2009年11月28日星期六

食得夠尖大快活

網友話佢覺得大快活的食物好難食,問我點解會買入這種小型公司....

先不論大快活的食物水準如何,大口仔買入大快活的原因好簡單:大快活2009年的業績能見度好高,估值低兼有turn around的利好因素。

記得去年今日,當大快活宣布2008年中期業績,市場對大快活公佈的數字非常失望,毛利率跌之餘更削減派息一半,加上有部分投資者將大快活2007年的特別股息假定為常設股息去計算大快活的息率,得出的結論係大快活經營不善,減派息等如現金流有危險,接著公布全年業績時更每況愈下。

究竟大快活是否這樣不濟呢?

問題出於2008年下半年(即2008年10月至2009月3月),大快活2008年下半年錄得營業額倒退之餘,毛利率更錄得1%的倒退。不要看輕這1%的倒退,因為這正是大快活2008年盈利倒退的關鍵所在。大快活2008年毛利率倒退主要因為租金、食物材料居高不下及因金融海嘯而推出的優惠增多。時而勢逆,上述三點因素都在今年不復存在,大家樂剛公布的中期業績可以為大快活的投資者帶來莫大啟示。

假設大快活2009年全年營業額與2008年全年相若,即14-15億港元,毛利率由2008年的12.8%增長到13.3%,大快活2009年全年賺1.0-1.1億港元的機會不少。因為大快活要預留資金興建大埔食品加工廠,大口仔將大快活的往績派息比率由60%下調至50%,即2009年的派息若為0.5-0.55億港元。

現價計預期PE為7.83-8.67倍,息率為5.76-6.34%。或者會再有驚喜....

5 則留言:

若缺齋老人 說...

十年前既大快活真係難食,而家大幅改善了 - 唔係話好好,不過大多數value for money (但好多時新出品而唔係長有既會有不穩定);

如果大快活都叫難食,佢來到美國肯定餓死!

passerbyvera 說...

如果大快活都叫難食,佢來到美國肯定餓死!
-------------
哈哈又誇張咗少少. :)

觀察者 說...

大家樂和大快活兩者取其中,係估值、派息和未來升幅,以現價計,大快活係未來都會跑贏大家樂。

若缺齋老人 說...

passerbyvera兄:美國食野三字真言:甜、油、多至少有一樣、通常兩樣甚至三樣都齊,甚至叫碟菜都係油浸既,簡直食到想死!

(最神奇既係"甜":無啦啦燜牛肉蒜豬扒都可以甜既,死未!)

passerbyvera 說...

若缺齋老人兄:看似對米國的飲食有很多控訴呢,現在還在受它飲食文化的摧殘吧?(默哀一下)

Related Posts with Thumbnails