2009年2月8日星期日

Generation Y (3) - GenY有野講!

首先,多謝各方好友踴躍發表意見,同大口仔預期一樣,GenY與非GenX之間擦出唔少火花。

我相信呢個題目長嗌長有,亦的確如一位讀者所言,上一輩永遠都係覺得一蟹不如一蟹,但咁樣唔代表大家唔需要去正視呢個問題。大口仔講呢個題目既目的,係要兩代人明白大家諗緊乜,點解會咁諗及呢樣野會點樣影響大家的職場發展。

寫呢篇之前一口氣睇返約30個份量相當的留言,當中以GenY的留言較多,大概係平常生活都領較過"前輩"的訓示,所以有感而發吧?究竟GenY有乜想講呢?

1. GenY都不是個個生於中產,所以有"草根GenY"的出現。
2. GenY對香港的黃金年代有概念,覺得當時機會處處,與現在的香港是天壤之別。
3. GenY大都認為香港已玩完、無優勢、迷失、無發揮空間、大陸人卻好平、好叻。
4. 基於3,GenY覺得就算讀到大學都無用,更枉論中五、中七畢業的景況了。
5. GenY對前路迷茫,因為社會上的工作都集中在金融及會計。
6. GenY覺得今日的香港,就算係24歲GenY版的林森池(哈!)都無發圍空間。
7. GenY的物質主義係上一代(GenX傳媒人?)做成的,被耳濡目染所至。
8. GenY出道後的路好難行,97金融風暴、IT Bubble、SARS、08金融海嘯,路難行但仍有一部分人好努力向上爬。
9. 有部分GenY覺得唔應該咁負面,乜都話社會錯,香港無機會可以北上發展。
10. GenY覺得GenX未經歷過SARS搵工的慘況,無資格批評GenY。

有漏請提出,下篇會講GenX or above點睇GenY!

當然,請繼續發表意見....

15 則留言:

匿名 說...

點解大家唔 mention 下 generation z?

GEN X 同 GEN Y, 中間夾住一把批廿幾歲O身份證為 Z 開首O既人士。

GEN Z 我覺得都唔應該忽視。

大口仔 說...

匿名:GenY指1980至1990出世的人,GenX指1970至1980出世的人。GenY及GenX的定義係全球性的,不單局限於香港,亦不是以身份證開首字母劃分。

1987's ERIK 說...

即係咁睇, 其實香港我又唔覺真係玩完既.
但genY 不應該只是將搵錢的眼光放在香港.

始終只靠香港塘水滾塘魚的方法去搵錢, 終有乾塘的一天!

我覺得genY 應該不只應依靠金融業, 當然入金融業也是無可厚非, 但請選一些是對外的金融業. 我不太懂分那些是對外的金融業. 總之不是靠財技去賺香港人錢, 而是賺外國人錢才對.

肥魚爸爸 說...

我覺得香港有沒有希望不是GenY獨有的問題,可能有更多40多嵗或以上的中年香港人對這個問題更害怕!
我覺得每一個成功的故事的背後縂有無數個不如的故事,雖説金融業是比較多機會,但只看到成功的故事而忽略那些不如意事就不是那麽好。
我小時候是住澳門的,當時父母覺得香港有前途所以在我11嵗時把我送來香港升學;而我的弟弟就繼續留澳升學。雖說我現在仍可養妻活兒,但若你問我若11嵗時我可自己選,我會否仍選來港升學呢?我真的不知道!

迷失天國 說...

大口仔, 當你提到沙士時的搵工情況, 我真的有點兒感慨, 我係生於GENX AND GENY之間的人士, 即1980年的人, 當年我大學U GRADUATE出來搵工, 我和我朋友大家都同一時間出來, 但我們沒有於過任何机會, 若是我, 我想我有資格批評, 當年我走出來, 一心想成乜註冊乜師物師咁樣, 但看到事況不好, 只願在沙士GRADUATE出來搵工的時間, SALARY 只接受約6000元的人工。 但經過數年的時間, 人工己有2-3倍的升幅, 更已和愛人成了家。 所以在現今的市場, 不要介意當下的人工, 著眼點應放在工作上的前途和發展机會, 希望GENY要好好把握這個危中的机會。

匿名 說...

都幾認同迷失天國的觀點﹐我同他一樣﹐我都係沙士那一年大學畢業﹐第一份工人工係 $6500﹐現在工作五年﹐人工才是 $20K﹐不算成功人士﹐但我也就快成家立室﹐我認為 GenX 和 GenY 都太過重視香港的過去了!

無論 GenX 過去的經濟環境有幾風光﹐GenY 面對的經濟還境有幾困難﹐大家都應該活在當下﹐畢竟一將攻城萬骨枯﹐無論那一時代成功的人永遠只是小數﹐不如將時間放在考慮自身的未來﹐好過論述環境歷史的變遷﹐而且人人都應該明白成功是沒有方程式的﹐就算俾你係那一個時代出身﹐你也未必是成功那一個。

1982出生 說...

"無論那一時代成功的人永遠只是小數" -->完全同意

抱怨完你會大模斯樣諗,"根本唔係我既問題/努力都係白費, 不如唔好努力", 即係合理化自己既懶散, o個一晚 (or 好多晚) 你會訓得好舒服, 因為問題已經"解決"左, 到最後除左令自己變成怨天尤人之外一無所獲 (e.g. 董建華變成出氣袋)

我相信發展人脈比勤力工作重要, 但不善交際, 亦怕 greater power greater responsibility, 知道自己難有大作為, 所以去做公營機構, 用合理時間換取合理薪酬, 自得其樂, 買野唔會人有我有, 追名牌, weekend 睇書探索歷史點樣影響今日既世界, 而唔係人地講乜就照抄, 當成自己既座右銘/懶惰既藉口

no offense, 真正想懶既人係會用腦既

1982出生 說...

之前份工返大陸返到怕, 亦係我揀公營機構既一個原因, 我知自己想要D乜, 可以付出既代價係乜, 亦唔會要求阿爺強制內地公司既駐港員工佔10% (誇張既比喻)

想講既係, 如果外面有機會你唔去爭取, 係都要個機會擺係你面前, 再有個CEO阿爸教你點把握呢個機會, 不如去買draw-six 好過...

匿名 說...

一路都覺得係大口仔筆記學到好多關於銀行的野,可惜睇到閣下講GEN Y有少少不滿…

首先講下我自己先,我82年出世,04年副學士畢業,出來第一份工都係6500一個月,之後用左年半時間完成part-time degree,再返工儲多兩年錢過左澳洲讀master。人工當時都係升左2,3倍,但我覺得根本不值一提。眼望住仲有一年畢業,再做多幾年野就可以考到建築師牌,人工應該可以再翻一翻,點知e家又遇著海嘯,澳洲呢邊都一樣受影響。

到底我想講咩呢? 其實,大家都幾難否認香港草根個班年青人覺得睇唔到將來,我自問都算幾勤力,為左學費同工作幾乎可以話無乜社交生活,大時大節時大多數時候都係工作同讀書中渡過。我自信自己都算好彩,捱過呢個浪的話,要過住小康的生活應該唔成問題。但其他行業呢?

我先講專業,做醫生的話好似還不錯的,但其他律師會計師之類,如果大家有睇若缺齋應該都對個收入有d慨念…當然,你可以話收入低左因為入行易過以前,但掉返轉我又諗,連呢d過往專業的收入都咁,我地作為80後,點鼓勵90後班年青人勤力讀書? 好似特首講咁成也金融敗也制造呀? 先唔好論e家金融業都大栽員,唔通香港幾百萬人都可以做Ibank? (banker,private bank有d位自己無d家底幾叻都入唔到罷?) 根本問題係香港係過去十多年來行錯左,諗住靠金融一條水養得起全部人。大家睇日本,經濟衰左咁多年,但有制造業養住d工人,由車到電器產品可以外銷,仲有各種娛樂事業、品牌,一樣衰都仲有其他可以撐住

其實,董建華時的方向比較好的,至少有提出過多元經濟,可惜執行時衰左,出現左數碼港呢個地產鬧戲。

到十幾年後,一個出身草根的專業人士過左30幾歲都唔知有無條件買樓…到底大家想數佢唔勤力呢? 還是個時先醒覺香港行錯左?

winninglover 說...

對於1987's ERIK 的意見,我非常認同!單靠金融業真的不行, 即係don't put all the eggs into one basket的道理!

然而香港MARKET實在太少, 就算中央政府點撐香港, 我覺得點都要有靠自己多D, 萬一第二時中央有變卦, 香港都有兩手準備!

外商來港投資一定是利多於弊的, 但如何吸引外商來港投資真的是一個好問題!首先政府政策要配合, 樣樣野政府都議而不決,決而不行, 真係咩好既時機都錯過晒啦...其次是人才, ALL-ROUNDED既人才點都會好過SPECIALIZED既人才, 如果香港人能嘗試去接觸唔同既知識, E.G. 不同語言, 電腦...係有幫助!

genius13hk 說...

我說一說我的個人經歷吧!小分Gen Y人,1982年出世,自單親家庭長大,生活未至於連飯都沒有得吃,但算是清貧.中學選科本來可以入最多人爭的理科,但我最終選了商科,F4開始立志加入金融業.會考13分,Alevel repeat過一年,本地大學畢業,BBA Finance.自小其實不太愛讀書,但一直相信勤奮可改變命運.F4開始留意股票,準備了七年,大學Year 2第一次真金白銀買股票.別人讀書我看年報,別人看漫畫我看經濟書,大學有時走堂自己在房間研究股票與經濟.
2005年畢業後加入大口仔最愛的銀行工作,任職小小環球市場交易員,人工平均$30000一個月.2007年從股票市場獲得第一個一百萬,2008年獲得第二個一百萬.奉行長線投資.深信努力人人可以做股神,可以改變命運.熱愛中國投資環境.認為香港不是完全沒有機會,只是比以前少了,捉得緊一樣可以發圍.曾經有機會進入投資銀行工作,基於個人對投資銀行沒好感放棄了.時常希望身邊的人都有正確投資態度,有時會以真金白銀去將信息帶出.理想是成主慈善機金造福世人.希望擁有自己幸福家庭,曾經支助拍拖七年的女朋友到日本讀書,可惜一去沒回頭,感情就此無疾而終.下半生沒多大理想,最想為身邊的人謀幸福!深信一個人的努力,可以令多人受惠.
我就是這樣的Gen Y.朋友都說我比較傳奇.
還有一樣,我敬重大口仔投資態度,一直認為態度比技巧重要.

匿名 說...

來自84 GenY
幾認同樓上 82年的睇法,現在年青人的生活要不就不思追取,但有一部份人也是努力向上爬。但往上爬的生活就是:

大學畢業一筆grant loan 要還,要比"家用",少少幾百大元的保險,再加上自己的使費,經濟好時月入一萬多一點是沒多少個錢剩的。儲到1x萬了就想想讀Master,可能會有好一點的發展,甚麼!? 一個Master of Finance 13萬? HKU的還要16萬!!?普通一個Master都7-10萬。儲到錢讀Master 25歲(要好節儉)最最順利讀完Master 27歲,由頭再儲過,工作由底做起。結婚!? 買樓!? 旅行!?
現在的社會就是這樣囉,還未賺到錢,錢就已被吸盡。

Siu Kwong 說...

小弟81年出生的,想發表一下意見.
首先小弟不想作甚麼平反之類,因為我覺得每一代必然會睇下一代唔順眼.小弟就極之睇現在的年青人(90's)唔順眼.
小弟想談談用自己的經驗解釋一下為何我(們)會頹廢,迷茫,負面.小弟無做甚麼統計,純粹以己度人,估計其他同輩身處類似環境,情況應略有相同,所以有錯請指正.

感覺上,我認為80-90年代是機會處處的.因為大學生較少,小職員有大量升職機會;但現在我眼中的情況是:太多大學生,每年幾千人從大學的工商管理畢業,升職?幾時輪到小職員.老闆一登廣告,幾十位fresh grad.撲過黎,有幾已經有三四年經驗,間中還會出現碩士.機會,老闆不會給你.
雖然上述情況並非必然,因為有很多願意俾機會的老闆,而且也可以進修,不過最大問題是我(們)未打先輸,心理上已經輸人一籌,所以我(們)會"好灰咁進修,好灰咁生活工作".當上司離任,我"好灰咁"睇住幾十位大學畢業生來見工.當我成日都"好灰咁款",或多或少都影響到表現,影響到別人對我的觀感.無錯,我(們)仍然會上進,勤力,不過感覺上"頹廢",所以老闆上司(即是gen x)會覺得我(們)消極無上進心.而當他們"做細"時點解能夠積極樂觀呢?因為他們知道經理跳槽/升職,老闆未必請到大學生,咁我就有機會啦.
我(們)都不想有消極的心態,但是職場上"學歷為王",我們看在眼裏,又如何不灰呢?
上述是小環境,大趨勢又如何?80-90年代大陸封閉,人民普遍知識水平不高,幾乎所有對外商貿都經香港對外.物流,進出口貿易在當時養活無數家庭(未講輕工業).但現在,大陸改革開放已有十年,漸見成績,有自己的基建設施(深水港),有自己的人才,已經不用靠香港進出口,相關行業陸續萎縮,加上工廠北移,香港被迫轉型.金融財經,服務性行業比重大增,這幾條活路,又幾時會被大陸取代呢?小弟愚且魯,認為香港以前的優勢,是源自中國的封閉落後,中國開放進步起來,香港跟中國一般城市無分別.眼見大趨勢如此,我(們)這群未上岸,仍在職場上載浮載沉的小蝦小蟹自然心膽俱裂.
如果樂觀積極是上一代的寫照,灰暗迷茫就是我(們)的代名詞.這並不是我們自身性格或者價值觀造成這種差別,而是由大環境塑造而成.
小弟其實對自己的情況早已感到十分痛苦自責,但面對大環境,那種無能為力的感覺完全使人有種欲問蒼天天不語的無奈,所以希望各位前輩多多體諒包容.

p.s.小弟大學理科(非工程)畢業,可想中五中七畢業的同輩的想法是如何負面了.

大口仔 說...

討論仍然非常熱烈,講真,大口仔好開心見到呢個題目有咁多人踴躍發表意見,有少少"香港仲有希望既感覺"。

新的意見有正面有負面,歸納後我會再出POST同大家分享,下一篇會講一講GenX對GenY的睇法。

另外,有一位匿名朋友講,睇大口仔講GenY有少少不滿,我唔知不滿係來自最新呢篇"GenY有野講"定之前的文章,如果係"GenY有野講"呢篇我諗你捉錯用神,因為意見係來自GenY,唔代表大口仔看法。

如果係來自之前有關大口仔留意到GenY成長的普遍現象,咁就無辦法,因為我真係覺得我地呢一輩多數在那些大環境下長大。不過我唔介意你不滿,因為大口仔筆記一向不追求大同,只追求和而不同。謝了~

馬騮女 說...

我係80年出世,沙士嗰陣畢業嘅草根GenY.自細係讀精英班長大.

當年環境同宜家差唔多,畢業搵就份份工都俾人搵笨,遇過好多無良顧主,試過一年做咗六份工,咁嘅日子我都過咗兩年幾,嗰陣嘅失落,徬徨,壓力仲好記得.

我都有我嘅dream job,我都有好努力咁試,但係結果都做唔到,不過都入咗dream company做嘢,好開心同滿足,咁就一做做咗四年,當中轉過一次posting,宜家都唔想走住.

我好想同大家講,GenY其實由細到大都係壓力之下成長,俾人催谷之下長大,所以缺乏自發性其實係俾人迫到厭.之前做嘢見過咁多無良顧主,自然保護色重,唔會咁傻咩都為公司,同埋講金講實際.

近期畢業嘅同學唔好灰心,記住你哋嘅夢,努力同勇敢去試,終有一日會做到!我哋幾個沙士畢業都努力兩到三年先穩定,你哋都可以o架!

大家都要加油~!!!

Related Posts with Thumbnails