一個題目能夠引起各位莫大反響自有其原因....
一日內多達20個留言代表了兩代人之間的落差。你覺得有怨無路訴嗎？他卻認為你活該，但其實，咱們都不自覺地夾在世代的隙縫間。
有怨氣的，請你在看到同世代人的控訴及上世代人的批評後，勇敢的繼續發表意見。想發炮的，請張開耳朵聽聽下世代人口中的委屈，然後不吝賜教。
早早說過，寫GenY不是要批判任何人，只是想以第三者的身份，理性地討論這個社會現象對職場的影響。大口仔有信心有能力更有資格做這場討論的中間人！因為，我生於GenX與GenY兩個世代的中間....
2009年2月2日星期一
Generation Y (外傳)
訂閱：
發佈留言 (Atom)
![[Most Recent Quotes from www.kitco.com]](http://www.kitconet.com/images/quote.gif)
9 則留言:
總有些人好腳頭，認為香港機遇處處，亦有些人會講未來十年黑過墨斗，兩派人根據佢地自己的context都係有道理的，問題係佢地講的未必關你事
人地唱好境，但你黑過墨斗的，想法子轉過另一處發展囉。反之，亦不用理會別人的雜音
最緊要係自己發展的眼光不拘泥於某一個城市，用自己人生作為一個城市沉淪的陪葬品，不值得
未經歷過沙士大學畢業出黎做野...見幾十份工先搵得一份六七千蚊既工...既generation x 憑什麼說 generation y 個個出世就含住金鎖匙唔駛憂柴憂米個個靠屋企? 老實講...早十年出世既generation x...機會處處...唔駛進修都搵份好工過優質生活! 換轉generation x一畢業就要同generation y同一處境...gen x 又可以打拚得好過gen y嗎? 老實講...又唔多覺
gen X 要學如何跟 gen Y 相處, 這個我很認同! 但我覺得不可以把兩個 gen 作比較, 就等如不可攞男人同女人黎比一樣, 男人覺得女人好唔講理, 女人又話男人成日掛住打機, etc. 無得比亦無得解, 只是各自去學如何與對方相處吧! gen X 的上一代 (gen W?) 咪一樣成日話我地 gen X 唔掂, 我老豆成日都話我亂買野唔儲錢... blah blah blah. this is so-called generation GAP~ HAHAAA
先講自己身份先: 我同樣都係生於GenX與GenY兩個世代的中間的人, 不過比Hana姐姐年紀輕少少。 :D
為了呢個回應呢個post, 我睇番晒所有廿多個留言同以上朋友的話, 其實沒有對和錯, 只有係面對轉變的環境時, 各generation的大致態度如何。
在至少十年的職場生涯中, 有幸和不同的generation合作過, 或者自己係做過多年HR, 見的人亦不會少得那裡, 因此對各位的看法, 我亦會理解和明白。
大口哥哥所指GenY的六個特點, 未必代表所有GenY的人都是如此(至少我曾經請過GenY的人作為員工, 同佢地合作過才知每個人的背景有好有無咁好, 當中有勤力亦有懶散的); 當然, 有些GenX的人亦有那六個特點的其中特質。
不論係甚麼Generation, 人會隨著不同的轉變和影響而改變, 例如家境、父母師長的影響和教導、朋友、社會觀念和環境和其他因素等。
無可否認, 早我們出來工作十多年或以上的人, 要找份工作未必需要學歷(有些會靠人事關係), 而且條件可能仲好好(例如長工, 雙糧和花紅等), 但來到現在, 大多請人時會注重學歷 + 經驗 + 臨場面試(甚至筆試)表現, 而employment terms & condition亦不再穩定和優厚。
讀唔到大學唔等於失敗, 反而要爭取機會半工半讀, 別給自己藉口, 因為當"碩士通街走, 學士多如狗"時, 意味著大學學歷已成為"職場入場證"。
就算俾您讀完大學入政府做公務員, 薪高糧準兼穩定, 但那裡的官僚文化和上頭的壓力(例如紀律部隊), 並非人人可以接受到。
有位大學講師同我講過: 大學讀工商管理未必幫到您入商界發展, 因為有些僱主唔一定係睇您讀有關的東西, 反而注重思考和創意----您睇好幾間會計師行請畢業生, 當中有人係讀文學和翻譯出身, 不懂會計嗎? 僱主會安排有關課程甚至會津貼埋考試, 當然一定要pass晒才得。 當然, 依家有無呢支歌仔唱, 不得而知了。
當時因家境問題, 中學畢業就要出來工作(大約十多年前), 當時亦正值失業率高企, 找工作困難, 試過三四個月做"量地官", 但幸好都找到份臨時工做, 加上累積經驗和兼讀一些文憑課程, 最後找到一份長工工作, 但都用了三年多時間。
個人覺得, 唔應該因為您係甚麼generation而有所限制或者隨波逐流, 最重要的係訂立事業目標, 做好自己本份之餘(包括努力工作和持續進修等), 亦要接受別人善意的批評來改善自己; 就算身處艱難的環境, 不論任何generation, 與其怨天怨任何人, 不如想辦法逆境求存。
gen w?看gen x, 跟gen x看gen y,感覺應該一樣. 人總會覺得"一蟹不如一蟹", 誰聽過有人說:"下一代所有質素均比我們這一代優勝多呢!"
我認為人遇挫折才會成長. 香港自戰後社會環境不斷提升, 十年的分別已是天壤之別. 成長環境變得越好, 相應遇挫折的機會越低. 少了挫折, 自然成長得不一樣. 故分別不在於當代人本身的質素, 而是成長的環境使然.
不是說70代的人一定比80代所遇的挫折多, 成長得一定更好. 70代也有比80代更不濟的溫室小花. 只是比例多寡的分別.
若然現在發生第三次大戰, 相信倖存的千禧代應該可以打破"一蟹不如一蟹"的定律, 比我們xyz都要強.
睇過好多gen y既年輕人意見,覺得他們認定香港is over.令我好感慨,好痛心.
我今年已三十幾,記得當年畢業,正值97年金融風暴,成個社會都好悲觀,我98年入左長江做,接觸好多負資產業主,俾佢地指住呢鬧,拍枱呢鬧,成個社會都好悲觀,當時我人工都係幾千,每日返9-11,星期日都返埋,好耐無放假.頂唔住既人就辭職走,我頂左兩年幾,由嘉湖,去到盈翠半島,再到翠擁華庭,又到......全部係大鑊盤,面對既負資產業主,好大壓力,但亦學到好多野.三年後,老板帶我轉公司,我已是部門主管了.
之後,自己再轉公司,見工一次就請我了.憑的就是過往寶貴的經驗.
期間,我還進修普通話,英語同管理.(學歷唔係一切,但有幫助.)
我地係由97年一路走到現在,唔係容易,但唔好怨天尤人,要自強.如果話香港game over,原因就係年輕一輩競爭力唔夠,輸俾內地學子,唔好話香港唔俾機會你,你有幾多料先,我接觸過內地學子,思想成熟,學習態度好,了解國家同世界發展,腦筋轉數又快,淨係英語差.仲唔努力d,俾人追過啦.
係度睇到香港年輕人既態度悲觀,淨係話香港無機會.我覺得如果你夠堅,係好差既環境都可以搵到食,都有人賞識你,適者生存.
我是82年出生，典型香港仔，家小時住公屋，爸媽只是小學畢業，只好努力讀書，依家係大家口中未死既Analyst,只係想講可能我地投身社會既依幾年，01 Tech Bubble, 03 SARS 同07 Financial Tsunami使到好多行業末完全復甦又死過，好多我覺得好聰明既朋友都有唔太好既際遇，但佢地每一個都好努力工作，我可以講既係GENY們大家一齊好好虛心學習(普通話超重要)，機會來時就唔會浪費la, 怨氣大無Q用，話香港玩完，你都係要係度工作，永遠都係會有成功同收皮既人...Good luck everyone!!
大家好，我是早前的84GenY(開好變成coding)
很多前輩的意見都看到了，令我了解深一點，原來艱難的日子早早就開始了。對前輩也要說聲多謝，因為或多或少我有得著。
小弟身邊缺乏有社會經驗的人，實在很羨暮那些有個CEO爸爸的人，教不出CEO兒子，也會“點”出一條明路，對職場生活也有好處。
世界每天在變，總有人認為會越變越差，亦有人會樂觀面對。但其實他們都在這個巨輪走不出來，可以做的只有承受。
有一點題外話想請教前輩們，近日小弟有轉行的想法，本身engineering degree畢業，轉行會計的話聽說要一個 conversion programme。如果順利的，26歲完成conversion programme再入行可行嗎?會不會年紀太大?
各位：多謝意見，大口仔的回應在週末再續。
84GenY：有心唔怕遲，26歲仲好後生，大把世界等緊你。
發佈留言