匯控2008年全年業績及管理層報告 (業績預告)

又到一年一度匯豐公布全年業績的大日子，除了慣常的檢視公司的營運情況，大口仔相信今年匯豐的業績公布對股東來說有更深層的意義。

究竟投行對匯豐的分析是否準確呢？匯豐是否要供股？派息要減少嗎？

大口仔無水晶球，只能從有限的二手資料加上匯豐其他同業盡量估計匯豐2008年的全年表現，但正如不少專業的分析員所講，要百份百掌握匯豐的營運情況，要推測匯豐對上述問題的回應及最後公布的數字，事實係....近乎無可能。

有幾點因素導致這"近乎無可能"(特別係2008年)的局面，包括：

1. 外間無可能知道匯豐最後會為貸款組合撥備幾多，充其量可估到"最少撥備幾多"，但估不到最多撥備幾多"，那大家說匯豐的盈利該如何去估？

2. 匯豐會唔會減派息呢？又係無得估，問題係就算有能力，匯豐都可以選擇唔派或減少派息，因為現市況都無人會質疑這決定，咁大家話，有冇得估？

3. 匯豐需唔需要供股呢？對唔住，都係無得估，原因係過往被市場認為足夠的資本水平，現市況可能已經唔夠，市場多以核心第一級資本比率去估匯豐是否需要供股，但真係有得估咩？唔好忘記核心第一級資本比率除了受"份子"影響，仲受到"份母"風險加權資產影響，你覺得"份子"唔夠需要供股，但會唔會管理層透過減少"份母"去達到上述結果呢？再一次，無人可以估到....

3月2日，自有分曉！

- 大口仔將於週末同大家分享對匯豐2008年全年業績的要點跟進及預測。

- 大口BB開始學講野，成日依依呀呀，好鬼抵打！

- 大口仔上星期報了考試，往後的筆記可能會變得較為"精簡"。

- 大口仔個死黨再次失蹤，看來拯救無望....唉！