2009年2月15日星期日

Generation Y (4) - GenX有野講!

相對GenY的委屈,GenX則多數對GenY抱有負面態度....

1. GenX覺得GenY大多懶散,無方向無上進心。
2. GenX覺得GenY唔明白待人接物比學歷重要。
3. GenX覺得GenY主動性不強,往往要上司講到出口先會努力。
4. GenX覺得部份家境不好的GenY值得社會幫助。
5. GenX覺得GenY多抱有"老馮"心態,成日覺得社會同公司欠左佢....
6. GenX認為GenY與其花時間緬懷過去,不如努力現在。
7. GenX相信GenY都有好多種,好難一概而論,GenX都有不少"非常GenY"的....
8. GenX對GenY覺得香港Game Over好心痛,因為GenX的際遇非GenY口中的好,不少GenX都是捱出來的。

你同意GenX的看法嘛?

大口仔生於兩代人的隙縫間,上年又開始接手管理一大班GenY下屬,對GenY呢個題目自然滋味在心頭。寫呢個題目前,我努力回憶起自己的成長歷程,想像自己的背景同上一代(指60-70年代出生的前輩)有何分別,那些分別點樣影響我往後的行為等等。

寫之前以為自己想得好全面,點知....

睇完大家的留言,對GenY呢個題目又有更多新體會,你們所講的我不是全部同意,亦有自己的見解,之後我會用第一身及第三者的身份去同大家分享,亦會抽少少時間回應幾位GenY的留言。

5 則留言:

匿名 說...

我意見是:大批在高位的 Baby boomers 影響咗社會嘅接班,所以 Gen X 同 Gen Y 先睇大家唔順眼。

大口仔 說...

匿名:可能啦!但我更相信有更多切身原因影響了大家!

小花 說...

小花是GenY一員,比較好命,工作都算平穩。
小康之家,但家人堅持收入一半要上繳。
跟過60-70的上司,GenY及GenX。
比較下,覺得GenY有同你一齊行的感覺。
60-70就會同你分享,好似師徒咁。

現在的上司是GenX,成日都6點半過後叫你做野(office hour是朝九晩六),跟住自己行左去
淨係想你跟佢order做野,想你做Remote Robot,獲左就叫你食左佢
成日要你嘔橋,跟住以個人名義同老細或客攞彩
完全唔了解你地成班細做緊乜,例如一件事有幾多工序永世都唔知,所有事都以為你有叮噹法寶叮一聲做完
超愛玩msn+facebook,差不多次次你搵佢都係玩緊
除左玩,電腦上的word,excel,outlook都近乎唔識用,每一日都聽到佢急call IT人幫拖
成日迫你同佢食飯,好似自己一個人食飯唔得咁
對住一個咁的GenX,請問有咩人可以認真起來?有時望住自己仲可以對住佢笑,都覺得應該諗下搵番臨記做part time

註:小花本身跟的GenX頭係一個正常好人,但佢不敵此裙帶關係GenX尾,令小花陷入日日番工都掛住個笑樣,個心就灰到爆的情況,本來以為得小花一個咁黑仔,點知上星期同大學同學食飯,在座7個人,都數得出有一個咁的GenX係公司。結果成台都話要小心GenX
小花數自己個GenX上司,不是想話GenX點點點唔掂。而係覺得人同人之間係互動的,係咪一面倒GenY有問題,我覺得要公平一點

就正如如果我同我個GenX上司套入各GenX度,得出一個GenX大多裙帶,攞細著客,a字shoulder的結論,你會點諗?

小花 說...

但又成日問你,中間傾左咩terms,每次佢問,真係火都黎埋,想同佢講一句,我係小花唔係小蟲,唔會知你同人係無cc/fw我的email傾過乜

小花 說...

仲有一點,就係成日無啦啦係email loop度剔左你出黎,之後寫個summary叫你做乜做乜,扮神秘。最神奇的係之後會成日問你,中間傾左咩terms,每次佢問,真係火都黎埋,想同佢講一句,我係小花唔係小蟲,唔會知你同人係無cc/fw我的email傾過乜

但願小花下一個上司會係一個正常人

Related Posts with Thumbnails