師奶股神

即係咁....

雖然無線的肥皂劇的情節超易估，結局又往往大團圓結局亳無新意可言，但間唔中都有一兩套劇情有D啟發。

最近播緊的"師奶股神"就係其中一套。基本上套劇將我等散戶的投資習慣同心態，用誇張少少的手法講哂出黎，好似跟風入市、問NUMBER、輸打贏要等等都有講到，如果你都係散戶一份子，大口仔相信你睇完會會心微笑....

不過大口仔覺得最TOUCHING的一幕，仲係劇中"師奶股神"因為受"大戶"所害，做了眾矢之的後，終於醒覺還是家人對自己最重要。

講真，實在無野重要得過屋企人。

我等散戶在股海搵食，作決定如果可以想想自己所愛的人，投資成績可能會更上一層樓，最少可避免不少愚不可及，無根無據的投資決定....