有網友問大口仔點解呢兩日無寫筆記，其實係因為一個朋友....
早兩日某死黨11點幾打電話俾我，接電話果刻自己已經有唔好既預感，因為我呢個朋友好少主動打動話俾人，無緣無故打黎一定有事，再加上佢打俾我之前已經失蹤左一年，以往佢每次必定出席的聚會佢都無再出席，所以同佢詳談之前我已經有心理準備。
果然不出所料，寒暄幾句之後，佢就問我借錢....
講真，借既數目唔係好大，就算當俾佢應急大口仔都無所謂，但再同佢傾深入D發覺佢既問題唔只係錢，仲有佢既理財態度，如果唔幫佢解決呢個問題，借多多錢俾佢都無用。
於是當晚同佢傾左好耐，勸佢勇敢企出來接受朋友既建議，用左唔少時間幫佢搜集"債務重組"既資料，再約佢出黎面對面傾。
咁樣做用左我唔少時間，但大口仔覺得值得！
2009年2月21日星期六
借錢 (1)
訂閱：
發佈留言 (Atom)
![[Most Recent Quotes from www.kitco.com]](http://www.kitconet.com/images/quote.gif)
8 則留言:
其實山芭佬唔系好想借錢俾D朋友，最大原因唔系因為怕他唔還錢，而系好多時候借左錢俾朋友后，結果連朋友都沒得做。所以避免會有甘嘅情形出現，山芭佬一直都唔會借錢俾朋友！得罪都唔怕。
如果他因為山芭佬唔借錢俾他就唔同山芭佬來往，甘其實呢個朋友號極都有限。
題外話：山芭佬前天又趁火打劫左匯豐，價錢在56.00.雖然有老友同山芭佬講話，最后就等個業績出來先，但山芭佬一D都唔驚，大佬！56.00哦！如果用PE（唔知你地叫什么！），重平過大馬嘅任何一間銀行。SO，點解唔投資？
大口兄又有D什么意見？
大口兄既態度岩,唔令佢面對問題單是借錢根本冇解決到問題!
大口兄真係夠朋友！
我覺得匯豐自已冇問題，但現在美歐把銀行國有化的趨勢有機會減低匯豐的兢爭優勢，使未來匯豐復甦減慢，甚至市佔率下降。
大口兄如何看？
一真都係cdr,睇左你個blog好耐, 多謝!
千祈唔好借錢比你朋友, 佢問得你借已經冇當你係朋友. 過來人經驗,一蚊都唔好借.
你代入向人借錢個角度諗下就會明, 連銀行都唔肯借錢比自己, 自身還款能力已經好有問題, 錢財身外物, 大不了破産從頭再來, 無謂連累朋友, 如果仲有當你係朋友... 唔通自己d錢先緊要, 朋友d錢唔緊要?
借錢俾朋友真係要預左他日無錢還兼無朋友做 !
x2!不過, "債務重組"既利息好高架!
借錢是否不當朋友,我不清楚,但人總有需要時候,不管係公司要流動現金,或銀行要預備金,借出去就要有心理不一定收得回來,特別是非生意收息那種.
最近借了錢給人,那人因為需要保證金那類,放在戶口兩三個月至交易完成,本身資金困在股市,現在提出將有隕.
剛有筆錢不等用就借了,我想是運氣,他沒有超出他的信用額,若要我借錢賣樓給他可能要想想,若手頭有先給他,還問題不大.
若他像劉備借荊州,就輸給他一次吧!
山芭佬：大口仔每個月都打劫，無打算停。
若缺齋老人： ^^
閒人：國有化的銀行無可能損害到匯豐，反而各國刻意押抵利息先慘。
發佈留言