2010年5月14日星期五

GUTSY

曾生做了幾年特首,請了咁多局長、副局長、政治助理,有關人等終於參透了"GUTSY"這個簡單不過的英文生字,並付諸行動。

大口仔當然知道字面解釋相當易明,但要在政治層面漂漂亮亮實行又不得失市民則不是人人可以做到。不過,反正政府都成日兩邊不是人,點解唔可以好似今次咁,俾多點"GUTSY",大聲說不,然後話俾信得過的人聽呢?

大膽估計,今次這有"GUTSY"行為,最少可獲得超過一半市民認同,唔投票咪唔投票囉!駛乜成日話未決定到呢?仲嫌管治團隊"議而不決"的形象不夠深入民心?

31 則留言:

Skywalker 說...

佢夠鬼膽投咩! 佢從來无Gutsy, 打份工之嘛! 佢唔投但我投

匿名 說...

我投白票!!!表達不滿 !!!!

匿名 說...

唔係喎,我又唔係咁睇。
我都係同特首一樣,唔投。
原因:呢個係一個非一般的補選。
我唔投,係靠我自己分析同決定,
邊個都影響唔到我。
我見到D拉票人士,
第一反應係,我心中有數,
謝絕拉票,唔好煩我。
今次唔投,原因一個,
我果匿既候選人太爛,
揀唔落手,於是,我決定唔投。
什麼投議題...我啋佢地都傻...

匿名 說...

我唔想政客曲解我的選票,我也投白票

匿名 說...

今晚睇NOW直播台既補選論壇,臨尾各候選人最後呼籲市民投票,果個大專生黃XX,
一開口就各位基層市民.....請投票。
我聽到...頂你個肺,
我呢D上等人同D上緊位既中產人,
即係唔洗投啦,
你都當呢D上等人我無到...
好,你不仁時我不義,
一於桿衛特權到永遠,
一於支持功能組別到底。

匿名 說...

根本就係一個又辭又選自編自導自說自話既一個玩野補選。

匿名 說...

樓上那位, 好有同感,

匿名 說...

不要只說, 要表達立場, 過去我是沈默的, 這次非常想表達不贊成。

匿名 說...

公投應該有贊成票及反對票~今次所謂的公投無論你投咩票人地都當你贊成~如果你反對就應該唔好去投票~

匿名 說...

1:59 x2

匿名 說...

唔去投票--他們可以曲解表示"不反對", 投白票是不是可以表達明顯不贊成? 我不清楚, 有什麼見解? 謝謝

hkeric 說...

你投唔投都會有各界人士向你抽水

匿名 說...

9:36自己分析最實際。
你信唔信公社可以幫到你?
信你就投,唔信就唔好投。
公社係想要你張票嚟玩政冶遊戲多D囉,
我個人認為。
佢地玩緊既係一個虛疑公投遊戲呀,
你醒下啦。

匿名 說...

謝謝, 9:42 , 11.44

我不贊成虛疑公投遊戲, 想投白票表達不滿, 看起來唔好投更好

匿名 說...

之前有人講個, 有投票既 (就算係廢票)即係支持佢地.

後來知道市民唔接受就改第二個方式.

你做唔做都可以抽你水.

柒加伍 說...

我一定唔去投票!

一則無一個值得我選。

更攞命的是有人話我去投我的一票,就算係白票,都卽係支持這、支持哪喎。你要強姦人意,我做物要去獻身!

你一係正正經經搞個題目鮮明的公投,等我清清楚楚表明我的睇法,唔好叫我明明係幾個人中選一個,卻話等於做第二樣嘢。呢的道理,我太蠢無法明白。

匿名 說...

投票係我地既責任, 係我地既權利, 我不明白有什麼理由同原因可以令自己放棄這次投票. 無論起因如何, 這次都是一次公平公正同公開既選舉, 係一次讓我們表達意見既機會. 無論結果如何, 無論你投不投, 還是投白票, 各政客都可以有各自的演譯, 那麼為什麼要擔心他們怎去演譯這次投票結果而放棄我們既權利, 我們既責任? 民主社會, 最重要是有人民既參與, 投那人的票或是白票都是次要, 最重要的是大家都走出來參與每一次的投票, 請好好珍惜我們每一次能投票的機會.

匿名 說...

唔係喎,投票係權行多於責任嫁。
登唔登記做選民都有得自由決定,
更何況係投唔投票呢。
唔投票咪唔投票囉,
係果個人既個人權利,自由同決定嚟嫁,
人地唔投票,
你都要尊重人嫁,
唔做得要好似想殺死果D唔投票D人咁嫁,
知無?
要尊重呀,唔做得咁嫁。
仲細呀你,諗野咁小朋友既?
你要弱智話人唔投票唔啱,
真係隨得你呀。
我唔投嫁,你要口臭鬧人,
我一於當你發花癲咋。
有票就要投????
咁有錢就要洗????
有愛就要做?????

匿名 說...

就算說我沒有責任,亦想不各政客利用我的選票。

匿名 說...

7:19你想講咩呀?我睇左幾次都唔明?

匿名 說...

回3:54

3:27的回應一個殺字都冇, 其他所有的回應都冇; 更何況你又知人家是小朋友? 請諗清楚自己的諗法有幾多偏見.

大家:
何謂"利用了"選票? 政客(不只限社民連)都係靠選票當選的了. 如果咁就係利用了選票, 你每一次投票都係俾人利用.

至於話攪一次真正的公投, 攪到嗎?! 政府連變相公投都唔承認可以攪到?! 變相公投係我們能做的事而已.

個人立場:
珍惜自己可以投票的權利, 如果唔喜歡社民連, 又有其他合心水的參選人, 可以用選票趕走佢地.

匿名 說...

不是投才叫珍惜自己投票的權利, "不投"也許是更珍惜。

匿名 說...

柒加伍: Agree with you!

匿名 說...

同意8:38.
不是花錢才叫珍惜金錢, 儲蓄更珍惜。投票比率亦, 珍惜不投的權利。

匿名 說...

修改:同意8:38.
不是花錢才叫珍惜金錢, 儲蓄更珍惜。投票比率亦是一個民意指標, 珍惜不投的權利

柒加伍 說...

回應8:09
攪唔到真正的公投, 不等於應該攪依家呢一款所謂變相公投,亦不等於呢一場所謂變相公投的做法便是對的,因為呢一場戲,建基在強行(是強行!)設定:投就等同意我的某一個假定,咁卽係移花接木,強姦人(民?)意!

如果咁都得,咁都叫公投,我只能寫個服字。
再者,如果攪唔到真正的公投,就要或者可以攪啲咁嘅嘢,不如話我搵唔到錢,都應該夾硬要人俾錢我啦。

匿名 說...

回柒加伍
"攪唔到真正的公投, 不等於應該攪依家呢一款所謂變相公投,亦不等於呢一場所謂變相公投的做法便是對的"

是不是你可以攪到真正的公投? 但以上的道理就像在饑荒中, 好難找食物, 變相找到些水果充饑, 就話這所謂的食物冇用.

真正的公投意義在於, 大家都可以表達自已的向, 而唔係靠些幾千人的小調查去找民意.

如果HK 有真正的公投, 佢地攪變相公投就先係多餘.

"因為呢一場戲,建基在強行(是強行!)設定:投就等同意我的某一個假定,咁卽係移花接木,強姦人(民?)意!"

佢地老實講冇迫你去投... 冇強姦. 你唔認同他地的設定: 民主 的話, 唔好投.


"再者,如果攪唔到真正的公投,就要或者可以攪啲咁嘅嘢,不如話我搵唔到錢,都應該夾硬要人俾錢我啦。"

你可以找人俾錢你的, 總有人會俾你

匿名 說...

HK 是主權國家? 可以有真正的公投 ?

匿名 說...

完全同意柒加伍下面的見解:
為呢一場戲,建基在強行(是強行!)設定:投就等同意我的某一個假定,咁卽係移花接木

匿名 說...

10:10得,明,收到。明天你快快樂樂去投個痛快,無人會阻你的。OK?

8:32 x2
9:45 x2

匿名 說...

10:10,收到。我明天唔去投票,以保清白。

Related Posts with Thumbnails