着别人把手里满满一瓶矿泉水随意地倒掉一样揪心...」
這是民意, 民主派人士上了一課公民教育
錯啦, 民主派人士永遠唔會錯, 唔會學習, 這是真正的民主, 我才上了一課公民教育
發佈留言