2008年6月15日星期日

精英盃 - 2008

大口仔愛馬,視賽馬為一種運動。投注比賽只為怡情,考考自己眼光。馬場智慧話俾我知如果要賭馬要贏錢,應該向低中班賽埋手,因為高班賽競爭激烈,在香港讓磅制度下賽果往往出人意表。

但我還是較喜歡投注高班賽,看見自己的愛騎比賽獲勝,如果加上中彩那種感覺真係非筆墨可以形容。今日沙田11場比賽,大口仔再一次犯賤,選了場讓磅級際賽同大家分享心水。

第10場跑精英盃,但看見報名陣容,應該在精英盃的"精英"後,加上"遺材"兩字,叫"精英遺材盃"才來得貼切。當中大口仔最看好"勝利飛驅",相信佢1400特強、季尾特強,加上之前於級際賽面對眾多當打的"精英"都所負不遠,今場面對其他一線尾對手,用楊啟棠減5磅勝望甚濃。

對手有"時尚風采"及"零用錢"一對,前者今季大熟大勇,放棄打吡反而更有利季尾發揮,後者今季大幅進步馬,於蔡sir手上發揮到強勁小宇宙,唯一不利因素係久休第一場比賽。最後補返隻1400怪物"心中有理"。

大口仔心水如下 (排名絕對分先後):

第10場 - (1) 勝利飛驅、(5) 時尚風彩、(6) 零用錢、(10) 心中有理

後記:

勝利飛驅臨場楊啟棠似乎騎唔起隻馬....
時尚風彩差少少入三甲,4歲後應該跑哩半以上威力較大....
零用錢狀態未足,密切留意之後部署....
心中有理又入Q,跑1400上名率超過六成,寫過服字....

貼4中1,要檢討下....

沒有留言:

Related Posts with Thumbnails