賭場

落船，成身"軟賴賴"咁爬返屋企....

我係個種買$200大細都會手心冒汗既人，今次過大海，去了朱古力賭場出了幾次手汗已經覺得不得了，心臟差d負荷唔到。奇怪既係，平時係香港個大賭場返工，幫客戶落注一千幾百萬我又心安理得，信心爆棚。

都話有賭場既地方就永遠有賭仔、疊碼仔出現。唔理你係澳門定香港，賭仔輸錢後永遠都會話無下次無下次，斬手指戒賭，不過，月尾出糧後又好似患左失憶症咁"玩返兩手"，仲越賭越大。

香港呢個賭場，自三月份起又開始人頭湧湧。當一個又一個末日博士被打入冷宮，賭徒們又再興高采烈地大叫"三邊、三邊"、"吹、吹"，盡情投入。

閣下冷眼旁觀？你既事！其他人一樣今朝有酒今朝醉，繼而身家暴漲，冷靜的人就眼看存款戶口的錢收到每月$0.1利息。到你心血來潮想玩返手？Sorry, the party is over....下次請早！

Tabo作為香港賭場疊碼仔既代表，除了不斷為國內大款煽風點火，間唔中抽下水搏打賞之外，仲有乜可以做？